Европската Унија во 2025 година произвела 3,44 милијарди литри сладолед, што претставува раст од 1,9 отсто во споредба со 2024 година, кога производството изнесувало 3,38 милијарди литри, покажуваат податоците на Евростат.

Германија останала најголем производител на сладолед во ЕУ со 608 милиони литри. Следуваат Италија со 549 милиони и Франција со 525 милиони литри. Меѓу водечките производители се и Шпанија со 457 милиони и Белгија со 274 милиони литри.

Во споредба со 2024 година, сите пет земји забележале раст на производството. Најголемо зголемување имала Италија, од 10 отсто, потоа Белгија со шест проценти, Франција со четири и Шпанија со два проценти. Во Германија производството се зголемило за 0,2 отсто.

Во текот на 2025 година земјите од ЕУ извезле 289,8 милиони килограми сладолед на пазарите надвор од Унијата, додека увозот од трети земји изнесувал 77,8 милиони килограми.

Извозот бил зголемен за 10 отсто во однос на 2024 година, односно за 26 милиони килограми, додека увозот пораснал за 12 отсто или за 8,5 милиони килограми.

Франција била најголем извозник на сладолед меѓу членките на ЕУ, со 59,1 милион килограми извезени надвор од Унијата, што претставува 20 отсто од вкупниот извоз.

На второ место е Италија со 55,2 милиони килограми или 19 отсто од вкупниот извоз, а следуваат Белгија со 34,5 милиони килограми, Германија со 29,9 милиони и Холандија со 26,5 милиони килограми.

Вреднувањето на трудот, мотивацијата и создавањето позитивна работна средина остануваат во центарот на деловната филозофија на финансиското друштво Flex Credit. Компанијата, која брои над 450 вработени, официјално додели повеќе од 30 ваучери за патување за своите најдобри колеги кои остварија исклучителни резултати во изминатиот период.

Наградите им беа врачени на вработени од различни сектори – од тимовите во филијалите ширум државата, преку кредитниот оддел, па сè до административната поддршка. Овие ваучери за патување претставуваат конкретно признание за нивната секојдневна посветеност, професионализам и неуморна работа која директно придонесува кон стабилноста и растот на целиот систем.

Наградувањето на најдобрите е само еден сегмент од пошироката практика на Flex Credit за континуирано вложување во луѓето, нивно мотивирање и градење корпоративна култура во која секој придонес се препознава и соодветно се вреднува.

„Нашиот најголем капитал не се бројките, туку луѓето. Со повеќе од 450 професионалци во нашиот тим, горди сме што имаме колеги чија посветеност ги поместува границите. Овие 30+ награди се наш начин да им кажеме ‘благодарам’ за нивниот труд и да ги инспирираме за сите нови деловни успеси што нè чекаат“, истакнуваат од менаџментот на Flex Credit.

Со оваа иницијатива, Flex Credit уште еднаш ја потврдува својата позиција како еден од најпосакуваните работодавачи во финансискиот сектор, каде успехот секогаш се споделува со тимот.

Од 27 септември компаниите во Европската унија ќе се соочат со построги правила за таканаречениот „greenwashing“, односно користење неосновани тврдења дека одредени производи или услуги се еколошки, зелени или климатски неутрални.

Според новата европска регулатива, компаниите повеќе нема да можат да користат општи ознаки како „зелен“, „добар за животната средина“ или „климатски неутрален“ доколку за тие тврдења немаат соодветни докази.

Тоа значи дека, на пример, авиокомпаниите нема да можат да рекламираат „јаглеродно неутрални летови“, а козметичките компании нема да смеат да тврдат дека нивните производи не им штетат на коралните гребени без аргументи што го потврдуваат тоа.

Целта е потрошувачите полесно да ги препознаат производите што навистина ги исполнуваат еколошките стандарди и да не бидат доведувани во заблуда преку маркетинг.

Сепак, компаниите се соочуваат со одредена неизвесност бидејќи дополнителните европски насоки за тоа кои докази би биле доволни за потврдување на „зелените“ тврдења не беа усвоени. Поради тоа, бизнисите во голема мера ќе мора да се потпираат на националните правила и на судската практика.

Еколошките ознаки, пак, ќе може да се користат доколку произлегуваат од утврдени постапки за сертификација или се одобрени од надлежни јавни институции.

Земјите членки требаше да ги пренесат новите европски правила во националните законодавства до март годинава. Во мај, Брисел започна постапки против 20 земји кои дотогаш не ја известиле Европската комисија дека ја завршиле постапката.