НЛБ Банка Скопје информира дека е извршена исплатата на паричната помош од социјална, детска и цивилна заштита за јули 2026 година.

Корисниците можат да ги подигнат средствата од социјалната и детската заштита на банкоматите на банката во секое време.

Од НЛБ Банка ги потсетуваат клиентите дека средствата можат да ги користат и безготовински, за плаќање во продажната мрежа, како и преку електронското и мобилното банкарство.

Стопанска банка АД – Скопје објави промотивна понуда за орочениот депозит „Мој план“, наменета за штедење во денари и во евра.

Според понудата, за депозитите во денари е предвидена каматна стапка до 3,5 отсто годишно, додека за депозитите во евра каматната стапка изнесува до 2,6 отсто годишно.

Промотивните каматни стапки се гарантирани за депозитите орочени на период од 25 месеци.

Повеќе информации за условите на понудата се достапни на веб-страницата на Стопанска банка.

Универзална Инвестициона Банка АД Скопје на 12 август 2026 година ќе изврши исплата на полугодишна камата на имателите на перпетуални обврзници од четвртата емисија, со ИСИН MKBLBA200045 и шифра UNIPO4.

Каматата ќе биде исплатена по стапка од шест проценти на годишно ниво.

Право на исплата ќе имаат лицата кои заклучно со 11 август 2026 година ќе бидат регистрирани во книгата на иматели на перпетуални обврзници во Централниот депозитар за хартии од вредност.

Од Банката информираат дека тргувањето со обврзниците на 10 и 11 август ќе се врши со пресметана акумулирана камата за 182, односно 183 дена. Купувачите при порамнувањето на 12 и 13 август ќе треба да им ги исплатат на продавачите чистата цена на обврзниците и акумулираната камата.

Купувачите кои ќе бидат регистрирани како иматели на обврзниците на 12 и 13 август нема да имаат право на исплата на оваа полугодишна камата.