Според најновите податоци на Народната банка, во март 2025 година е регистрирано натамошно намалување на просечните каматни стапки кај кредитите и депозитите, како резултат на условите на пазарот и монетарните движења.

Во март 2025 година, просечната каматна стапка на вкупните кредити забележа
месечно и годишно намалување од 0,03 п.п. и 0,35 п.п., соодветно и изнесува 5,15%.
Просечната каматна стапка на вкупните депозити изнесува 2,18% и оствари месечен
пад од 0,01 п.п., додека на годишно ниво е зголемена за 0,38 п.п.

Просечната каматна стапка на новоодобрените кредити, во март, изнесува 4,26% и оствари месечен и годишен пад од 0,37 п.п. и 0,72 п.п., соодветно. Просечната каматна стапка на новопримените депозити е пониска на месечно и на годишно ниво за 0,17 п.п. и 0,22 п.п., соодветно и изнесува 2,24%.

Каматни стапки на корпоративниот сектор

Вкупните кредити за корпоративниот сектор имаат просечна каматна стапка од 4,77%, што претставува месечен пад од 0,05 п.п. и годишен од 0,58 п.п.

Кај новоодобрените корпоративни кредити, просечната стапка е 3,95%, со значителен месечен пад од 0,50 п.п. и годишен од 0,78 п.п.

Вкупните депозити на корпоративниот сектор изнесуваат 2,65%, што е месечен пад од 0,06 п.п., но годишен раст од 0,53 п.п.

Каматната стапка на новопримените депозити е 2,14%, со пад од 0,35 п.п. месечно и 0,38 п.п. годишно.

Каматни стапки на домаќинствата

Каматната стапка на вкупните кредити на домаќинствата изнесува 5,51%, со месечно намалување од 0,02 п.п. и годишен пад од 0,14 п.п.

Кај новоодобрените кредити, стапката е 4,69%, со месечно намалување од 0,12 п.п. и годишно од 0,71 п.п.

Просечната стапка на вкупните депозити на домаќинствата остана непроменета на 2,12%, но со годишен раст од 0,36 п.п.

Каматната стапка на новопримените депозити е 2,28%, со месечен пад од 0,10 п.п. и годишен пад од 0,14 п.п.

Спуштањето на каматните стапки укажува на олеснет пристап до финансирање за сите сектори, со потенцијал да поттикне кредитна активност и економска динамика. Истовремено, растот на депозитните стапки на годишно ниво создава дополнителни мотиви за штедење, особено кај домаќинствата.

Први мај – Денот на трудот, е повеќе од симболичен празник. Тоа е ден кога оддаваме почит на вложениот труд, упорноста и придонесот на секој човек во изградбата на подобро општество. Но, овој празник не е само потсетник на работничките права – тој е и шанса да му дадеме значење на секојдневниот напор што го вложуваме, на малите и големите победи што нè градат како личности. Тоа е и ден кога секој заслужува да застане за момент, да се наврати на сопствениот пат и да се гордее со сè што постигнал.

Први мај традиционално ги обединува луѓето, носи радост преку дружења, моменти на одмор, и кратки патувања кои се значаен баланс помеѓу работата и приватниот живот. Затоа, ова е и идеална прилика да си подарите мигови за себе и за оние што ги сакате. Вашиот труд заслужува награда – нови пејсажи, нови спомени, нови искуства.

За да можете вистински да уживате во секој момент од празничните денови, Халкбанк е тука да ви понуди сигурност, практичност и поддршка преку своите картички и дигитални услуги. Картичките се поддржани со највисоки стандарди на заштита при плаќање и нудат ексклузивни попусти и понуди обезбедени со партнерите на Халкбанк, a истовремено мобилната апликација ви овозможува лесно и брзо управување со вашите финансии и следење трошоците во секое време.

Во Халкбанк веруваме и дека почитта кон трудот започнува одвнатре – со грижата за нашите вработени и заедницата во која делуваме. Како работодавец и општествено одговорна институција, вложуваме во луѓето, поддржуваме рамнотежа меѓу работата и животот, и создаваме средина каде што трудот се вреднува, се поттикнува и се слави. Ние ја градиме довербата преку транспарентност, професионалност, чесност и грижа за благосостојбата како на вработените, така и на клиентите и пошироката заедница, преку бројни општествено одговорни иницијативи и поддршка на проекти за подобро утре.

Овој Први мај, направете нешто за себе. Одвојте време да го прославите сопствениот труд.

Патувајте. Одморете. Дружете се.

И не заборавајте – вреднувањето на трудот започнува со вреднувањето на сопственото време и сопствената приказна.

ПР објава

НЛБ Банка успешно ги заокружи првите три месеци од годинава, покажува анализата на финансиските резултати на Банката за периодот од 01.01.2025 до 31.03.2025 година.

Работејќи согласно усвоената деловна политика, во првиот квартал од 2025 година, НЛБ Банка оствари нето добивка во износ од 719.468 илјади денари што претставува зголемување за 6,1% во однос на остварената нето добивка истиот период претходната година, како и раст на кредитите од 2,1% споредено со крајот од 2024 година. Во анализираниот период, вкупните депозити на Банката во однос на 31.12.2024 година се намалени за 5,8%, додека депозитите по видување на домаќинства бележат пораст за 7,7%.

Овие резултати на Банката се должат на успешно спроведената деловна стратегија,  засилените продажни активности во сите сегменти од работењето, вклучително и ефикасното управување со ризиците, оперативната ефективност и постојаната ориентација кон подобрување на корисничкото искуство и одржливиот раст.

Во првиот квартал од годинава, непосредно по трагедијата во Кочани, НЛБ Банка Скопје донираше средства преку сметката на солидарноста на Црвениот крст на Република Северна Македонија за прва помош на повредените и семејствата на настраданите, а како оснoвач и донатор во Фондацијата „Заедно за едно“ на Македонската банкарска асоцијација, заедно со банките – членки на НЛБ Групацијата, ќе реализира донација од 350 илјади евра за рехабилитација и медицински третмани на повредените, како и поддршка во образовниот процес и професионалната реинтеграција на лицата и семејствата кои се соочија со загуба.

НЛБ Банка и натаму ќе продолжи да биде поддршка на населението и бизнис секторот во земјата, давајќи притоа значаен придонес во макроекономскиот и финансискиот амбиент на државата. Во фокусот на работењето на Банката како и до сега се унапредување на дигиталните канали во насока на зголемување на дигиталната пенетрација на клиентите, иновациите и примената на  вештачката интелегенција, унапредување на клиентското искуство, проширување на портфолиото на производи и услуги со посебен акцент на „зелените“ продукти, како и на општествено одговорни проекти за грижа за своите вработени и заедницата во целост.