Комерцијална банка АД Скопје по јубилеен 15-ти пат ја доби престижната награда „Најдобра банка во Македонија за 2026 година“, доделена од меѓународниот финансиски магазин „Global Finance“. Признанието претставува потврда за стабилното работење, континуираниот развој и иновативниот пристап на Банката, како и за нејзиниот значаен придонес кон домашната економија.

Со ова признание, Комерцијална банка уште еднаш се позиционира како институција која успешно одговара на потребите на клиентите и остварува стабилни деловни резултати и во услови на предизвикувачки економски околности.

„Оваа јубилејна награда е големо признание за посветеноста, професионалноста и знаењето на целиот тим на Комерцијална банка. Таа е резултат на нашата јасна стратешка визија и на континуираното инвестирање во иновации, дигитални решенија и квалитет на услугите. Пред сè, ова е награда која ја делиме со нашите клиенти и партнери затоа што нивната доверба е наша силна мотивација“, изјави Хари Костов, Главен извршен директор и Претседател на Управниот одбор на Комерцијална банка.

Во рамките на 33-тото издание на годишните награди на Global Finance, признанијата им се доделуваат на најдобрите банки во повеќе од 150 земји во светот. При изборот се земаат предвид квантитативни показатели како растот на активата, профитабилноста и развојот на нови бизниси, но и квалитативни оценки од финансиски аналитичари, банкари и консултанти.

Од Global Finance истакнуваат дека глобалниот банкарски сектор продолжува да покажува издржливост и стабилност и покрај геополитичките предизвици и засилената конкуренција од финтек компаниите, при што наградите им оддаваат признание на институциите кои најуспешно управуваат со своите ресурси и истовремено инвестираат во дигитални иновации.

„Глобалниот банкарски сектор продолжува да покажува издржливост и стабилност и покрај геополитичката нестабилност, регулаторните притисоци и сè поголемата конкуренција од финтек компаниите. Наградите за најдобри банки за 2026 година им оддаваат признание на институциите кои најуспешно управуваат со своите средства и обврски, а истовремено инвестираат во дигитални иновации и вештачка интелигенција за да одговорат на променливите потреби на своите клиенти“, изјави Џозеф Д. Џарапуто, основач и уреднички директор на Global Finance.

Со ова признание, Комерцијална банка АД Скопје ја потврдува својата посветеност кон понатамошен развој на современи и одржливи финансиски решенија и унапредување на дигиталната трансформација, со цел да остане сигурен партнер на граѓаните и бизнисите.

УНИ Банка во соработка со „Жан Митрев“ и Жан Митрев Дијагностик Струмица организира настан посветен на здравјето и финансиската поддршка на граѓаните, кој ќе се одржи на 7 април во главниот хол на клиниката.

Настанот ќе трае од 10:00 до 14:30 часот, а посетителите ќе имаат можност да добијат бесплатни консултации од кардиолози, невролози, генетичари и нутриционисти. Во рамки на активностите ќе се вршат и брзи мерења на крвен притисок, како и анализа на телесната композиција, вклучително и проценка на масти, мускулна маса и вода во организмот.

Дополнително, граѓаните ќе можат да се информираат за финансиските решенија што ги нуди банката, меѓу кои и наменски потрошувачки кредит со 0 проценти камата за медицински услуги.

Организаторите информираат дека целта на настанот е да се овозможи пристап до здравствени услуги и финансиска поддршка на едно место, со фокус на превенција и подобрување на здравјето.

ПроКредит Банка денеска официјално ја претстави новата мобилна апликација, со која дополнително го унапредува корисничкото искуство и ги поедноставува банкарските услуги за физички и правни лица. Станува збор за модерно дигитално решение што ги доближува услугите до постојните и новите клиенти, без да се изгуби важноста на човечкиот пристап и поддршка, спакувано под кампањата „Таму кај што си“.

Кампањата го носи името по истоимениот евергрин на Ристо Самарџиев, преку кој ПроКредит Банка ја отсликува близината, уникатноста и човечкиот пристап кои доаѓаат во форма на услуги преку новото дигитално решение. Новата мобилна апликација има за цел да ја промени перцепцијата дека банкарските процеси се бавни и достапни исклучиво на традиционален начин. Со ПроКредит и нивната визија, дигиталното банкарство е сè подостапно, а показател за тоа е новото решение во облик на мобилна апликација. Апликацијата е дизајнирана да ги сруши ограничувањата на традиционалното банкарство, нудејќи им на корисниците слобода да ги управуваат своите финансии брзо, сигурно и во секое време преку лесен и едноставен пристап до услугите на банката.

Стевче Кузмановски, член на Управен одбор во ПроКредит Банка

„Низ годините научивме една едноставна работа – клиентите не сакаат компликации, туку услуги што се лесни и достапни. Тие не сакаат да чекаат и да се прилагодуваат на банката, туку банката да се прилагоди на нивниот живот – да имаат повеќе време за живот, а помалку време за во банка.

Водени од потребите на клиентите и нашата визија, дојдовме до новата мобилна апликација како одговор на реални ситуации, кога немате време и сакате работите да ги завршите веднаш, таму каде што сте. Денеска, сметка се отвора без филијала, картичка се добива веднаш, а трансферите се реализираат во секундa.

Суштината не е само во функционалностите, туку во слободата што ја добива клиентот –да управува со своите финансии кога сака и каде што се наоѓа. Затоа со оваа апликација го означуваме стартот на уште полесниот пристап до банкарските услуги преку кампањата „Таму кај што си“. – изјави Стевче Кузмановски, член на Управниот одбор во ПроКредит Банка.

Пред медиумите беа претставени клучните функционалности на апликацијата, дизајнирани за секојдневна употреба. Меѓу нив се брза и безбедна најава (со PIN, FaceID или отпечаток од прст), веднаш достапна картичка и брзи трансфери со Send to Friend. Апликацијата овозможува и едноставно управување со заштеди и валути, како и сигурна контрола на профилот и картичките директно преку мобилен телефон.

Марина Ѓурѓовска Аџиовска, Директор на сектор за физички лица во ПроКредит
Банка

„Кога ја развивавме апликацијата, имавме една јасна цел – клиентот да не размислува како да ја користи, туку едноставно да си ја заврши работата. Затоа се фокусиравме на помалку чекори, јасен преглед и чувство дека сè што ви треба е на едно место.

Денес, со една апликација можете да ги следите сите ваши сметки, да управувате со картички, да правите плаќања или да отворите штедење – без одење во банка и без дополнителни апликации. Сè е поставено логично, за да функционира брзо и без непотребни компликации. За нас, доброто дигитално решение е она што ви заштедува време и ви дава сигурност дека можете да ги завршите работите кога вам ви одговара, без прекини во вашето секојдневие.“ – изјави Марина Ѓурѓовска Аџиовска, директор на секторот за физички лица во ПроКредит Банка.

Хибридниот модел на ПроКредит Банка покажува дека дигиталните решенија и човечкиот пристап можат беспрекорно да се надополнуваат. Кампањата „Таму кај што си“ продолжува во неколку фази – со едукативни содржини, соработки со креатори и понуди прилагодени на клиентите, со цел иновациите да се доближат до пошироката јавност.

Линк: Нова мобилна апликација на ПроКредит Банка – Таму кај што си

За повеќе информации и за преземање на новата апликација, посетете ја официјалната веб-страница на ПроКредит Банка, а за сите новитети следете ги профилите на банката на Facebook, Instagram и LinkedIn.