Со јасна стратегија и амбициозна визија за раст, Алта банка АД Битола сè поцврсто се позиционира како значаен и стабилен играч на македонскиот банкарски пазар.

Клучен пресврт во развојот на Банката претставуваше 16 октомври 2025 година, кога Стопанска банка АД Битола стана дел од Алта групацијата. Со оваа трансформација, Банката влезе во рамки на модерна и динамична финансиска група со седиште во Белград, позната по својата експертиза во платниот промет и дигиталните финансиски решенија. 

Ова партнерство донесе нова енергија, знаење и технолошки капацитети, кои веќе имаат директно влијание врз унапредувањето на услугите и модернизацијата на банкарското работење на домашниот пазар.

Фокус на силно управување и кадар

Како дел од својата стратегија за раст, Банката направи значајни чекори во зајакнување на управувачката структура. Формиран е Надзорен одбор составен од искусни и реномирани професионалци од регионот, што претставува јасен сигнал за сериозен и долгорочен пристап кон развојот.

Со одлука на акционерите и по добиена согласност од регулаторот, за членови на Надзорниот одбор се именувани докажани експерти од банкарскиот и академскиот сектор, со мандат од четири години. 

Надзорниот одбор на Банката е составен од искусни професионалци од банкарскиот и академскиот сектор, именувани со четиригодишен мандат по одлука на Собранието на акционери и со согласност од Народната банка. Во неговиот состав се Давор Мацура, сопственик на ALTA Group Белград, како и Уна Сикимиќ и Татјана Куљак од Алта банка Белград, заедно со независните членови – универзитетските професори Вељко Мијушковиќ и Горан Коевски. Ваквата структура комбинира регионално банкарско искуство со академска експертиза и обезбедува силна основа за квалитетно корпоративно управување.

Управниот одбор го предводи Александра Радевска, која и во изминатите години покажа стабилно и успешно лидерство во развојот на Банката. Дополнително зајакнување на раководниот тим доаѓа со именувањето на Зарије Коралија за член на Упавниот одбор, професионалец со повеќе од 20 години искуство во банкарството. Со неговото знаење во управување со тимови, продажни стратегии и финансиска анализа, Управниот одбор добива дополнителен капацитет за носење одлуки и справување со современите пазарни и регулаторни предизвици.

Овој потег не е само формална промена, туку дел од поширока трансформација насочена кон подобро корпоративно управување, поголема транспарентност и зајакната доверба кај клиентите и партнерите.

Банка што инвестира во луѓето

Паралелно со структурните промени, Алта банка активно инвестира и во развојот на својот тим. Новите иницијативи се фокусирани на унапредување на лидерските вештини, организациската култура и поддршка на трансформациските процеси во Банката. 

Овој пристап покажува дека Банката не се потпира само на капитал и технологија, туку гради одржлив раст преку вложување во човечкиот потенцијал.

Јасна насока: раст и модернизација

Со комбинирање на регионално искуство, силен менаџмент и инвестиции во кадар, Алта банка испраќа јасна порака – амбицијата е да се изгради современа, сигурна и конкурентна банка, подготвена да одговори на предизвиците на модерниот финансиски пазар.