Традиционалниот спортски турнир по повод „Денот на штедење“, организиран од СФОМ, успешно заврши со бројни победи и извонредни резултати за тимот на НЛБ Банка.

Настанот се одржа во спортскиот центар МТП – ОУ „Ѓорѓи Димитров“ и собра претставници од повеќе финансиски институции, вклучувајќи банки, осигурителни компании и пензиски фондови.

Тимот на НЛБ Банка настапи со висок натпреварувачки дух, колегијалност и тимска посветеност, постигнувајќи импресивни резултати во повеќе дисциплини:

🥇 Шах
🥇 Тенис М
🥇 Баскет Ж
🥇 Куглање М и Ж
🥇 Пикадо М и Ж
🥈 Пинг понг Ж
🥉 Тенис Ж и Одбојка

Секоја победа е доказ за силниот тимски дух на НЛБ Банка, кој ја надминува границата на секојдневното работење и ја одразува посветеноста кон заедништво, поддршка и позитивна енергија.

„Горди сме на нашите медалисти, но и на сите учесници кои беа дел од настанот. Покажаа дека спортот и тимската игра ги зближуваат луѓето, притоа градејќи култура на мотивираност и соработка. Голема благодарност до сите учесници, навивачи и организатори што придонесоа овој ден да биде исполнет со позитивна енергија!“, – порачаа од НЛБ Банка.

НЛБ Банка успешно ги заокружи деветте месеци од годинава, покажува анализата на финансиските резултати за периодот од 01.01.2025 до 30.09.2025 година. Во споменатиот период, НЛБ Банка оствари нето добивка во износ од 2.505.628 илјади денари и забележа значителен раст на кредитното портфолио и раст на вкупните депозити. Овие позитивни финансиски индикатори се резултат на засилената деловна активност и позицијата на НЛБ Банка како доверлив партнер за клиентите.

Кредитите кај небанкарскиот сектор, на годишно ниво, пораснаа за 21,2%, при што растот на кредитите пласирани кај нефинансиските друштва изнесува 32,2 %, додека растот на кредитите пласирани кај домаќинствата изнесува 14,5 %. На годишно ниво, вкупните депозити на Банката бележат зголемување за 15,8 %.

Позитивните деловни перформанси на НЛБ Банка се должат на континуираните продажни активности на кредитните продукти, зголемениот број на корисници на платните сервиси, како и на внимателното управување со ризиците, оперативната ефикасност и континуираната посветеност кон унапредување на клиентското искуство.

Во текот на првите девет месеци од годината, потврдувајќи ја својата улога на одговорен корпоративен граѓанин, НЛБ Банка остана доследна на својата заложба за вложување во заедницата, инвестирајќи во бројни општествено одговорни проектинасочени кон спортот, културатаи традицијата, образованието и помош за ранливите категории на граѓани.

НЛБ Банка продолжува и натаму да биде поддршка на населението и стопанството и севкупниот развој на економијата во земјата.Во фокусот на работењето на Банката остануваатдигитализацијата и унапредувањето на дигиталните канали, подобрување на искуството на клиентите и проширување на портфолиото на банкарски и небанкарски продукти.

Истовремено, препознавајќи ги ризиците од климатските промени, НЛБ Банка ќе продолжи да ги развива „зелените кредити“ – кредитирање во области за производство на електрична енергија од обновливи извори, намалување на загадувањето и подобрување на животната средина, акцентирајќи ја важноста од одржливо финансирање, одржливо работењеи взаемен придонес кон унапредување на квалитетот на животот во заедницата.

Именувани се нови членови на Надзорниот одбор на Развојна банка на Северна Македонија АД Скопје, се вели во соопштението објавено на Македонска берза.

„Врз основа на Решение на Владата на Република Северна Македонија за изменување на членови на Надзорниот одбор на Развојна банка на Северна Македонија oд 22 јули 2025 година, а согласно решенијата на Извршниот одбор на Народна банка на Северна Македонија од 10 октомври 2025 година, за членови на Надзорниот одбор на Развојна банка на Северна Македонија АД Скопје за период од 4 (четири години) сметано од 14 октомври 2025 година се именувани: Тања Михајловска Димитриевска, Андриана Матлиоска, Христина Келеман и – Александар Горѓиевски“, стои во соопштението. 

Со овие назначувања, Развојна банка ја засилува својата управувачка структура со стручност, искуство и посветеност кон долгорочниот финансиски развој на земјата, со цел поддршка на економскиот раст и развој на инвестициите во јавниот и приватниот сектор.

Мандатот на досегашните членови на Надзорниот одбор заврши со приемот на решенијата за новите членови на 14 октомври 2025 година, отворајќи ново поглавје во стратегиското управување и развој на Банката.