Банки
Ангеловска-Бежоска: Финансиската вклученост на жените – клучен фактор за економски напредок
„Родовата нееднаквост е едно од светските прашања за кои мора постојано да се зборува и да се преземаат активности. Според истражувањата на Светската банка, иако во последната деценија има одреден напредок, родовиот јаз кај сопственоста на сметките во економиите во развој и натаму е значителен“, посочува гувернерката на Народната банка, Анита Ангеловска-Бежоска во интервју за веб-порталот „Пари.мк“. Во 2021 година, разликата во поседувањето платежни сметки меѓу мажите и жените на светско ниво се намалила на 6 процентни поени, но сè уште има поголема веројатност дека жените ќе располагаат со неактивни сметки и ќе имаат помал пристап до финансиски услуги.
Слична е состојбата и во нашата земја. Иако е забележано подобрување, родовиот јаз во пристапот до финансии сè уште постои. Според последните податоци, во 2021 година, 79,9% од жените и 90,6% од мажите во Северна Македонија поседувале платежна сметка. Овој родов јаз од 10,7 процентни поени е значително поголем од просекот во Европа и Централна Азија, каде што изнесува 3,2 процентни поена.
„Овие податоци не се само статистика – тие се јасен показател дека е неопходно да се преземат натамошни мерки за подобрување на финансиската вклученост на жените. Пристапот до финансии е од големо значење за нивната економска независност, подобро управување со личните и семејните финансии, како и за создавање посигурна иднина“, истакна гувернерката на Народната банка, Анита Ангеловска-Бежоска.
Пристапот до финансиски услуги создава можности за претприемаштво, инвестирање и активно учество во економијата. Достапноста до банкарски услуги, кредити и штедење придонесува за намалување на економските разлики и создавање подобри услови за живот на жените и нивните заедници. Исто така, родовата рамноправност во финансискиот сектор носи придобивки како за жените, така и за општеството во целост, преку поттикнување на економскиот раст и напредок.
„За да се надмине овој предизвик, треба да се направат промени во корпоративните политики, да се зголеми заложбата за финансиско образование и да се поттикне поголема застапеност на жените во лидерски улоги. Жените сè повеќе го освојуваат финансискиот свет, но за вистинска еднаквост е неопходно системско справување со препреките поради кои долги години биле на маргините“, додаде гувернерката Ангеловска-Бежоска.
Народната банка и натаму ќе се залага за политиките што ќе придонесат кон унапредување на финансиската вклученост на жените, како дел од пошироките напори за создавање одржлив и инклузивен економски развој.
Халкбанк ги направи своите услуги достапни и во Пошта
Мукаетов: Една од поризичните одлуки беше да станам генерален директор на „Алкалоид“ на 32 години
Viber воведува нов начин на плаќање – трансакцијата се иницира директно во чет, а се комплетира преку мобилното банкарство!?
Централна кооперативна банка со нов четиригодишен мандат за двајца членови на Надзорниот одбор
Абази: Домашните инвеститори сè повеќе ги избираат странските пазари, мора да го активираме домашниот капитал
Премиум дебитната картичка на Стопанска банка овозможува пристап до над 1.800 аеродромски деловни зони
НЛБ Групацијата вработува специјалист за Управување со ризици/финансии
Народната банка вработува седум лица: Плати до 91.385 денари
Оглас за вработување во Централна кооперативна банка АД Скопје
НЛБ Банка ја исплати паричната помош за корисниците на социјална, детска и цивилна заштита
Банки
Халкбанк ги направи своите услуги достапни и во Пошта
Халкбанк АД Скопје ги проширува своите услуги и ги прави подостапни за граѓаните преку шалтерите на Пошта.
Како што информираат од банката, корисниците во Пошта ќе можат да извршуваат платен промет, да поднесуваат документи за отворање платежна сметка, како и да аплицираат за дебитна картичка.
Дополнително, ќе бидат достапни услуги поврзани со електронското и мобилното банкарство, како и информации за кредитните и депозитните производи на Халкбанк.
Со ова, дел од услугите што досега клиентите ги користеа во експозитурите на Халкбанк ќе можат да ги добијат и преку Пошта, со цел тие да бидат поблиску и полесно достапни за корисниците.
Банки
Централна кооперативна банка со нов четиригодишен мандат за двајца членови на Надзорниот одбор
Централна кооперативна банка АД Скопје соопшти дека на 16 септември 2026 година Народната банка на Република Северна Македонија издала решенија со кои е дадена претходна согласност за повторно именување на Тихомир Ангелов Атанасов и Христо Георгиев Христов за членови на Надзорниот одбор на Банката.
Согласноста е издадена за нов четиригодишен мандат, со што двајцата членови продолжуваат со своето учество во работата на Надзорниот одбор на Централна кооперативна банка АД Скопје.
Издавањето на претходната согласност од страна на Народната банка претставува дел од регулаторната постапка за именување членови на органите на управување и надзор во банките.
Со повторното именување се обезбедува континуитет во работата на Надзорниот одбор и во остварувањето на неговите надлежности во согласност со законската и регулаторната рамка.
Банки
На 28 септември ќе се одржи 59. сесија на Клубот на истражувачите на Народната банка
На 28 септември 2026 година (понеделник), со почеток во 14 часот, ќе се одржи 59. сесија на Клубот на истражувачите во просториите на Народната банка.
На сесијата ќе биде презентиран трудот: „Дали може институционалната интеграција на берзите од Западен Балкан да ја зајакне монетарната трансмисија?”, (Can Institutional Integration of Western Balkans’ Stock Exchanges Strengthen Monetary Transmission?), од авторот Стефан Таневски. Авторот е добитник на првата награда за млади истражувачи на Народната банка за 2026 година.
По презентирањето на трудот e предвидена дискусија.
Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата. Трудовите коишто се презентираат на сесиите на Клубот, треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето.
На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија. Сесиите се од јавен карактер и фотографиите од настанот се објавуваат на веб страната на Народна банка и на профилите на социјалните мрежи.
Зачленувањето во Клубот на истражувачите е од отворен карактер.
Халкбанк ги направи своите услуги достапни и во Пошта
Мукаетов: Една од поризичните одлуки беше да станам генерален директор на „Алкалоид“ на 32 години
Viber воведува нов начин на плаќање – трансакцијата се иницира директно во чет, а се комплетира преку мобилното банкарство!?
Централна кооперативна банка со нов четиригодишен мандат за двајца членови на Надзорниот одбор
Абази: Домашните инвеститори сè повеќе ги избираат странските пазари, мора да го активираме домашниот капитал
Премиум дебитната картичка на Стопанска банка овозможува пристап до над 1.800 аеродромски деловни зони
НЛБ Групацијата вработува специјалист за Управување со ризици/финансии
Народната банка вработува седум лица: Плати до 91.385 денари
Оглас за вработување во Централна кооперативна банка АД Скопје
НЛБ Банка ја исплати паричната помош за корисниците на социјална, детска и цивилна заштита
-
Банкипред 2 месециПремиум дебитната картичка на Стопанска банка овозможува пристап до над 1.800 аеродромски деловни зони
-
Банкипред 2 месеци
Стопанска банка ја почнува исплатата на јулските пензии на 31 јули
-
Банкипред 2 месециТони Стојановски останува на чело на НЛБ Банка: Народната банка даде зелено светло за нов четиригодишен мандат
-
Кариерапред 2 месециНЛБ Групацијата вработува специјалист за Управување со ризици/финансии
-
Кариерапред 1 месецНародната банка вработува седум лица: Плати до 91.385 денари
-
Кариерапред 2 месециОглас за вработување во Централна кооперативна банка АД Скопје
-
Банкипред 2 месециНЛБ Банка ја исплати јулската пензија
-
Банкипред 2 месеци
НЛБ Банка ја исплати паричната помош за корисниците на социјална, детска и цивилна заштита
