Connect with us

Банки

Ангеловска-Бежоска: Според анкетата на Светската банка, Народната банка е домашна институција со најголема доверба

Објавено

пред 1 година

на

Според анкетата на Светската банка, Народната банка е домашна институција којашто ужива најголема доверба во државата. Довербата на граѓаните и на институциите во нашата централна банка е на повисоко ниво и во однос на некои меѓународни институции, посочува гувернерката на Народната банка, Анита Ангеловска-Бежоска, во разговорот за емисијата „Каде се парите“ со Горан Теменугов на порталот „Пари“. Уште поважно е што и покрај последователните кризи во изминатите години, анкетата покажува дека довербата во централната банка во изминатите четири години е дополнително зголемена. Ова е потврда на позитивната оцена на јавноста за мерките и политиките коишто ги презема Народната банка како одговор на шоковите со коишто се соочуваме.

Анкетата, на која се осврнува гувернерката на Народната банка, ја спроведува Групацијата на Светската банка, секои четири години, врз испитаници од различни целни групи во земјава.

Гувернерката ја истакна важноста на довербата во централната банка од страна на јавноста, бидејќи таа е фактор за задржувањето на независноста на оваа клучна институција во системот, што, пак, е предуслов за задржување на макроекономската стабилност. „Независноста на централните банки зависи од неколку елементи. Првиот е регулативната рамка, односно колку е силна таа и колку ја заштитува независноста на централната банка од политички и други влијанија. Оцените коишто ги добиваме од ЕУ се високи и укажуваат на високо ниво на правна независност на централната банка. Друг многу важен фактор е кредибилитетот на луѓето, на раководството на централната банка, бидејќи не е доволно само да се има силна регулатива, туку и да може да се спроведува и некогаш да се носат и тешки одлуки, што говори за кредибилитетот на институцијата. Третиот фактор од кој зависи независноста на централната банка е довербата, бидејќи јавноста е најголемиот заштитник на независноста на централните банки. Една централна банка може да се заштити од влијанија, само ако ужива доверба во јавноста“, посочува гувернерката Ангеловска-Бежоска.

Слични Теми:

Банки

ХАЛКБАНК УШТЕ ЕДНАШ НА ДЕЛО ЈА ПОКАЖА СВОЈАТА ГОЛЕМИНА – донираше 50.000 евра како поддршка за погодените од трагедијата во Кочани

Објавено

пред 2 часа

на

Со длабоко сочувство и емпатија, Халкбанк АД Скопје стои во поддршка на сите погодени од трагедијата во Кочани. Во знак на солидарност, Банката донираше 50.000 евра на наменскиот фонд на Црвениот крст на Македонија, со цел да им помогне на семејствата на загинатите и повредените.

„Со голема тага ја примивме веста за оваа трагедија и изразуваме најискрено сочувство до семејствата настраданите. Нашите мисли се и со повредените, на кои им посакуваме брзо закрепнување и сила за надминување на овие тешки моменти“, велат од Халкбанк.

Халкбанк АД Скопје и понатаму ќе остане посветена на поддршката на заедницата, особено во моменти кога е најпотребна.

Продолжи со читање

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 2 дена

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Банки

Информација за одложување на 54. сесија на Клубот на истражувачите

Објавено

пред 2 дена

на

Народната банка ја информира јавноста дека се одложува 54. сесија на Клубот на истражувачите којашто требаше да се одржи на 27 март 2025 година (четврток), со почеток во 14:00 часот, во просториите на Народната банка.

За дополнителни информации и за новиот термин на одржувањето на сесијата на Клубот, јавноста ќе биде дополнително известена.

Продолжи со читање

Популарно