Гувернерот на Народна банка на Република Северна Македонија остварил средба со амбасадорот на Австралија, Питер Трасвел, на која се разговарало за тековната билатерална соработка и можностите за нејзино понатамошно унапредување.

Во фокусот на разговорите биле макроекономските движења и предизвиците со кои се соочуваат двете економии, особено по последните случувања на Блискиот Исток.

На средбата било разговарано и за можностите за зајакнување на економските врски преку поголемо присуство на австралиски компании и инвестиции во земјава. Посебен акцент бил ставен и на потенцијалната соработка меѓу централните банки на двете држави.

Соговорниците го истакнале и значењето на македонската дијаспора во Австралија, која придонесува за економското поврзување преку дознаки, бизнис иницијативи и инвестиции.

Средбата била оценета како конструктивна и насочена кон продлабочување на економскиот дијалог меѓу двете земји.

ТТК Банка АД Скопје ги информира своите клиенти дека исплатата на паричните права од социјална, детска и цивилна заштита за месец април 2026 година е извршена на 8 мај 2026 година.

Корисниците кои поседуваат платежни картички, средствата можат да ги користат преку банкоматите и трговската мрежа, додека за клиентите кои не користат картички, исплатата се реализира преку сите отворени филијали и експозитури на Банката.

Од ТТК Банка посочуваат дека исплатата е достапна од денес, согласно утврдениот распоред.

Халкбанк АД Скопје освои пет награди на регионалниот фестивал „BalCannes“, како и признанието „Best Advertiser of Macedonia“, со што уште еднаш ја потврди успешноста на своите креативни и општествено одговорни кампањи.

Најголем успех постигна кампањата „Made in Shade“, која освои три златни и една сребрена награда. Златните признанија беа доделени во категориите „Finance & Insurance“, „Best TV Spot & Film“ и „Environment & Sustainability“, додека сребрената награда беше освоена во категоријата „Best Online Video“.

Дополнително, Халкбанк доби и бронзена награда за проектот „Музички џез во вез ритам“ во категоријата Best Print (Ad, Publication, Poster).

Од банката посочуваат дека овие признанија претставуваат потврда за силата на идеите кои носат јасна порака и оставаат вистинско влијание во јавноста.