Како што финансискиот свет постојано се менува, сè повеќе финансиски советници ја препознаваат вредноста од вклучување на криптовалутите во клиентските портфолија. Она што некогаш се сметаше за шпекулативнo средствo, денес дигиталните валути како Bitcoin и Ethereum стануваат неопходен дел од диверзифицираните инвестициски стратегии.

Диверзификација и потенцијал за високи приноси

Криптовалутите нудат уникатни придобивки од диверзификација. Нивната ниска корелација со традиционалните класи на средства овозможува подобрување на перформансите на портфолиото и намалување на вкупниот ризик. Дополнително, потенцијалот за високи приноси кај дигиталните средства претставува можност за значителен раст на вредноста на портфолиото.

Исполнување на сè поголемата побарувачка од клиентите

Интересот за инвестирање во криптовалути постојано расте. Клиентите сè повеќе се изложени на употреба на дигиталните средства, а финансиските советници можат да понудат квалитетно водство во оваа област и се наоѓаат во подобра позиција со цел да ги задоволат очекувањата и да ја задржат лојалноста на клиентите.

Останување конкурентен на променливиот пазар

Интегрирањето на криптовалутите во стратегиите за управување со богатство не само што одговара на побарувачката на клиентите, туку и го издвојува советникот од конкуренцијата. Прифаќањето на дигиталните средства покажува адаптибилност и визионерски пристап — квалитети кои се високо ценети на денешниот динамичен финансиски пазар.

Поедноставување на интеграцијата со Binance Wealth

Со цел да им помогне на финансиските советници во справувањето со комплексноста на дигиталните средства, Binance ја претстави платформата Binance Wealth. Таа нуди безбедни и ефикасни алатки и пристап до длабока ликвидност, обезбедувајќи непречено искуство како за советниците, така и за нивните клиенти. Со користење на Binance Wealth, менаџерите можат со доверба да ги интегрираат криптовалутите во својата понуда на услуги.

Како што криптовалутите продолжуваат да добиваат значење, финансиските советници имаат уникатна можност да ги подобрат своите услуги и да одговорат на променливите потреби на клиентите. Со разбирање на придобивките од дигиталните средства и користење на платформи како Binance Wealth, советниците можат да се позиционираат во првите редови на современото управување со богатство.

За повеќе информации: Binance Wealth.

Групацијата БРИКС (Бразил, Русија, Индија, Кина и Јужна Африка) активно работи на развој на нова меѓународна платформа за плаќања која ќе функционира без употреба на американскиот долар. Според најавите, овој потег може да предизвика темелна промена во глобалната финансиска архитектура и да го редефинира начинот на кој државите вршат прекугранични трансакции.

Министерот за надворешни работи на Русија, Сергеј Лавров, потврди дека новиот платен систем е дел од пошироката стратегија на БРИКС за зајакнување на економската автономија и намалување на зависноста од западните финансиски институции. Новиот механизам ќе овозможи трговија со локални валути, без вклучување на доларот, а се очекува да биде достапен и за земји кои не се членки на БРИКС.

„Постојат повеќе иницијативи што се разгледуваат во рамки на БРИКС. Една од иницијативите е предлогот на Бразил за создавање алтернативна платформа за плаќање која веќе е во фаза на разработка. Ќе биде отворена и за други држави надвор од БРИКС, а нема да зависи од постоечките системи како што е SWIFT“, изјави Лавров.

Како пример на постоечка алтернатива, Лавров го спомена рускиот систем за финансиска размена на пораки, кој успешно функционира како замена за SWIFT во одредени трансакции.

„Постои можност за создавање платформи за плаќање кои се независни од надворешно влијание. Еден таков пример е системот за финансиска размена на пораки на Руската централна банка. Тој е ефикасен и функционира без потпирање на SWIFT“, заклучи Лавров.

Ако овој систем биде имплементиран и широко прифатен, би можел да предизвика суштински трансформации во меѓународната трговија и геоекономската рамнотежа, со потенцијал да ја намали глобалната доминација на доларот.

Како што пазарот на криптовалути продолжува да се развива, Binance испраќа силна порака до инвеститорите и ентузијастите: долгорочното размислување е клучно за траен успех. Иако насловите често се фокусираат на еуфорија и брзи профити, написот ги охрабрува корисниците да гледаат подалеку од краткорочната нестабилност и да развиваат навики засновани на трпеливост, едукација и стратегија.

Пазарот на криптовалути има доживеано циклуси на брз раст проследени со подеднакво драматични корекции. Сепак, овие флуктуации не треба да се сфатат како неуспех. Напротив, тие претставуваат природен дел од зреењето на пазарот. Binance го споредува прифаќањето на криптовалутите со претходни технолошки револуции, како интернетот, каде што првите усвојувачи кои останале посветени со текот на времето ги добиле најголемите придобивки.

Еден од клучните концепти што се истакнува е Dollar-Cost Averaging (DCA) – стратегија за инвестирање во која корисниците постојано вложуваат фиксна сума пари во одредени интервали, без оглед на пазарните услови. Овој метод го намалува стресот од обидите да се “погоди” пазарот и помага да се ублажи влијанието на волатилноста(распонот и брзината на движење на цените).

Слично на тоа, филозофијата на HODLing – задржување на дигитални средства и во периоди на раст и на пад – останува централен елемент во долгорочниот пристап. Првично создаден како печатна грешка, терминот денес претставува доверба во долгорочниот раст на крипто-екосистемот.

Покрај профитот, написот нагласува дека криптовалутите и блокчејн технологијата имаат вистинска примена во реалниот свет која го поттикнува глобалното усвојување. Тие овозможуваат пристап до отворени финансиски системи, ја зголемуваат транспарентноста и ги зајакнуваат заедниците кои традиционално биле исклучени од глобалниот финансиски систем.

Binance ги охрабрува корисниците да развијат силни навики за управување со ризик. Тоа вклучува вложување само на средства кои можете да си дозволите да ги изгубите, поставување јасни финансиски цели, периодично ребалансирање на портфолиото и постојана едукација за потенцијалните ризици. Емоционалните одлуки во крипто можат да бидат скапи, па затоа структурираниот план помага да се одржи дисциплината.

Безбедноста е уште една клучна компонента за долгорочен успех. На корисниците им се советува:

• Да користат хардверски паричници за безбедно складирање на средствата,

• Да активираат двофакторска автентикација (2FA),

• Да бидат внимателни на фишинг напади и измами,

• Редовно да ги ажурираат сите софтвери и апликации за заштита и безбедност.

Проактивните мерки за безбедност не се опција – тие се неопходност.

Во брза и често непредвидлива средина, криптовалутите ги наградуваат оние кои одвојуваат време за учење, развивање добри и корисни навики и долгорочно размислување. Краткорочните добивки може да дојдат и да исчезнат, но вистинскиот успех се наоѓа во долгорочниот пристап – преку информираност, безбедност и разбирање на пошироката цел на оваа трансформативна технологија.

Прочитај го целиот текст тука: The Long Game of Crypto – Binance Blog