Иран наскоро ќе стане членка на Новата развојна банка (NDB), финансиска институција основана од земјите-членки на БРИКС, соопшти гувернерот на иранската централна банка, Абдолнасер Хемати.

Хемати, кој учествува на состанок на гувернерите на централните банки на земјите од БРИКС во Индија, оцени дека формирањето на Новата развојна банка е еден од најзначајните резултати од соработката во рамките на групата.

Тој посочи дека соработката меѓу членките сè повеќе се проширува и во областа на монетарната и банкарската политика, како и во дигиталната економија.

Иран се залага и за зголемување на меѓусебната трговија меѓу земјите од БРИКС, поголема употреба на националните валути во плаќањата и развој на билатерална и трилатерална монетарна соработка.

На состаноците во Индија се разгледуваат и механизми за олеснување на трговијата, намалување на зависноста од американскиот долар во регионалните плаќања и поголема употреба на домашните валути меѓу членките на БРИКС.

НЛБ Банка Скопје ја промовира својата понуда на Visa кредитни картички, наменети за корисниците кои планираат патувања, но и за оние кои се одлучуваат за спонтани авантури.

Од Банката порачуваат дека без разлика дали станува збор за долгоочекувано патување планирано со месеци или за одлука донесена во последен момент, НЛБ Visa кредитните картички можат да бидат дел од финансиското планирање на патувањето.

„Некои патувања ги планираш со месеци. Други почнуваат со едно: ‘Ајде утре?’“, наведуваат од НЛБ Банка во објавата.

Повеќе информации за условите и можностите што ги нудат Visa кредитните картички се достапни на официјалната веб-страница на НЛБ Банка.

По повод Меѓународниот ден на младите, Стопанска банка АД – Скопје упати честитка до младите, истакнувајќи дека токму нивната енергија, идеи и храброст се движечка сила за иднината.

„Младите се енергијата, идеите и храброста што го движат светот напред. Затоа, веруваме во нивниот потенцијал и сакаме да бидеме дел од секој нивен чекор“, порачаа од банката.

Од Стопанска банка посочуваат дека преку TOPSI, концепт наменет за младите, создаваат банкарски решенија приспособени на нивните потреби и животен ритам.

Како што наведуваат, целта е младите да добијат поддршка во остварувањето на своите идеи, планови и соништа.