Естонската групација Иуте, дигитална банкарска група која оперира во Југоисточна Европа, официјално го објави основањето на Iute Affinity, нова групациска подружница посветена на целосно дигиталниосигурителни решенија и оперативна поддршка. Со овој чекор, Иуте дополнително ја зајакнува својата стратегија за интегрирање на осигурувањето како клучен дел од дигиталното банкарско искуство.

За Извршен директор на Iute Affinity е назначена Алма Рибановиќ, искусен професионалец со повеќе од 20 години работа во банкарство, осигурување и развој на стратешки партнерства, со посебен фокус на вграденитеосигурителни решенија.

Според Алар Нинепу – Групациски комерцијален директор и ко-основач на групацијата, создавањето на Iute Affinity овозможува осигурувањето да стане составен дел од услугите и постоечкиот екосистем на Иуте.

„Со Iute Affinity, осигурувањето повеќе нема да биде одвоен производ, туку природен дел од дигиталното искуство во MyIute супер-апликацијата. Преку директни партнерства со водечки глобални осигурители како Allianz Partners, SIGAL и MediGuide, ќе обезбедиме целосно дигитални и персонализирани решенија не само занашите клиенти, туку и за клиентите на нашите партнери,“ изјави Нинепу.

Iute Affinity нема да дејствува како осигурител, туку како платформа која го вградува осигурувањето директно во екосистемот на Iute. Ова значи дека корисниците ќе можат да добијат здравствено, имотно и друго осигурување без потреба од комуникација со надворешни провајдери, додека процесите за пријава на штети и поддршка ќе се одвиваат во рамките екосистемот и платформите на Иуте, што ќе резултира во подобро и побрзо решавање на штети, поплаки и прашања од клиентите, појасна комуникација, конзистентност и поголема доверба во брендот. 

„Луѓето не го доживуваат осигурувањето како самостоен производ, туку во  контекст на секојдневните моменти – плаќање, патување или купување, и едноставно очекуваат целиот процес да функционира непречено, во реално време и без стрес. Визијата на Iute Affinity еосигурувањето да стане природен дел од тие моменти, вградено во дигиталното корисничко патување” посочи Рибановиќ.

Во првата фаза, Iute Affinity ќе ги поддржува постоечките пазари на групацијата и ќе соработува со меѓународни осигурителни компании за унапредување на дигиталното преземање ризик, автоматизацијата на штети, превенцијата од измами и аналитиката на податоци.

Долгорочната визија на Iute Affinity е да стане водечка платформа за осигурителни решенија која ќе ги поддржува не само групациските активности и корисници, туку и платформи, даватели на услуги, производители, онлајн трговци и други играчи кои сакаат да вградат осигурување во сопствените кориснички патувања. 

Iute Affinity како прв и водечки производ во својата стратегија, ќе лансира патничко осигурување со дополнителни здравствени услуги преку претплата, како и ново осигурување за заштита на плаќањата за клиентите на Iute во Молдавија и Бугарија.

Mastercard ја лансира новата кампања „Твојот Mastercard ден“, создадена за да го претвори првиот ден од секој месец во вистинска прослава.

И во текот на 2026 година, сите корисници на Mastercard картички ќе можат да уживаат во ексклузивни поволности и директен поврат на средства.

Како функционира?

👉 На 1-ви во секој месец направете плаќање со Mastercard картичка во ресторан, бар или преку услуга за достава на храна.

👉 Автоматски добивате 10% поврат на средства, директно на вашата сметка.

👉 Со оваа кампања, Mastercard овозможува секој почеток на месецот да стане нова омилена традиција.

Регистрација и дополнителни информации

За учество во кампањата потребна е регистрација на следниот линк: www.priceless.com/MKden.

Таму можете да ги откриете и сите други ексклузивни придобивки кои ги нуди Mastercard.

Со „Твојот Mastercard ден“, корисниците добиваат повеќе од обична трансакција – добиваат можност секој месец да започнат со мала, но значајна прослава.

Со цел унапредување на безбедноста на онлајн трансакциите Комерцијална банка од 1 март воведува нов начин на потврда на интернет плаќањата со картичка и на трансакциите преку мБанка, со кој обезбедува уште поголема заштита на паричните средства на клиентите.

Од 1 март, интернет плаќањата со картичка ќе се потврдуваат со единствен безбедносен код генериран преку бесплатната апликација мТокен, наместо како досега со СМС код. Сите трансакции преку мБанка ќе се потврдуваат со ПИН или со биометриска автентикација, кои се користат и при најава на апликацијата.

Овие промени се спроведуваат согласно важечката законска регулатива, а нивната цел е зголемена заштита од злоупотреби и неовластени трансакции, побезбеден процес на автентикација и дополнителна сигурност при секое онлајн плаќање.

За да можат непречено да вршат интернет плаќања со картичка од Комерцијална банка, сите клиенти, физички и правни лица, треба да ја активираат бесплатната алатка мТокен, која е достапна во мобилната апликација мБанка.

Клиентите што ја немаат преземено апликацијата мБанка може бесплатно да ја преземат од Google Play, App Store или App Gallery и веднаш да активираат мТокен. Алатката мТокен е бесплатна и едноставна за користење, наменета е за сигурна потврда на дигитални трансакции и достапна е за Android, iOS и Huawei уреди.

Активацијата се врши на брз и едноставен начин, а еднаш активиран мТокен овозможува континуирана практична и безбедна потврда на плаќањата без потреба од СМС пораки.

Детални информации и упатства за инсталација се достапни на следниот линк.

За дополнителна поддршка, на располагање на клиентите е Контакт центарот за техничка поддршка на телефон 02 / 3296 800, изберете 2, со работно време понеделник до петок од 08:00 до 18:00 часот и сабота од 08:00 до 13:00 часот.

Комерцијална банка останува посветена на создавање сигурна и модерна дигитална средина, во која клиентите со доверба и леснотија ги управуваат своите финансии.