Министерството за финансии на Северна Македонија на 19 мај ќе понуди државни хартии од вредност во вкупен износ од 2,27 милијарди денари, односно околу 36,8 милиони евра, покажуваат податоците на централната банка.

Информацијата ја објави SeeNews, повикувајќи се на податоци од монетарните власти. Според најавата, аукцијата на државни записи и обврзници ќе се одржи следната недела, како дел од редовните активности на државата за обезбедување финансиски средства на домашниот пазар на капитал.

Во денарска противвредност, понудата изнесува околу 2,27 милијарди денари, што е еквивалентно на 43,1 милиони американски долари или 36,8 милиони евра.

Во март 2026 година во земјава се евидентирани 73.921 туристи кои оствариле 134.233 ноќевања, покажуваат податоците на Државниот завод за статистика.

Од вкупниот број туристи, 19,7% се домашни, а 80,3% странски, додека кај остварените ноќевања 26,5% се од домашни, а 73,5% од странски туристи.

Во периодот јануари – март 2026 година, вкупниот број туристи е зголемен за 5,2% во однос на истиот период лани, при што раст е забележан и кај домашните туристи за 1,3% и кај странските туристи за високи 6,9%.

Сепак, бројот на ноќевања бележи благ пад од 0,3%, како резултат на намалување кај домашните туристи за 1,2%, додека кај странските има минимален раст од 0,2%.

Министерството за европски прашања и Институт за европска политика денеска го организираат третиот состанок на Националниот консултативен механизам за Реформската агенда, во рамки на проектот „WB Reform and Growth Monitor“.

Во рамки на настанот е предвидена и јавна панел-дискусија на која ќе учествуваат министерот за европски прашања и национален координатор за спроведување на Реформската агенда Беким Сали, шефот на секторот за соработка при Делегација на Европската Унија во Северна Македонија Штефен Худолин, професорката Силвана Мојсовска и директорката на ЕПИ, Симонида Кацарска.

Од Институтот за европска политика посочуваат дека спроведувањето на Реформската агенда бара инклузивен пристап и активна вклученост на сите засегнати страни со цел успешно реализирање на реформите и унапредување на економскиот потенцијал на државата.

Според ЕПИ, потребна е поширока јавна дебата и зајакната соработка меѓу институциите, граѓанскиот сектор и останатите чинители за обезбедување одржливи реформи и побрзо напредување во процесот на европска интеграција.

Проектот „WB Reform and Growth Monitor“ го реализира Институт за европска политика во соработка со мрежата „Think for Europe – TEN“ и Transparency International Bosnia and Herzegovina.