Дигиталните плаќања во Македонија продолжуваат да растат, а вредноста на електронските и картичните трансакции се зголемува со побрзо темпо од повлекувањето готовина, што укажува на промена во платежните навики на граѓаните.

Ова го посочува Бартож Циолковски од Мастеркард, говорејќи за новото партнерство со Стопанска банка и потенцијалот за понатамошен развој на дигиталниот платежен екосистем во земјата.

„Тоа претставува јасен показател за структурни промени во навиките и однесувањето на клиентите“, истакнува Циолковски, посочувајќи дека просторот за понатамошен развој останува значителен.

Партнерството меѓу Мастеркард и Стопанска банка е насочено кон унапредување на дигиталните плаќања и подобрување на корисничкото искуство, како и кон воведување нови дигитални решенија.

Следната фаза од дигитализацијата, според Циолковски, ќе подразбира пошироко прифаќање на безготовинските плаќања кај трговците, развој на понапредни дигитални банкарски услуги и дополнително зајакнување на електронската трговија.

Посебен фокус се очекува да има и на малите бизниси и нивното поголемо вклучување во дигиталната економија.

За забрзување на овој процес ќе биде потребна континуирана соработка меѓу банките, трговците, регулаторите и технолошките компании, со цел создавање подостапни, побезбедни и поедноставни дигитални платежни решенија за корисниците.

Комерцијална банка во текот на септември им овозможува дополнителна поволност на членовите на Zipp Club, преку промотивната акција „Zipp-тември“.

Во рамки на кампањата, секој член на Zipp Club кој е регистриран во BonusBox добива двојни поени при плаќање со Zipp картичката.

На тој начин, корисниците можат побрзо да собираат поени и да ги искористат за дополнителни поволности и изненадувања во рамки на програмата.

Акцијата важи до 30 септември, а од Комерцијална банка ги повикуваат и оние кои сè уште не се членови да се приклучат на Zipp Club.

Од Банката посочуваат дека Zipp Club е концепт кој, покрај банкарските услуги, на своите членови им нуди и дополнителни бенефиции и погодности.

По повод Денот на пензионерите, 20 септември, НЛБ Банка Скопје ја продолжи поддршката за пензионерската заедница преку учество на настан организиран во Сојузот на здруженијата на пензионери на Македонија.

Во рамки на неодамна потпишаниот Меморандум за соработка со СЗПМ, Банката обезбеди донација за 25 здруженија на пензионери низ земјата. Донацијата опфаќа друштвени и спортски реквизити наменети за заеднички активности, дружење и поквалитетно поминување на времето во пензионерските клубови.

Покрај донацијата, претставници на НЛБ Банка преку разговори и практични совети ги запознаа присутните со можностите што ги нуди Сребрениот пакет, наменет за пензионерите, како и со начините за побезбедно и поедноставно користење на дигиталните банкарски услуги.

Од Банката посочуваат дека финансиската едукација, довербата и достапноста до услугите се важен дел од поголемата сигурност и самостојност на повозрасните граѓани во секојдневието.

Со оваа активност, НЛБ Банка ја продолжува соработката со пензионерската заедница и поддршката на иницијативи насочени кон поактивно, поинформирано и поквалитетно секојдневие на лицата од третото доба.