Connect with us
no baners

Банки

Ангеловска-Бежоска на Форумот на „Виенската иницијатива“: Капитализираноста на македонскиот банкарски систем порасна двојно повеќе од ЦЈИЕ

Објавено

пред 1 година

на

no baners

Гувернерката Ангеловска-Бежоска, како претставничка на шесте централни банки од Западен Балкан во Одборот на „Виенската иницијатива“, учествуваше на Годишниот форум на панел-дискусијата посветена на банкарските системи во Централна и Југоисточна Европа (ЦЈИЕ), којшто оваа година се одржа во Вилнус, Литванија.   

И покрај шоковите од невидени размери, банкарските системи во регионот, вклучително и македонскиот, покажаа високо ниво на отпорност. Македонскиот банкарски систем не само што ја задржа стабилноста, туку и уште повеќе ја зголеми. „Резултатите од овие напори се видливи. Капитализираноста на нашиот банкарски систем во споредба со претпандемичниот период е зголемена за близу 2 п.п., што е двојно повеќе од порастот во регионот на ЦЈИЕ и во моментов е највисока во изминатите 17 години, а квалитетот на капиталот е на историски високо ниво. Овие трендови во голема мера ги одразуваат зајакнувањето на регулативната рамка, на супервизијата и макропрудентните мерки преземени од страна на Народната банка“, посочи Ангеловска-Бежоска.

Притоа, особено е важно што и во овие кризни години имаше солидна кредитна поддршка за граѓаните и компаниите (просечен кредитен раст од околу 7%). Во услови на циклус на монетарно затегнување, каматните стапки на кредитирање пораснаа, но растот беше помал од растот на каматните стапки во ЕУ. Со тоа домашните каматни стапки на кредитите значително се приближија до каматните стапки во ЕУ и разликата меѓу нив е историски најниска. Во овој момент, просечната каматна стапка изнесува 5,5%, односно е двојно пониска во споредба со периодот пред Големата финансиска криза, кога изнесуваше околу 11%, во просек.

Гувернерката се осврна и на финансиската писменост и заштитата на корисниците на финансиските услуги, коишто се значајни за носење соодветни финансиски одлуки, но и за зголемување на конкурентските притисоци и за понуда на поконкурентни финансиски услови. „Финансиската писменост, едукацијата и заштитата на потрошувачите, коишто се стратешки приоритети на Народната банка, се важни за клиентите за да можат подобро да ги разберат и правилно да ги споредат понудите меѓу различните банки. Неодамна формиравме посебна организациска единица за финансиската писменост и заштитата на потрошувачите. Под водство на Народната банка, беше усвоена и првата национална Стратегија за финансиска инклузија и писменост, додека регулативната рамка беше зајакната минатата година, вклучително и преку усвојување на Насоките за банките и штедилниците за добри практики за заштита на потрошувачите, фер и транспарентни односи, врз основа на јасни и лесно разбирливи информации за производите и услугите што ги обезбедуваат. Беа преземени и мерки за зголемување на транспарентноста преку споредба на надоместоците за најрепрезентативните банкарски платежни услуги, коишто заедно со либерализацијата на пазарот на платежни услуги, ја поттикнуваат конкуренцијата во системот“, истакна Ангеловска-Бежоска.

„Виенската иницијатива“ е платформа којашто ги поврзува меѓународните финансиски институции, банкарските регулатори и претставниците на банкарските групи од Европа, присутни во регионот на ЦИЈЕ и секоја година, од 2009 година до денес, организира собири во областа на финансиите на кои сите засегнати чинители зборуваат за идните насоки во политиките поврзани со банкарскиот сектор и за поопшти макроекономски прашања.

Слични Теми:

Банки

По повод Светскиот ден на штедењето – награди за најдобрите банкарски службеници

Објавено

пред 2 дена

на

Македонската банкарска асоцијација традиционално ги препознава и наградува најдобрите вработени во банкарскиот сектор.

Овој настан ја истакнува посветеноста, професионалноста и извонредните резултати на службениците кои го зголемуваат квалитетот на услугата и ја градат довербата на клиентите.

Преку ова признание, се промовира одговорното штедење и мотивира другите вработени да се стремат кон највисоки стандарди во работењето.

Главните цели на настанот се:

Поттикнување на професионалноста и посветеноста – наградените службеници се признаени за својот извонреден придонес во работењето и за квалитетната услуга кон клиентите.

Препознавање на успехот во банкарскиот сектор – наградите се доделуваат од страна на Македонската банкарска асоцијација (МБА) како дел од годишната традиција за идентификување на врвни професионалци.

Промоција на одговорното штедење – преку наградување на посветените вработени, се нагласува значењето на финансиската дисциплина, довербата во банките и правилното управување со средства.

Мотивација за другите вработени – настанот ја нагласува важноста од континуирано усовршување, иновативност и високи стандарди во работењето.

Ова големо признание во 2025 година го добија:

1. Комерцијална банка АД Скопје

  • Дијана Мушовска
  • Ангела Ивановска
  • Цвета Јосифовска

2. Стопанска банка АД Скопје

  • Иванова Сања
  • Оџакова Верица
  • Петровска Викторија

3. НЛБ банка АД Скопје

  • Катерина Крстевска 
  • Милица Славковска
  • Марија Томевска

4. Шпаркасе банка Македонија АД Скопје

  • Анита Таневска
  • Јована Трпеска
  • Александар Богоевски

5. Халк банка АД Скопје

  • Халук Џафер
  • Симона Трајковска
  • Амра Салијовска

6. Прокредит банка АД Скопје

  • Панче Петрески 
  • Џемиљ Шефки

7. Универзална инвестициона банка АД Скопје

  • Наталија Стојменовиќ 
  • Даниела Стојановска

8. Развојна банка на Република Северна Македонија АД Скопје

  • Надица Павличковска
  • Габриела Димитриевска

9. Стопанска банка АД Битола

  • Бранкица Дамевска

10. Централна кооперативна банка АД Скопје

  • Зорица Шаламанова 

11. ТТК банка АД Битола

  • Ѓорѓи Атанасовски

12. Силк Роуд банка АД Скопје

  • Александар Божиќ

13. Капитал банка АД Скопје

  • Сашо Јовановски

14. Штедилница ФУЛМ ДОО Скопје

  • Атанас Манушев

15. Штедилница Можности ДОО Скопје

  • Ирена Вурмеска Боцевска

16. Клириншка куќа КИБС АД Скопје

  • Марија Манасова
  • Виктор Петрески

17. Македонско кредитно биро АД Скопје

  • Елена Поповска

Ова е настан кој се повторува секоја година за препознавање на квалитет и извонредни резултати, кој ја поврзува професионалната афирмација со промоција на финансиската култура и довербата на клиентите.

Продолжи со читање

Банки

Ѓорѓи Атанасовски е најдобриот банкарски службеник од ТТК Банка за 2025 година

Објавено

пред 3 дена

на

На настанот по повод Светскиот ден на штедењето, кој се одржа на 31.10.2025 година, во организација на Македонската банкарска асоцијација во соработка со Фондот за осигурување на депозити, беа избрани најдобрите банкарски службеници со постигнати особени резултати во нивната работа.

Со големо задоволство, ТТК Банка АД Скопје оваа година го номинираше Ѓорѓи Атанасовски, соработник во одделот за позадински обработки на ПП и средства и ликвидност, за најдобар банкарски службеник.

“Горди сме на нашиот колега Ѓорѓи Атанасовски за професионалноста, посветеноста и придонесот во работата. Честитки колега за ова заслужено признание! ТТК Банка АД Скопје останува посветена на развојот на потенцијалот на своите вработени, поттикнувајќи иновации и одржливи резултати во сите сегменти на работењето.” – велат од Банката.

Продолжи со читање

Банки

Јубилејни награди за 18 вработени за долгогодишна посветеност и успех во Комерцијална банка

Објавено

пред 3 дена

на

Комерцијална банка традиционално го одбележа Денот на штедењето и со доделување признанија и парични награди на 18 вработени, кои со години придонесуваат за развојот и успехот на Банката.

Наградените вработени оваа година одбележуваат 15 и 30 години работа во Комерцијална банка и се вистинска инспирација за новите генерации што ја градат својата кариера во Банката.

Тие заедно со целиот тим на Комерцијална банка секојдневно се посветени на потребите на клиентите, го движат напред развојот на Банката и го создаваат нејзиниот успех.

На сите наградени, Комерцијална банка им упатува благодарност за долгогодишната посветеност, професионализам и лојалност, со желба за уште многу заеднички достигнувања и нови успеси.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange