Connect with us
no baners

Бизнис

Технолошкиот глобален лидер „Инграм Микро“ го проширува своето присуство во Северна Македонија со отворање на Тренинг центар

Објавено

пред 1 година

на

Компанијата „Инграм Микро“, која веќе над 35 години е препознаена како глобален лидер за технологија и логистика, го проширува своето присуство во Северна Македонија со отворање на Тренинг центар што нуди комплетно портфолио на системски и софтверски курсеви со модули кои одговараат на секој метод на учење.

Тренинг центарот нуди курсеви кои ги зафаќаат клучните области на технологијата како: Check Point, Veeam, Veritas, VMWare, Kaspersky, Radware и IBM. Овие курсеви се дизајнирани да го надградат знаењето на поединците со цел тие успешно да функционираат и напредуваат во дигиталниот свет.

Она што е специфично, е тоа што Тренинг центарот обезбедува соодветна и персонализирана услуга, односно, имате можност да добиете целосна поддршка во однос на изборот на адекватен курс, како и во однос на вашите потреби за надградување на знаењето.

Компаниите кои ќе ги користат услугите на Центарот, за три или повеќе лица добиваат дополнителен попуст, како и они кои следат повеќе курсеви.

Обуките ги спроведуваат врвни професионалци кои се вработени во „Инграм Микро“ и имаат долгогодишно искуство во своето работење.

Сертифицираните курсеви, освен што ќе им помогнат на припадниците на ИТ заедницата да го надградат своето знаење, тие ќе им овозможат и отворање на нови можности и напредок во ИТ индустријата.

„Од самото основање сме позиционирани како лидери за технологија и логистика, а нашиот успех се темели на постојаните иновации, врвниот кадар и желбата за постојан напредок, а тоа се докажува со нашето дејствување во над 160 земји ширум светот. Новиот Тренинг центар во Скопје е само уште еден доказ за нашиот стремеж кон постојано проширување, а мене лично особено ме радува проширувањето во земјава и регионот“, истакна Филип Силјановски, генералниот менаџер на „Инграм Микро“ за Северна Македонија, Албанија и Косово.

Тој потенцираше дека новоотворениот Центар во Скопје претставува огромна придобивка за ИТ заедницата во Северна Македонија.

„Технологијата е менлива материја, а ние константно создаваме иновации кои ги водат трендовите во дигиталниот свет, токму затоа нашите сертифицирани курсеви се издвојуваат во ИТ светот. Даваме знаење за решавање на сите системски предизвици, како и за надградување на бизнисите согласно индивидуалните потреби“, наведе Силјановски.

Раководител на техничкиот оддел за Југоисточна Европа на „Инграм Микро“, Игор Урошевиќ, на отворањето ги сподели успесите на Тренинг центарот во Србија, нагласувајќи дека сите обуки на „Инграм Микро“ се засновани на практични искуства и дека им обезбедуваат на учесниците да ја разберат темелно заднината на технолошките текови и да ги практикуваат сценаријата во реалниот свет.

„Информатичката технологија и вистинските решенија денес се менуваат толку брзо што е многу тешко да се следи оваа динамика дури и за квалификуваните инженери. Технолошката експертиза станува подвижна цел, наместо статична и предефинирана крива на учење како што беше пред неколку години. За ИТ професионалците денес е задолжително да инвестираат во својата експертиза и вештини со цел да останат конкурентни на ИТ пазарот и Центарот за обука „Инграм Микро“ е тука за да им помогне во секој чекор од ова патување“, потенцираше Урошевиќ.

Говорниците, на отворањето на Центарот порачаа дека и понатаму ќе работат интензивно со цел да ја задржат заслужената титула на глобален лидер во ИТ индустријата, а преку специјализираните курсеви, дека ќе создаваат врвни професионалци кои ќе бидат заслужни за напредокот на дигиталниот свет и ќе имаат соодветна експертиза да се справат со сите предизвици.

Тренинг центарот на „Инграм Микро“ се наоѓа во населба Аеродром.

Компанијата „Инграм Микро“ е основана во 1979 година во Америка и во изминатите над 35 години константно бележи огромни успеси во своето поле на работа. Најголемите светски брендови како и помалите бизниси се потпираат на системските решенија што ги создава компанијата, а со тоа го унапредуваат своето дејствување.

Компанијата има над 160 претставништва ширум светот, како и илјадници вработени кои ги диктираат најновите трендови во ИТ индустријата.

Повеќе информации можете да најдете на https://mk.ingrammicro.eu

Слични Теми:

Банки

Караван за финансиско советување и забава со НЛБ Банка и Кроација Осигурување Живот во Ист Гејт Мол

Објавено

пред 7 дена

на

Оваа сабота, 31 мај, од 12:00 до 14:00 часот НЛБ Банка и Кроација Осигурување Живот ве покануваат да ја посетите НЛБ експозитурата во Ист Гејт Мол и да уживате во едукативен и забавен настан.

Настанот е дел од Караванот за финансиско советување, кој трае од 19 мај до 20 јуни. Посетителите ќе имаат можност да се информираат и добијат стручни совети за производите на Кроација Осигурување Живот, достапни преку НЛБ Банка. Организаторите ветуваат креативна забава за најмладите и подароци – идеално за целото семејство!

Караванот продолжува и во наредниот период во експозитурите на НЛБ Банка низ земјава, во соработка со партнерите Сава Осигурување, Кроација Осигурување Живот, Сава Пензиско Друштво, Триглав Осигурување Живот и НЛБ Фондови, со цел да им овозможи на клиентите сеопфатна едукација, стручно советување и детални информации за сите небанкарски финансиски продукти кои се нудат преку НЛБ Банка.

НЛБ Банка, како водечка финансиска институција, постојано го унапредува своето портфолио на производи и услуги, нудејќи им на клиентите широк избор на банкарски и небанкарски продукти на едно место. Банката е тука да ги поддржи клиентите во носењето паметни финансиски одлуки и во обезбедувањето сигурна финансиска иднина.

Продолжи со читање

Бизнис

Македонскиот тим – вицешампиони на финалето на Европскиот квиз за пари за 2025 година

Објавено

пред 2 недели

на

Нашите претставници на Европскиот квиз за пари, учениците Марин Христоски и Алексеј Мицкоски од ООУ „ Кире Гавриловски – Јане“ од Прилеп, под менторство на наставничката Соња Јорданоска, го освоија второто место на овој престижен меѓународен натпревар за млади во областа на финансиската писменост. Финалето се одржа на 23-ти мај 2025 година во Брисел, Белгија во организација на Европската банкарска федерација (ЕБФ).

Тимот од Италија го освои првото место, додека пак третопласирани беа учениците од Шведска.

Овогодинешниот Европски квиз за пари забележа рекорден одзив во 30 земји во Европа, при што над 73.000 ученици од 2.877 училишта ширум Европа учествуваа на националните натпревари одржани во земјите учеснички. Од сите учесници само 60 продолжија во финалето на Европскиот квиз за пари, кое беше организирано со дводневна агенда и вклучуваше низа активности за запознавање и зближување помеѓу тимовите.

Иницијативата, започната од ЕБФ во 2017 година, цели да ги подобри финансиските знаења на младите луѓе и да поттикне финансиски одговорна генерација.

Оваа година на натпреварот учествуваа вкупно 30 земји: Албанија, Австрија, Бугарија, Кипар, Чешка, Данска, Естонија, Финска, Германија, Грција, Унгарија, Исланд, Ирска, Италија, Латвија, Литванија, Луксембург, Малта, Норвешка, Полска, Португалија, Република Северна Македонија, Романија, Србија, Словачка, Словенија, Шпанија, Шведска, Турција и Украина.

Македонската банкарска асоцијација во соработка со Народната банка и Комисијата за хартии од вредност ќе продолжи да ја поддржува и промовира финансиската едукација како клучен елемент за успешната и независна иднина на младите луѓе.

Продолжи со читање

Бизнис

ПроКредит Холдинг вклучен во германскиот индекс на мали компании SDAX

Објавено

пред 2 недели

на

ПроКредит Холдинг АГ, матичното друштво на германската групација за влијателно банкарство „ПроКредит“, која е претежно активна во Југоисточна и Источна Европа, ќе стане дел одSDAX. Оваа одлука ја објави „СТОКС Лтд“. ПроКредит Холдинг се вбројува меѓу 160-те најголеми јавно котирани компании во Германија, според пазарната капитализација на слободниот промет на акции.

Вклучувањето во SDAX стапи на сила на 9 мај 2025 година. Од своето котирање на регулираниот пазар (Prime Standard) на Франкфуртската берза во 2016 година, ПроКредит постојано се усогласува и со барањата на пазарот на капитал. Најважно е тоа што ПроКредит во 2023 година успешно ја заврши трансформацијата на својата правна форма во акционерско друштво (AG, претходно: KGaA).

„Вклучувањето на нашите акции во SDAX претставува важна пресвртница за ПроКредит. Ова е силен сигнал што дополнително ја зголемува видливоста на нашата групација на пазарот на капитал и пошироко.“ „Во ПроКредит, убедени сме дека одговорното банкарство во економиите во транзиција имасеопфатно позитивно економско, еколошко и социјално влијание, со атрактивни и одржливи приноси за инвеститорите. Како такви, нашето вклучување во индексот SDAX нè охрабрува и ова го сметаме за знак на почит и признание за она што го правиме, како и во однос на тоа каде го правиме тоа. Во исто време, остануваме цврсто фокусирани и решени да продолжиме со спроведување на нашата амбициозна стратегија за раст и трансформација, што ќе ни овозможи да оствариме дополнително одржливо влијание, како и да создадеме вредност за нашите акционери“, изјави Хуберт Шпехтенхаузер, претседател на Управниот одбор на ПроКредит Холдинг АГ.

Продолжи со читање

Популарно