Комерцијална банка ја заокружи 2024 година со извонредни резултати, кои претставуваат потврда за нашето одговорно, одржливо и стратешки насочено работење. Преку ефикасно управување со ризиците и постојано унапредување на производите и услугите, создадовме зголемена вредност за нашите клиенти, акционери и сите засегнати страни.

Во своето видео обраќање, д-р Маја Стевкова Штериева, Главен финансов директор и член на Управниот одбор на Комерцијална банка, ги претставува финансиските резултати на Банката и зборува за новите производи и дигитални иновации што нè позиционираат како сигурен и модерен банкарски партнер. Дополнително, таа го нагласува и значајниот придонес на Банката кон заедницата и нашата заложба за општествен напредок.

Погледнете го целосното обраќање на д-р Стевкова Штериева на следниот линк:

ПроКредит Холдинг ја назначи Ериола Биболи за идна претседателка на Управниот одбор, функција што ќе ја преземе на 1 март 2026 година. Таа има долгогодишно искуство во групацијата, вклучувајќи ја и функцијата извршна директорка на ПроКредит Банка Косово. Биболи е член на Управниот одбор од јуни 2023 година. Актуелниот претседател Хуберт Шпехтенхаузер, кој се приклучи во 2022, ќе премине во надзорна улога. Промената има за цел да обезбеди континуитет и поддршка на фокусот на дигитализација и работа со мали и средни претпријатија.

Во текот на нејзината кариера во ProCredit, Биболи извршувала повеќе раководни функции, вклучително и извршен директор на ProCredit Bank Косово. Од јуни 2023 година, таа е член на Управниот одбор на ProCredit Holding. Нејзиното именување е резултат на темелен селекциски процес спроведен од Комитетот за номинации на Надзорниот одбор.

Шпехтенхаузер, кој се приклучи на ProCredit во 2022 година, ќе премине на надзорна функција во рамки на групацијата. Оваа промена обезбедува континуитет и го зајакнува стратешкиот фокус на компанијата кон дигитализација, иновации и зацврстување на односите со микро, мали и средни претпријатија.

Извор: webdisclosure.com

„Mладите не смеат да се потпираат на непроверени извори за финансиски совети, финансиската едукација преку формалните канали не смее да биде заменета со совети од влијателни лица (т.н. инфлуенсери) на социјалните мрежи“, порача гувернерката на Народната банка, Анита Ангеловска-Бежоска на средбата со членовите на Сојузот за средношколци, којашто се одржа во рамките на Глобалната недела на парите, којашто оваа година се одржува под мотото „Размисли пред да „заследиш“, за безбедност на твоите пари во иднина“. „Динамичните промени во финансискиот систем мора да бидат придружени со соодветни промени во образовниот систем, за да имаме младина којашто е подготвена активно да се вклучи во сите текови на општественото делување“, посочи Ангеловска-Бежоска и ги повика младите да бидат љубопитни, да прашуваат, да истражуваат и постојано да ги надградуваат своите знаења, бидејќи тоа е најдобриот начин да ја обликуваат својата иднина преку одлуки засновани на информации и мудро управување со ресурсите.

Истражувањата покажуваат дека околу една третина (31%) од младите на возраст од 18 до 21 година во Обединетото Кралство се потпираат на извори на интернет, вклучително на влијателни лица (т.н. инфлуенсери) на социјалните мрежи за насоки и информации во областа на финансиите, од кои 25% се потпираат главно на „Тик-ток“.

„Во светот којшто се менува со невидена брзина, во предвечерието на петата индустриска револуција, финансиското знаење не е повеќе луксуз, туку е суштинска потреба. Според начинот на кој управуваме со нашите финансии, ги донесуваме одлуките и ги разбираме економските текови, се обликува не само нашиот личен напредок, туку и стабилноста и напредокот на целото општество“, истакна гувернерката, поддржувајќи ја иницијативата на Сојузот на средношколци, коишто преку презентација ја претставија важноста на финансиската едукација за младите.

Податоците од последните мерења од страна на ИНФЕ-ОЕЦД за финансиската писменост во нашата земја укажуваат дека младите на возраст од 18 до 29 години имаат 54% од вкупните бодови за финансиски знаења, што е малку под просекот од регионот којшто изнесува 56%, но сѐ уште постои јаз во однос на земјите од Европската Унија. Во еврозоната, во 2021 година, 95% од младите на возраст од 15 до 24 години имале сметка, наспроти 74% од младите кај нас, исто така 90% од младите поседуваат дебитна или кредитна картичка, а кај нас 52%. Исто така, 82% од младите во еврозоната имаат некаква заштеда, а во нашата земја само 50% од младите. Дури 93% од младите во еврозоната направиле дигитално плаќање, наспроти 64% од младите кај нас. Сепак, позитивни придвижувања се забележуваат кај штедењето, при што јазот е намален од 40 на 32 п.п. и кај дигиталните плаќања од 40 на 29 п.п. во споредба со 2014 година.

„Овие бројки не треба да нè обесхрабрат, туку напротив – треба да нè мотивираат да поттикнеме промени. Тоа значи дека постои простор за подобрување преку едуцирање на најмладите уште од ученичките клупи, со заеднички напори како од страна на финансиските регулатори, приватниот финансиски сектор, така и од страна на образовните институции“, истакна гувернерката Ангеловска-Бежоска.