Connect with us

Бизнис

Технолошкиот глобален лидер „Инграм Микро“ го проширува своето присуство во Северна Македонија со отворање на Тренинг центар

Објавено

на

Компанијата „Инграм Микро“, која веќе над 35 години е препознаена како глобален лидер за технологија и логистика, го проширува своето присуство во Северна Македонија со отворање на Тренинг центар што нуди комплетно портфолио на системски и софтверски курсеви со модули кои одговараат на секој метод на учење.

Тренинг центарот нуди курсеви кои ги зафаќаат клучните области на технологијата како: Check Point, Veeam, Veritas, VMWare, Kaspersky, Radware и IBM. Овие курсеви се дизајнирани да го надградат знаењето на поединците со цел тие успешно да функционираат и напредуваат во дигиталниот свет.

Она што е специфично, е тоа што Тренинг центарот обезбедува соодветна и персонализирана услуга, односно, имате можност да добиете целосна поддршка во однос на изборот на адекватен курс, како и во однос на вашите потреби за надградување на знаењето.

Компаниите кои ќе ги користат услугите на Центарот, за три или повеќе лица добиваат дополнителен попуст, како и они кои следат повеќе курсеви.

Обуките ги спроведуваат врвни професионалци кои се вработени во „Инграм Микро“ и имаат долгогодишно искуство во своето работење.

Сертифицираните курсеви, освен што ќе им помогнат на припадниците на ИТ заедницата да го надградат своето знаење, тие ќе им овозможат и отворање на нови можности и напредок во ИТ индустријата.

„Од самото основање сме позиционирани како лидери за технологија и логистика, а нашиот успех се темели на постојаните иновации, врвниот кадар и желбата за постојан напредок, а тоа се докажува со нашето дејствување во над 160 земји ширум светот. Новиот Тренинг центар во Скопје е само уште еден доказ за нашиот стремеж кон постојано проширување, а мене лично особено ме радува проширувањето во земјава и регионот“, истакна Филип Силјановски, генералниот менаџер на „Инграм Микро“ за Северна Македонија, Албанија и Косово.

Тој потенцираше дека новоотворениот Центар во Скопје претставува огромна придобивка за ИТ заедницата во Северна Македонија.

„Технологијата е менлива материја, а ние константно создаваме иновации кои ги водат трендовите во дигиталниот свет, токму затоа нашите сертифицирани курсеви се издвојуваат во ИТ светот. Даваме знаење за решавање на сите системски предизвици, како и за надградување на бизнисите согласно индивидуалните потреби“, наведе Силјановски.

Раководител на техничкиот оддел за Југоисточна Европа на „Инграм Микро“, Игор Урошевиќ, на отворањето ги сподели успесите на Тренинг центарот во Србија, нагласувајќи дека сите обуки на „Инграм Микро“ се засновани на практични искуства и дека им обезбедуваат на учесниците да ја разберат темелно заднината на технолошките текови и да ги практикуваат сценаријата во реалниот свет.

„Информатичката технологија и вистинските решенија денес се менуваат толку брзо што е многу тешко да се следи оваа динамика дури и за квалификуваните инженери. Технолошката експертиза станува подвижна цел, наместо статична и предефинирана крива на учење како што беше пред неколку години. За ИТ професионалците денес е задолжително да инвестираат во својата експертиза и вештини со цел да останат конкурентни на ИТ пазарот и Центарот за обука „Инграм Микро“ е тука за да им помогне во секој чекор од ова патување“, потенцираше Урошевиќ.

Говорниците, на отворањето на Центарот порачаа дека и понатаму ќе работат интензивно со цел да ја задржат заслужената титула на глобален лидер во ИТ индустријата, а преку специјализираните курсеви, дека ќе создаваат врвни професионалци кои ќе бидат заслужни за напредокот на дигиталниот свет и ќе имаат соодветна експертиза да се справат со сите предизвици.

Тренинг центарот на „Инграм Микро“ се наоѓа во населба Аеродром.

Компанијата „Инграм Микро“ е основана во 1979 година во Америка и во изминатите над 35 години константно бележи огромни успеси во своето поле на работа. Најголемите светски брендови како и помалите бизниси се потпираат на системските решенија што ги создава компанијата, а со тоа го унапредуваат своето дејствување.

Компанијата има над 160 претставништва ширум светот, како и илјадници вработени кои ги диктираат најновите трендови во ИТ индустријата.

Повеќе информации можете да најдете на https://mk.ingrammicro.eu

Бизнис

Триглав повторно доби висок кредитен рејтинг „А“ од S&P

Објавено

на

Агенцијата за кредитен рејтинг S&P Global Ratings (во натамошниот текст: S&P или агенцијата) го потврди кредитниот рејтинг на финансиска моќ и кредитниот рејтинг на издавач „А“ со стабилна среднорочна прогноза за Групација Триглав, а со тоа и за нејзината матична компанијата Заваровалница Триглав и членката на групацијата, Позаваровалница Триглав Ре. Сите поединечни елементи на овогодинешниот кредитен рејтинг достигнуваат исто ниво како и минатата година, а рејтингот се базира исклучиво на проценката на самостојниот кредитен профил на групацијата.

Деловниот ризик на Групација Триглав повторно беше оценет како силен, а профилот на финансиски ризик беше проценет како многу силен од агенцијата за кредитен рејтинг S&P. Овогодинешната проценка беше спроведена од S&P врз основа на ажуриран модел на капитал, кој вклучува ревидирани критериуми за анализа на капитализацијата, приспособена според ризикот на осигурителните компании. Според новиот модел, капитализацијата на Групацијата останува на многу високо ниво и покажува висок вишок над минималниот потребен капитал, дури и во екстремни сценарија (99,99% ниво на доверба).

Покрај робусната капитализација, агенцијата наведува и други клучни предности на групацијата, истакнувајќи ја нејзината лидерска позиција на пазарот во регионот и во Словенија, нејзиното добро диверзифицирано осигурително портфолио, поддржано од широко разгранета продажна мрежа и висока препознатливост на брендот. Групацијата управува со своето инвестициско портфолио конзервативно, истовремено ефикасно ограничувајќи ја својата изложеност на пазарни ризици.

Стабилната среднорочна прогноза за кредитен рејтинг ги одразува очекувањата на S&P дека групацијата ќе ја задржи својата висока и робусна капитализација. Агенцијата очекува групацијата да има добри резултати оваа година, што верува дека веќе е потврдено со резултатите од овогодинешниот прв квартал. Не се предвидува негативно влијание врз работењето на групацијата во 2024 година како резултат на прекинот на дополнителното здравствено осигурување во Словенија. Во иднина, се очекува групацијата да продолжи да остварува профитабилен раст врз основа, меѓу другото, на понатамошна диверзификација на понудата и остварените приходи, како што е наведено во нејзината деловна стратегија.

Целосното соопштение на S&P е објавено на веб-страницата www.triglav.eu/en во делот Односи со инвеститорите.

Продолжи со читање

Бизнис

Витаминка прва во Македонија седигитализира со Microsoft – Dynamics 365 Finance and Operation

Објавено

на

Витаминка е првата компанија во Македонија која во сите процеси, производство, набавка, магацини, продажба и финансии, го имплементира ЕРП решението од Microsoft – Dynamics 365 Finance and Operation. Со ова Витаминка е на пат кон целосна дигитализација на работата, од влез на суровина до излез на готов производ и нивно складирање.

Инвестицијата во најновите технологии е значаен чекор напред и придонесува за подобрување на оперативната ефикасност, модернизација на операциите, унапредување на производниот процес, подобро корисничко искуство и можности за раст и следење на иновативните светски трендови.

Витаминка е компанија каде што воведувањето на иновативни решенија и примената на нови технологииотсекогаш се гледале како инвестиција во раст и развој. На овој начин, со модернизација и следење на новите технолошки решенија, ги имплементираме најдобрите практики и ја унапредуваме работата во еден синхронизиран и ефикасен систем, докажан и користен од големи интернационални компании во светот. Отвораме можности за компанијата но и за пазарот и индустријата, затоа што дигитализација во оваа индустрија е неопходна, обезбедува сигурност и гаранција на она што излегува како готов производ“, истакна Сашо Наумоски, генерален извршен директор на Витаминка.

Дигитализацијата на оперативното работење е жив процес кој постојано се унапредува и менува, а ова решение е платформа на која може да се работи и да се биде во постојан тек со овие промени. 

Комплексноста на нашата компанија е тоа што истата располага со 9 производствени погони, 18 производни линии лоцирани на 3 физички одделени локации низ земјата, а тоа бараше сеопфатно софтверско решение што ќе доведе до унифицирање на процесите и обезбедување на податоци и анализа на истите, кои се неопходни за понатамошни одлуки и правци во работењето на компанијата. Овој систем е рамка во која компаниитеформираат стандарди и прилагодување на работата и процесите, што го прави идеален избор за бизниси кои постојано растат и инвестираат во иновации. Перспективата од овој систем е веќе видлива и отвора големо поле за работа и иновација на компаниските процеси“, вели Васко Наумоски, ИТ менаџер во Витаминка и одговорен за имплементација на Dynamics 365 системот.

Имплементацијата на овој ЕРП систем Витаминка ја спроведе со партнер компанијата на Microsoft, Axapta Masters, лидер во областа на Microsoft D365 решенија во Македонија.

„Оваа значителна трансформација на компанијата ќе ѝобезбеди не само економска предност и финансиска стабилност на долгорочен план, туку ќе овозможи и понатамошна платформа за развој во процесот на автоматизација и следење на иновативните светски решенија во нашата област. Со Axapta Masters, Витаминка го отвори патот кон нови успеси и висини во својата успешна македонска бизнис приказна“, истакна директорот на Axapta Masters – Игор Трпковски. 

На линкот е достапно видео за примената на ЕРП решението од Microsoft – Dynamics 365 Finance andOperation од Витаминка.

Продолжи со читање

Бизнис

АЕТМ и Агенција за пошти заедно ќе работат на намалување на сивата економија во е-трговијата

Објавено

на

Претседателката на Асоцијација за е-трговија на Македонија – АЕТМ, д-р Нина Ангеловска Станков и директорот на Агенција за пошти д-р Сретен Миладиноски, потпишаа Меморандум за соработка,  преку кој двете страни заеднички ќе се залагаат и ќе придонесуваат кон намалување на сивата економија во е-трговијата и нерегистрираните онлајн продавачи во Македонија.

Сивата економија во е-трговијата и нерегистрираните онлајн продавачи (кои најчесто ги продаваат своите производи преку социјални медиуми) претставуваат нелојална конкуренција на регистрираните е-трговци кои што работат согласно законските прописи, се штетни за репутацијата на целиот сектор со е-трговија и влијаат на губењето на довербата на потрошувачите во онлајн купувањето поради несигурните производи и услуги што ги продаваат, неиздавањето на фискална сметка, како и неможноста секогаш да се остварат потрошувачките права за рефундација на средствата или замена за производите. Намалувањето на сивата економија во е-трговијата и на бројот на нерегистрираните онлајн продавачи се од клучно значење за обезбедување на здрав и одржлив екосистем за е-трговија. 

АЕТМ во последните години преку најразлични активности, меѓу кои и потпишување на меморандуми за соработка со различни релевантни институции, активно придонесува кон намалување на сивата економија во е-трговијата и зголемувањето на дигиталната писменост на населението. Воедно, АЕТМ  постојано се обидува да ги едуцира граѓаните да купуваат само од регистрирани е-трговци кои се достапни во бесплатниот Регистар на регистрирани е-трговци на кој што  АЕТМ работеше изминатата година, а преку многу други активности ќе продолжи да го прави тоа и во иднина.

Е-трговијата е комплексен екосистем кој го сочинуваат бројни страни кои треба да го дадат својот придонес за целокупен напредок на секторот. Давателите на поштенски услуги играат исклучително важна улога во тој синџир. Нивната услуга и квалитетот при обезбедувањето на услугите влијаат на целокупното задоволство на купувачот и успешното работење на е-продавачот. Во контекст на сивата економија нивната улога е исклучително важна од аспект и на детектирање на ‘нерегистрираните испраќачи’, односно тие имаат евиденција за податоците на испраќачот на пратката согласно насоките на Агенцијата за пошти. Има бројни предизвици кои заедно со Агенцијата за пошти сакаме да ги детектираме и ќе се стремиме да придонесеме за промени каде што се потребни и подобрувања во насока на развојот на е-трговијата и намалување на сивата економија во е-трговијата.“ – вели д-р Нина Ангеловска Станков

Агенцијата за пошти, пак, најавува зголемени проверки врз работењето на давателите на поштенски услуги во однос на пратките со откуп, односно за пратките за кои се плаќа во готово при нивно преземање (cash on delivery) и препораки за охрабрување на зголемено безготовинско плаќање (банкарски трансфер при пратки со откуп) со цел намалување на готовинските плаќања, како и вршење на увид за правилно пополнување на адресниците и подобрување на податоците кои се прибираат за пратките од е-трговијата, со цел подобрување на корисничкото искуство од онлајн пазарење.

Агенцијата за пошти ја поздравува посветеноста на АЕТМ, и како и до сега ќе продолжи да презема активности и да ги реализира своите планови кои се во насока на спречување и намалување на сивата економија. Агенцијата е партнер на секоја институција која се бори против оваа појава. Наш приоритет е креирање, одржување и развој на амбиент кој овозможува обезбедување на сигурни, квалитетни и модерни поштенски услуги за сите корисници.“ – вели д-р Сретен Миладиноски, Директор на Агенција за пошти

Преку потпишувањето на овој Меморандум за соработка, АЕТМ и Агенцијата за пошти заеднички ќе работат креирајќи мерки и активности кои ќе помогнат во намалувањето на сивата економија, ќе се стремат кон развивање на способностите, дигиталната писменост на граѓаните и градење на капацитетен пазар на труд во секторот за е-трговија преку споделување релевантни информации од областа на е-трговија од заеднички интерес и споделување на тековни и нови искуства, релевантни за нивната област на дејствување.

Продолжи со читање

Популарно