Извршната директорка на Комерцбанк, Бетина Орлоп, ја нагласи важноста германската влада да биде вклучена во разговорите за евентуалното преземање на банката од страна на италијанската УниКредит.

„Важно е да има разговори меѓу двата големи акционери“, изјави Орлоп на конференција на Barclays, осврнувајќи се на средбата меѓу германскиот министер за финансии и првиот човек на УниКредит.

Според неа, евентуалната трансакција може непречено да се реализира само доколку постои договор и со вториот по големина акционер во Комерцбанк.

Орлоп и извршниот директор на УниКредит, Андреа Орчел, веќе водат формални разговори, додека можноста за преземање на германската банка станува сè поактуелна. Сепак, првите разговори покажале дека договор нема лесно да се постигне, бидејќи двете страни и натаму ги бранат сопствените стратегии.

Германската влада поседува околу 13 проценти од Комерцбанк, удел кој го задржа по спасувањето на банката за време на финансиската криза, и досега ѝ даваше поддршка на Орлоп.

Во понеделникот се одржаа и првите директни разговори меѓу Орчел и германскиот министер за финансии Ларс Клингбајл за можната трансакција.

„Очекуваме Комерцбанк да остане берзанска компанија со седиште во Франкфурт и да продолжи со своето силно работење со средните компании, и во Германија и на меѓународно ниво“, изјави Клингбајл по средбата.

УниКредит веќе обезбеди удел од речиси 50 проценти во Комерцбанк. Доколку ги добие потребните регулаторни одобренија за целосно преземање на понудените акции, италијанската банка би можела да располага со мнозинство од гласовите на акционерските собранија.

Орчел претходно најави дека по евентуалното преземање би можел да го промени Надзорниот одбор на Комерцбанк, а потоа и највисокото раководство. Тој планира и намалување на меѓународната мрежа на германската банка, предлог на кој Орлоп се спротивставува.

Орлоп, пак, посочи дека Комерцбанк мора јасно да знае во која насока ќе се движи и каква стратегија ќе следи во иднина.

Извор: De.yahoo.com

Комерцијална банка и Visa носат добитник во Барселона на средба со Ламин Јамал

Комерцијална банка ја започна новата наградна игра со Visa картичките, во која главната награда е патување во Барселона, средба со фудбалската ѕвезда Ламин Јамал и присуство на натпревар на ФК Барселона на „Камп Ноу“.

Наградната игра трае до 31 октомври 2026 година, а секое плаќање со Visa Debit, Visa Classic Revolving, Visa Classic Standard, Visa Signature или Visa Gold картичка носи по една шанса, односно еден код за учество во извлекувањето.

Корисниците кои плаќаат преку Google Pay, Apple Pay или Garmin Pay добиваат двојна шанса, односно по два кода за секоја трансакција.

Во наградната игра можат да се вклучат и клиенти кои сè уште немаат Visa картичка од Комерцијална банка. Со активирање нова Visa картичка тие автоматски добиваат еден код за учество.

Главната награда е наменета за добитникот и негов придружник и вклучува патување во Барселона, средба и дружење со Ламин Јамал, како и присуство на фудбалски натпревар на ФК Барселона.

Извлекувањето на добитникот е закажано за 3 ноември 2026 година.

Од Комерцијална банка порачуваат дека поголемиот број плаќања со Visa носи и повеќе шанси за освојување на наградата, а сите детали и правилата за наградната игра се достапни на официјалната интернет-страница на Банката.

Во рамки на Европската недела на мобилност, Стопанска банка АД – Скопје продолжува со промоција на урбаниот велосипедизам и одржливата мобилност, со цел да придонесе кон почиста животна средина, побезбеден сообраќај и поздраво секојдневие.

Од Банката посочуваат дека веќе десет години преку проектот „Вози право, вози здраво“ даваат поддршка на активности насочени кон поголема употреба на велосипедот како алтернативно и еколошко превозно средство.

Покрај масовноста на настаните што се организираат во рамки на проектот, од Стопанска банка истакнуваат дека особено значење имаат и донациите на урбана опрема, кои се користат во поддршка на урбаниот велосипедизам.

Со овие активности, Банката ја продолжува својата поддршка на иницијативите за одржлива мобилност и подобрување на условите за велосипедистите во урбаните средини.