Connect with us
no baners

Банки

НЛБ Банка ги замени корпоративните подароци со донација на храна за лицата во висок социјален ризик

Објавено

пред 1 година

на

Празниците се време за споделување и дарување, среќа и радост за секого. Сепак, не сите можат да ја почувствуваат празничната магија и да си обезбедат достојна празнична трпеза. Токму затоа, во духот на хуманоста и солидарноста, НЛБ Банка ги замени традиционалните корпоративни подароци со значајна донација во храна за оние на кои таа им е најпотребна.

И годинава, Банката во соработка со Црвениот Крст на град Скопје обезбеди пакети со основни прехранбени производи кои ќе им бидат донирани на лица во висок социјален ризик. Дистрибуцијата на хуманитарните пакети со храна ќе ја направат волонтерите на Црвениот крст, пришто директно ќе бидат опслужени 300 корисници и нивните семејства.

„Празниците се време кога, повеќе од кога било треба да сочувствуваме и да споделуваме. Ние сме дел од оваа заедница и силно веруваме во важноста од солидарност, хуманост и помагање. Среќни сме кога можеме да помогнеме и кога радоста на празниците можеме да ја поделиме со сите наши сограѓани. За нас, единствено, свет полн со добрина е свет полн со можности и затоа постојано создаваме можности за сите, оставајќи подобри траги за генерациите кои доаѓаат“, истакнуваат од НЛБ Банка.

Храната е основна човекова потреба, но и човеково право и таа треба да е дел од сечиј дом и секоја трпеза. Но и покрај тоа, сведоци сме на поразителни статистики за луѓе кои се наоѓаат во висок социјален ризик и немаат соодветен приход да ги задоволат своите основни потреби. Ова е особено забележително за време на празниците кога борбата за егзистенција преовладува над празничните желби и остава многу лица во неизвесност.

“Празниците се период кога сите сакаме да подариме насмевка и добар збор. Кога сето тоа ќе се поврзе со перманентна поддршка за ранливите категории тогаш зборуваме за компанија што ги препознава потребите на заедницата и помага таму каде што е најпотребно. НЛБ Банка секоја година мисли на најранливите категории на граѓани и веќе неколку години, крајот на годината го завршува со донација на пакети со храна, лекови наменети за бездомни, стари и изнемоштени лица, како и семејства во социјален ризик. Благодарност до вработените и менаџментот на Банката за нивната хуманост и општестевна одговорност”, изјавија од Црвениот Крст на Град Скопје.

НЛБ Банка во соработка со Црвениот крст во контунитет реализира бројни донации за ранливи категории на граѓани, потврдувајќи ги своите заложби за поправедно и поинклузивно општество за сите.

Слични Теми:

Банки

Девизните резерви достигнаа 5,21 милијарди евра на крајот од мај

Објавено

пред 17 минути

на

Девизните резерви на државата на крајот од мај 2026 година изнесувале 5,21 милијарди евра, покажуваат најновите податоци на Народната банка.

Според структурата на резервите, најголем удел имаат вложувањата во хартии од вредност, кои сочинуваат 68,5 проценти од вкупните девизни резерви. Монетарното злато учествува со 16,6 проценти, додека валутите и депозитите имаат удел од 14,9 проценти.

Девизните резерви претставуваат важен показател за финансиската стабилност на земјата и нејзината способност да одговори на надворешни економски предизвици.

Продолжи со читање

Банки

Унапредувањето на институционалната соработка во фокусот на средбата меѓу гувернерот Славески и гувернерот на Народната банка на Кина Пан Гонгшенг

Објавено

пред 43 минути

на

Во рамките на меѓународниот симпозиум во организација на Банката за меѓународни порамнувања и Народната банка на Кина, одржан во Шангај, гувернерот на Народната банка д-р Трајко Славески, на покана на гувернерот на Народната банка на Кина Пан Гонгшенг, оствари билатерална средба со својот кинески колега.

За време на средбата беа разменети мислења за актуелните светски економски и финансиски текови, како и за предизвиците со кои се соочуваат централните банки во услови на засилена неизвесност во меѓународното окружување. Воедно, беа споделени искуства поврзани со спроведувањето на монетарната политика и зачувувањето на финансиската стабилност.

Во рамките на разговорите им беше посветено внимание на трговските и на финансиските односи меѓу двете земји, при што беа разгледани и можностите за нивно понатамошно унапредување преку продлабочување на институционалната соработка. Притоа, беше нагласена долгогодишната традиција на пријателски односи меѓу двете земји, како и подготвеноста на Народната банка за натамошно засилување на дијалогот и размената на искуства со Народната банка на Кина.

Исто така, соговорниците се осврнаа на можностите за соработка во областа на дигиталната трансформација на финансискиот сектор, унапредувањето на финансиската вклученост, како и јакнењето на институционалните капацитети преку размена на знаења, експертиза и добри практики.

Славески и Гонгшенгсе согласија дека постои потенцијал за понатамошно продлабочување на соработката меѓу двете централни банки.

Продолжи со читање

Банки

Стопанска банка ги поттикнува учениците со одличен успех да штедат преку „Пчелка депозит“

Објавено

пред 2 часа

на

Со почетокот на летниот распуст, Стопанска банка ги повика учениците и нивните родители да го искористат периодот за одмор, но и за создавање навики за штедење.

Од банката порачуваат дека свидетелствата исполнети со петки се добра можност за дополнување на „Пчелка депозитот“, штеден производ наменет за најмладите.

„Распустот е идеално време за освежување и полнење на батериите. А свидетелствата полни петки се добра прилика да го наполните и Пчелка депозитот“, велат од Стопанска банка.

Преку овој производ, банката има за цел да ги поттикне децата и младите уште од најрана возраст да развиваат навики за штедење и одговорно управување со финансиските средства.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange