Банки
Вицегувернерката Нацевска на состанок на вицегувернерите од Западен Балкан за пристапниот процес кон СЕПА
Вицегувернерката Емилија Нацевска зеде учество на состанокот на вицегувернерите од Западен Балкан, посветен на пристапниот процес кон Единствената област за плаќањa во евра (СЕПА), којшто се одржа во Будимпешта на покана на Народната банка на Унгарија. Високите претставници на централните банки од регионот имаа можност да се запознаат со унгарското искуство во процесот на пристапување кон СЕПА, како и со унгарската финансиска инфраструктура како можен модел за интегрирање во СЕПА. На средбата беше нагласена важноста од навремена подготовка од оперативен и технички аспект на давателите на платежни услуги од земјите од Западен Балкан за брзо приклучување во платежните шеми (платните системи) во СЕПА. Во тој контекст, беше истакната подготвеноста на Народната банка на Унгарија, во рамките на сегашното претседателство на Унгарија со Советот на Европската Унија, да помогне во соработката со Европската централна банка за да им се обезбеди поедноставен пристап на давателите на платежни услуги од земјите од Западен Балкан до европската платежна инфраструктура.
Вицегувернерите на централните банки од регионот истакнаа дека посветено работат на усогласувањето на правната рамка со европското законодавство и изразија очекување за успешно завршување на формалниот процес за пристапување во СЕПА. Притоа, три централни банки од регионот, вклучувајќи ја и нашата, официјално доставија барања за членство во СЕПА до Европскиот совет за плаќања, додека останатите земји се во процес на подготовка на барањата. Во очекување на позитивна оцена за поднесените барања за членство во СЕПА, вицегувернерите ја нагласија потребата од продолжување на добрата соработка помеѓу централните банки од регионот, како и со институциите на Европската Унија, заради ефикасна подготовка на давателите на платежни услуги во наредниот период за исполнување на барањата за оперативно приклучување во СЕПА, откако ќе заврши формалниот процес на оцена на барањата.
Членството во СЕПА ќе донесе бројни придобивки за граѓаните, фирмите и целокупната економија. Давателите на платежни услуги со приклучувањето кон платните системи во СЕПА ќе можат да понудат поевтино и побрзо извршување на плаќањата во евра, што ќе овозможи поголема финансиска интеграција меѓу земјите од регионот, како и со останатите земји од СЕПА. Воедно, со членството во СЕПА би се намалила сивата економија за 2 процентни поена во регионот на Западен Балкан, според процените на Светската банка.
Покрај вицегувернерката Нацевска, во македонската делегација учествуваше и Игор Величковски, директор на Секторот за операции на финансиски пазари и платни системи. На состанокот присуствуваа и вицегувернерите со своите тимови од Србија, Црна Гора, Босна и Херцеговина, Албанија и Косово.
Станбените кредити пораснаа за 273 милиони евра за една година, раст од 16,6%
„Монте деи Паски“ тргна во голема банкарска офанзива вредна речиси 40 милијарди долари
Стопанска банка со премиум кредитна картичка нуди пристап до над 1.800 аеродромски деловни зони
Европската унија се соочува со прехранбена криза
Биткоинот силно скокна до 79.500 долари по повеќемесечен пад
Иднината на банкарството е во доброто корисничко искуство
Стопанска банка со промотивна камата од 4,9 отсто за Mastercard Platinum картичката
Стопанска банка Скопје вработува трезорист, отворен оглас за апсолвенти и дипломирани економисти
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
Премиум дебитната картичка на Стопанска банка овозможува пристап до над 1.800 аеродромски деловни зони
Банки
„Монте деи Паски“ тргна во голема банкарска офанзива вредна речиси 40 милијарди долари
Италијанската банка „Монте деи Паски ди Сиена“ поднесе понуди за преземање на конкурентските банки „Банко БПМ“ и „Банка Џенерали“, чија заедничка вредност се проценува на речиси 40 милијарди долари, објави „Волстрит журнал“.
Понудите се целосно во акции и претставуваат ново поглавје во процесот на консолидација на италијанскиот банкарски сектор, во кој во последните години се интензивираа спојувањата и преземањата.
„Монте деи Паски“, која се смета за најстарата банка во светот што сè уште работи, истовремено се обидува да ја зачува својата независност.
Банката во моментов се соочува и со понуда за преземање од поголемиот италијански ривал „Интеза Санпаоло“.
Банки
Стопанска банка со премиум кредитна картичка нуди пристап до над 1.800 аеродромски деловни зони
Стопанска банка АД – Скопје ја промовира својата премиум кредитна картичка наменета за корисници кои често патуваат, со повеќе поволности поврзани со патувањата и плаќањат
Корисниците на картичката имаат бесплатен пристап до повеќе од 1.800 деловни зони на аеродроми ширум светот.
Картичката овозможува и купување на до 36 рати без камата, како и вклучено патничко осигурување за секое патување.
Понудата е наменета за корисници кои сакаат дополнителни погодности и поголема удобност при патувањата.
Повеќе информации за условите и поволностите се достапни на официјалната веб-страница на Стопанска банка.
Банки
УНИБанка ќе исплати 211,3 милиони денари дивиденда на акционерите
УНИБанка АД Скопје планира да исплати дивиденда на своите акционери од акумулираната добивка за 2025 година, во вкупен бруто-износ од 211,3 милиони денари, покажуваат предлог-одлуките за претстојното Собрание на акционери.
Според предлог-одлуката, акумулираната добивка на Банката за периодот од 1 јануари до 31 декември 2025 година, во износ од 211.296.969 денари, ќе биде употребена за исплата на дивиденда.
Предложената дивиденда изнесува 387 денари бруто по акција, односно околу 6,3 евра по акција.
Од бруто-износот на дивидендата, при исплатата на физички лица резиденти и нерезиденти, Банката ќе го задржи и уплати персоналниот данок на доход. Кај правните лица нерезиденти ќе биде задржан и уплатен данок по задршка, согласно важечката регулатива.
Право на дивиденда ќе имаат акционерите кои се регистрирани во акционерската книга на УНИ Банка на 9 октомври 2026 година.
Последен ден на тргување со право на дивиденда за 2025 година е 7 октомври 2026 година, додека прв ден на тргување со акциите без право на дивиденда е 8 октомври 2026 година.
Исплатата на дивидендата е предвидено да започне на 26 октомври 2026 година, при што средствата ќе бидат исплатени во паричен износ на платежните сметки на акционерите.
Предлогот треба да биде разгледан од Собранието на акционери на УНИ Банка, закажано за 24 септември 2026 година.
Со предложената распределба, практично целата акумулирана добивка од 211,3 милиони денари за 2025 година се насочува кон исплата на дивиденда на акционерите.
Станбените кредити пораснаа за 273 милиони евра за една година, раст од 16,6%
„Монте деи Паски“ тргна во голема банкарска офанзива вредна речиси 40 милијарди долари
Стопанска банка со премиум кредитна картичка нуди пристап до над 1.800 аеродромски деловни зони
Европската унија се соочува со прехранбена криза
Биткоинот силно скокна до 79.500 долари по повеќемесечен пад
Иднината на банкарството е во доброто корисничко искуство
Стопанска банка со промотивна камата од 4,9 отсто за Mastercard Platinum картичката
Стопанска банка Скопје вработува трезорист, отворен оглас за апсолвенти и дипломирани економисти
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
Премиум дебитната картичка на Стопанска банка овозможува пристап до над 1.800 аеродромски деловни зони
-
Продуктипред 2 месециИднината на банкарството е во доброто корисничко искуство
-
Останатопред 2 месециОд јули почнува исплатата на К-15, минималниот износ е 19.116 денари
-
Банкипред 2 месециИсплатата на јунските пензии преку Стопанска банка почнува на 1 јули
-
Банкипред 2 месециКомерцијална банка почнува со исплата на јунските пензии од 1 јули
-
Банкипред 1 месец
Стопанска банка со промотивна камата од 4,9 отсто за Mastercard Platinum картичката
-
Кариерапред 2 месециАЛТА Банка објави оглас за вработување во секторот за организација и ИТ
-
Банкипред 2 месециЈунските пензии достапни за пензионерите корисници на Халкбанк
-
Кариерапред 2 месециСтопанска банка бара агент за грижа на корисници
