Connect with us

Продукти

УНИБанка потпиша рамковен договор со Развојната банка на Северна Македонија за поддршка на зелени и општествено одговорни инвестиции

Објавено

пред 1 година

на

УНИБанка склучи рамковен договор со Развојната банка на Северна Македонија за поддршка на зелени и општествено одговорни инвестиции со средства обезбедени од Француската агенција за развој (АФД).

 Во фокусот на кредитната линија ќе биде и поддршката на женското претприемништво, како и проектите поврзани со процесот на дигитализација, овозможувајќи ни да ја интензивираме нашата улога во поттикнувањето на понудата за финансирање на климатските промени, како и во стимулирање на иновативниот и инклузивниот раст во приватниот сектор. Се поддржуваат инвестиции од компании кои се минимум 51% во сопственост на жени или се раководени од жени.   

 Со оваа кредитна линија која има силна социјална компонента, цел е да се поттикне родова еднаквост, инклузивност како и поттикнување и развој на зелените проекти во земјата. Да се овозможи личен и професионален развој на жените претприемачи, да се поттикнат иновации и инвестиции во проекти кои позитивно влијаат врз животната средина, и кои имаат силен придонес за постигнување здрава животна средина.

“Со поддршката на жени претприемачи придонесуваме кон порамноправна и просперитетна иднина. Во нашата земја има многу жени кои се вистински лидери, кои со своите бизнис идеи можат да придонесат кон развој на економијата и општа благосостојба. Жените раководат со интегритет, непристрасност и принципиелност, но не секогаш им се даваат еднакви можности. Додека пак зелените проекти се поврзани со нашиот одржлив раст и развој, со здравата животна средина, и токму затоа е важно да ги поддржиме”, истакна Катица Кузмановска, Одговорен директор за бизнис развој во УНИБанка.

 УНИБанка ќе биде дел од банките во земјава преку кои ќе бидат достапни кредити во вкупен износ од 50 милиони евра, средства од кои 25% се наменети за финансирање на бизниси раководени од жени и инвестиции во дигитализација, а 75% за зелени проекти кои придонесуваат кон подобрување на климатските услови. Кредитите се отплатен рок до 15 години, со вклучен грејс период до 3 години и се со поволна фиксна каматна стапка, што ги прави интересни и прифатливи.

 УНИБанка е значаен дел од оваа заедница, и како општествено одговорен субјект и во иднина ќе поддржува различни еко проекти и инклузивни иницијативи, иницирани од институции или поединци, придонесувајќи на тој начин кон поттикнување на позитивни тенденции и корисни општествени пракси.

Слични Теми:

Банки

НЛБ Банка: Промотивна каматна стапка од 5,7% за потрошувачки кредит до 16 април

Објавено

пред 10 часа

на

НЛБ Банка ги потсетува граѓаните на актуелната промотивна понуда за потрошувачки кредит со фиксна каматна стапка од 5,7 проценти, која е достапна до 16 април. Максималниот износ на кредитот изнесува до 2.000.000 денари, со можност за флексибилен рок на отплата.

Од банката посочуваат дека кредитот може да се аплицира на едноставен начин во експозитурите или дигитално преку мобилната апликација мКлик. Дигиталниот процес овозможува аплицирањето да се заврши со само неколку чекори, а одобрените средства да бидат достапни за кратко време.

Промотивниот потрошувачки кредит овозможува финансирање до 2 милиони денари, со фиксна каматна стапка од 5,7 проценти за целиот период на отплата и рок до 95 месеци.

Од НЛБ Банка нагласуваат дека ваквите кредитни решенија се наменети за сите кои сакаат брзо и едноставно да ги реализираат своите планови, со можност целата постапка да се заврши и дигитално преку мобилен телефон.

Продолжи со читање

Банки

АЛТА банка ја претставува новата апликација ALTA Bank2Go за побезбедни онлајн трансакции

Објавено

пред 24 часа

на

Со цел дополнително зголемување на безбедноста при интернет плаќањата и усогласување со новите регулаторни барања кои стапија во сила од 1 март 2026 година, АЛТА банка АД Битола воведува засилена автентикација при онлајн плаќања со платежни картички.

Како дел од оваа новина, Банката ја воведува новата мобилна апликација ALTA Bank2Go, преку која корисниците ќе можат брзо и едноставно да ги потврдуваат интернет трансакциите преку push нотификации на својот мобилен уред. Овој начин на потврда овозможува побрз, поедноставен и посигурен процес при извршување на онлајн плаќањата.

Засилената автентикација (Strong Customer Authentication – SCA) претставува дополнителен безбедносен механизам кој значително го намалува ризикот од злоупотреба и неовластени трансакции, обезбедувајќи повисоко ниво на заштита при онлајн плаќањата.

Користењето на апликацијата ALTA Bank2Go е бесплатно, а за нејзино користење потребно е клиентите да бидат регистрирани и активни корисници на постоечката мобилна апликација Bank2Go, која е наменета за секојдневни банкарски услуги како увид во состојба, плаќања и трансфери.

Со воведувањето на ова решение, АЛТА банка продолжува да инвестира во современи дигитални услуги со цел да обезбеди повисоко ниво на безбедност и поедноставно банкарско искуство за своите клиенти.

Продолжи со читање

Банки

Стопанска банка нуди ТОПСИ банкарски пакет наменет за млади

Објавено

пред 1 ден

на

Стопанска банка нуди банкарски пакет ТОПСИ, креиран специјално за младите кои водат динамичен и брз начин на живот и имаат потреба од практични и едноставни финансиски решенија.

ТОПСИ пакетот од млади за млади, ексклузивно може да го користат лица на возраст од 18 до 28 години и нуди:

Од Стопанска банка посочуваат дека ТОПСИ пакетот е создаден за младите кои сакаат брзо и лесно да управуваат со своите финансии, без комплицирани процедури и со поголема практичност во секојдневното користење на банкарските услуги.

Заинтересираните можат да аплицираат онлајн или да ја посетат најблиската филијала на Стопанска банка АД – Скопје за повеќе информации и активирање на пакетот.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange