Централна кооперативна банка АД Скопје вработува кандидат за работнo местo:  Раководител на експозитура.

Локација: Скопје

Работниот однос е на определено време, со можност за продолжување на неопределено време.

Дневно работно време: од 08:00 до 16:00 часот

Неделно работно време: понеделник – петок

Работното место воглавно ги опфаќа следните работни активности:

• ја организира, координира, раководи, дава иницијативи за унапредување на работењето и е одговорен за целокупната работа во Експозитурата;
• ја претставува експозитурата на позитивен и професионален начин на локално ниво при контакти со јавноста, органите и слично;
• има активна улога во привлекување нови коминтенти и задржување на постоечките;
• се грижи и предлага можности за зголемување на профитот на експозитурата за која е назначен;
• одговорен е за генерирање на побарувачка за кредити и одржување на тековното кредитно портфолио;
• решава сериозни поплаки од коминтенти, специјални барања и останати комплексни прашања во врска со коминтентите;
• потпишува договори за кредит, договори за издавање банкарски гаранции, акредитиви и други производи на Банката, одобрени од надлежниот орган или лице со право на одлучување, во нејзино име и за нејзина сметка, a во својство на доверител/заложен доверител, согласно интерните акти на Банката и во рамките на дадените поединечни писмени овластувања;
• врши менторирање и пренос на знаење на останатите ваботени во Експозитурата;
• ја оценува работата на вработените во Експозитурата со која раководи и дава предлози до Управниот одбор за нивно унапредување, наградување и предлага изречување мерки за неисполнување работни обврски, кршење на работен ред и дисциплина, утврдени со закон, актите на Банката и договорот за вработување;
• го контролира следењето и применувањето на процедурите и упатствата на Банката како и прописите од доменот на банкарството од страна на вработените на кои е претпоставен;
• врши и други работи и работни задачи по налог и насоки на Управниот одбор поврзани со работното место согласно интерните акти на Банката.

Кандидатите треба да располагаат со следните квалификации и познавања:

• Високо образование (Eкономски факултет или друго соодветно високо образование);
• Најмалку 3 години работно искуство од конкретната област;
• Одлично познавање на англиски јазик;
• Одлично познавање на MS Office пакетот и работа со компјутери.

Избраниот кандидат треба да ги поседува следните компетенции и вештини:

• Способност за продажба;
• Комуникациски вештини;
• Организациски способности;
• Способности за раководење и работа со луѓе;
• Поставување и одржување на позитивни работни врски со внатрешни и надворешни субјекти, за постигнување на целите на Банката;
• Познавање на прописите поврзани со банкарството.

За ова работно места е предвидена основна нето плата во зависност од квалификациите и искуството на кандидатот.

Банката нуди одлични услови за работа и можност за стручно усовршување како и напредок и развој во кариерата. Доколку сакате да станете дел од успешниот тим на Централна кооперативна банка, испратете CV и пропратно писмо на: [email protected]. Вашата апликација задолжително треба да го содржи работното место за кое аплицирате.

Огласот ќе биде активен заклучно со 30.04.2026 година.

Ненавремените и некомплетни апликации нема да бидат предмет на разгледување.  Само кандидатите со уредни и навремени апликации, а кои одговараат на условите наведени во огласот, ќе бидат поканети на тестирање, односно интервју кое претставува дел од процесот на селекција на кандидати за вработување во Банката.

Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.

Доколку сакате да ги остварите Вашите желба и амбиција за професионален и кариерен развој во финансиска институција со долгогодишна традиција, која определбата за стабилност, ефикасност и иновативност ја гради со успешен и посветен тим на професионалци, аплицирајте за вработување во Комерцијална банка АД Скопје.

Работна позиција: Помлад соработник за администрирање на кредити и гаранции (Back Office)

Тип на вработување: На определено време од 12 месеци

Работно време: 40 часа неделно.

Огласот важи до: 14.04.2026 година

Работни цели и задачи:

• Oтворање кредитни партии, доделување каматна група и задолжување на кредитите;
• Изготвување амортизациони планови и испраќање на коминтенти;
• Книжење на задолжувања и раскнижување на извршени уплати од страна на клиентите согласно договорните одредби;
• Пресметка и печатење каматни листи и доставување до коминтенти;
• Подготвување пресметки и книговодствени картици за тужење и стечај;
• Дефинирање на партија за денарска гаранција, доделување каматна група и задолжување на гаранција;
• Книжење на извршени уплати по основ на денарски гаранции;
• Пресметка и печатење каматни листи и доставување до коминтенти;
• Изготвување и проверка на налог и спроведување во случај на протестирање на денарска гаранција. 

Потребни квалификации и способности:                           

• Завршено високо образование од областа на економските науки (предност ќе имаат кандидатите со насока сметководство и ревизија);
• Познавање англиски јазик и MS Office алатки;
• Без работно искуство;
• Висок личен интегритет, доверливост и чесност;
• Прецизност во извршување на работните задачи;
• Ориентираност кон потребите на клиентите;
• Адаптибилност во динамична работна средина;
• Комуникациски вештини за работа во тим. 

Придобивки за Вас:

• Пријатна и тимска работна атмосфера во современи работни услови;
• Обуки од ментори со висок степен на стручност и искуство;
• Можност за личен и професионален развој, стекнување нови вештини и компетенции;
• Доброволно приватно здравствено осигурување;
• Програма за спорт и рекреација;
• Учество во општествено одговорни и спортски активности, корпоративни настани, користење библиотека и сл. 

Вие би биле одличен дел од тимот ако ги поседувате потребните вештини, се препознавате во овие вредности и имате силна мотивација за успех.

Аплицирајте на: веб страницата на Банката на следниот линк или преку е-пошта: [email protected], со назнака: „Oглас за вработување Помлад соработник за администрирање на кредити и гаранции (Back Office)”.

Телефон за контакт: (02) 3168-412

На интервју ќе бидат повикани само кандидатите кои ќе влезат во потесен круг.

Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.

Напомена: Апликацијата за вработување ќе биде третирана како доверлива. Според Законот за заштита на личните податоци со самото доставување на Вашата апликација за работа согласни сте Вашите лични податоци да се обработуваат во процесот на селекција на кадри во период од 1 година. Освен за наведениот случај, Вашите лични податоци нема да бидат користени за ниту една друга цел ниту, пак, достапни на трети лица.

Пред петнаесет години, синдромот на прегорување кај претприемачите ретко се споменуваше. Многумина не ни знаеја што значи. Заморот беше знак дека работиш. Стресот значеше амбиција. Спиење по четири часа се сметаше за доказ за посветеност.

Претприемништвото носеше романтика на ризик и храброст. Денес, со себе носи и сериозен товар на исцрпеност.

Постојаната достапност како нова деловна норма

Денес зборуваме за баланс и ментално здравје. Но, темпото на работа никогаш не било побрзо. Порано конкуренцијата беше локална. Денес е глобална.

Технологијата требаше да ја олесни работата. Наместо тоа, го продолжи работното време. Работата сега ја носиме во џеб.

Порака од клиент во 20:47. Е-пошта од добавувач во недела. Нотификација што ја прекинува вечерата. Станавме постојано достапни, а хронично исцрпени.

Синдромот на прегорување кај претприемачите повеќе не е исклучок. Станува правило.

Повеќе улоги, помалку граници

Денес претприемачот е директор, продавач, стратег и маркетинг менаџер. Често е и HR, сметководител и доставувач. Во овој мал тим составен од еден човек нема реченица „некој друг ќе го реши тоа“.

Сè завршува на една адреса.

Однадвор, сè изгледа одлично. Профилот на LinkedIn блеска. Соработките растат. Медиумите пишуваат за успехот. Но зад сцената стојат секојдневни одлуки, притисоци и неизвесност.

Токму во таа тишина се раѓа синдромот на прегорување.

Нормализација на хроничниот замор

Синдромот на прегорување не доаѓа нагло. Не се најавува драматично. Доаѓа тивко.

Сè потешко го започнуваш денот. Одлуките ги одложуваш. Креативноста ја заменува цинизмот. Проектите што те радувале стануваат само обврска.

Најголемата заблуда е уверувањето дека тоа е привремена фаза. Дека е само тежок период. Но хроничната исцрпеност не е цена на успехот, туку предупредување.

Притисокот од споредување и очекувања

Општеството од претприемачите очекува сила без пукнатини. Очекува раст, оптимизам и визија. Ретко кој прашува: како си?

Семејството гледа слобода. Пријателите гледаат успех. Социјалните мрежи ги прикажуваат врвовите.

Кој прв ќе признае дека му е тешко?

Перфекционистите се особено ранливи. Тешко признаваат слабост. Одморот го доживуваат како луксуз, а не како неопходност.

Зошто синдромот на прегорување ги погодува најодговорните

Иронијата е очигледна. Синдромот на прегорување најчесто ги погодува најодговорните – оние што сакаат повеќе, побрзо и подобро.

Порано ја затвораше канцеларијата и одеше дома. Денес работата оди со тебе.

Дали навистина сме должни веднаш да одговориме? Или постојаната достапност ја заменивме со професионалност?

Силата не е во тоа да издржиш сè. Силата е да ја препознаеш границата навреме.

Како што наведува Профитирај, сè повеќе претприемачи признаваат дека долгорочниот успех не зависи само од стратегијата и растот, туку и од способноста да се зачува сопствената енергија.

Граници што го штитат и човекот и бизнисот

Синдромот на прегорување кај претприемачите не е тренд. Тоа е реалност на современото работење.

Издржливоста не е прашање на чиста волја. Таа зависи од системот што го градиш. Ако бизнисот зависи од тебе, тогаш грижата за себе е деловна стратегија.

Не затоа што е модерно, туку затоа што е прашање на личен и деловен опстанок.