Писмата на легендарниот инвеститор Ворен Бафет до акционерите на Беркшир Хатавеј, објавувани во периодот од 1965 до 2024 година, денес се сметаат за едно од највлијателните дела за инвестирање, бизнис и управување со капитал. Новата збирка од речиси 1.000 страници ги обединува шесте децении искуство на човекот кој изгради едно од најголемите богатства во светот.

Во своите писма Бафет не нуди само инвестициски совети, туку и лекции за трпение, интегритет, самокритичност и долгорочно размислување. Неговата најпозната порака е дека вистинското богатство не се создава преку брзи добивки, туку преку дисциплина и долгорочно вложување.

Една од клучните лекции е моќта на сложената камата и долгорочното инвестирање. Бафет со години ги задржувал своите удели во компании како Coca-Cola и American Express, дозволувајќи капиталот да расте со текот на времето.

Тој исто така нагласува дека инвеститорите треба да купуваат квалитетни бизниси по разумна цена, наместо просечни компании по ниска цена. Оваа филозофија ја развил заедно со својот долгогодишен партнер Чарли Мангер, кого го нарекува „архитект на Беркшир Хатавеј“.

Во писмата Бафет отворено зборува и за сопствените грешки. Најпознат пример е купувањето на текстилната компанија Беркшир Хатавеј, која подоцна ја нарече „колосална грешка“. Сепак, токму врз темелите на таа неуспешна инвестиција тој изгради конгломерат вреден стотици милијарди долари.

Посебно место има и неговата критика кон Волстрит. Бафет постојано предупредува дека финансиската индустрија често ја поттикнува прекумерната трговија и краткорочното размислување, додека вистинскиот успех доаѓа преку трпение и рационални одлуки.

Меѓу неговите најцитирани изјави е: „Ако не сте подготвени да поседувате акција десет години, не размислувајте да ја поседувате ниту десет минути.“ Оваа порака останува една од основните насоки за генерации инвеститори ширум светот.

Според авторот на анализата, писмата на Бафет претставуваат многу повеќе од финансиски извештаи. Тие се хроника за тоа како дисциплината, чесноста и долгорочната визија можат да создадат исклучителен успех, не само во инвестирањето, туку и во животот.

Управата за јавни приходи информира дека за користење на апликацијата „МојДДВ“ граѓаните мора успешно да се регистрираат и да добијат одобрување во системот е-Даночни услуги.

Според информациите објавени од УЈП, без успешна регистрација и одобрен профил, апликацијата „МојДДВ“ не може да се користи.

Од институцијата посочуваат дека доколку профилот сè уште не е одобрен, лицето треба лично да се упати во најблиската организациона единица на УЈП со документ за идентификација, со цел да се изврши одобрување на профилот.

„Одобрен профил е клучот за користење на сите придобивки од апликацијата МојДДВ“, наведуваат од УЈП.

Апликацијата „МојДДВ“ им овозможува на граѓаните да скенираат фискални сметки и да остварат поврат на дел од платениот ДДВ.

Кога инвестирате, вие не се задолжувате, туку рационално и ефективно ги дистрибуирате вашите финансиски ресурси, за да добиете што поголема финансиска добивка. На тој начин, не само што заштедувате, туку и дополнително ја зголемувате вредноста на вашите средства. Инвестирањето преку акциски инвестициски фондови значи вложување во стабилни компании низ светот кои создаваат вредност преку раст на добивките и исплата на дивиденти. Кога купувате акција, вие станувате сопственик на хартија од вредност и со тоа добивате одредени финансиски права и одговорности, како и право на дел од профитот, дивидендa, a со купување на удели во инвестициски фонд, Вие индиректно вложувате во голем број акции односно учествувате во имотот на компаниите што се дел од портфолиото на фондот.

Доколку сте во процес на размислување, главната одлука која треба да ја донесете е во кој инвестициски фонд би сакале да ги вложите вашите средства и како да создадете оптимален баланс за максимален ефект. Од таа одлука, директно ќе зависат профитабилноста и ризикот на инвестицијата.

https://www.instagram.com/p/DXRQZKPEaNK/?img_index=1

Финансиската култура и навиките во Македонија покажуваат дека дополнителните приходи луѓето најчесто ги остваруваат преку кирија, т.е од наследен имот кој потоа носи дополнителни 300-400 евра месечно. Со оглед на тоа што во некои делови од Скопје, становите достигнуваат и продажна цена од 3000 еур м2, се поставува прашањето дали недвижностите се сè уште рентабилни и добра инвестиција? Колку реално еден млад човек во Македонија, со приход од просечна плата може да купи имот без да се задолжи во наредните 30-40 години ? Но, и колку рационално ги троши средствата од киријата кои пристигнуваат на неговата сметка секој месец?

“Вложувањето во инвестициски фонд подразбира здружување на средствата на инвеститорот со капиталот на многу други учесници во заедничко портфолио. Со овие средства управуваат професионални портфолио менаџери, кои ги пласираат во акции согласно јасно дефинирана инвестициска стратегија на акциски инвестициски фонд. Инвеститорот добива удели во фондот чија вредност се менува во зависност од перформансите на портфолиото. Ваквиот пристап овозможува диверзификација, односно намалување на ризикот преку распределба на вложувањата”, велат од ВФП Фонд Менаџмент.

„На овој начин, се нуди професионално управување, транспарентност и можност за долгорочен раст дури и со помали поединечни вложувања. Портфолио менаџерите на ВФП Фонд Менаџмент креираат стратегија која го штити вашиот капитал и истовремено отвора нови можности, го намалува ризикот и го зголемува потенцијалот за раст.”, додаваат од ВФП Фонд Менаџмент.

Во професионалниот однос меѓу агентот и клиентот, довербата се гради преку транспарентност, експертиза и конзистентност. Транспарентноста обезбедува сигурност, бидејќи клиентот јасно знае каде се инвестира неговиот капитал, кои се трошоците, ризиците и можните пазарни сценарија. Експертизата, заснована на економски анализи и модели, ја потврдува професионалноста и кредибилитетот на инвестицискиот фонд. Кога инвестирате редовно и останувате доследни на својот план, чекор по чекор го градите патот кон долгорочен раст, финансиска независност и сигурност што трае. Мудро донесените чекори денес се темелот на стабилната финансиска иднина што ја посакувате.