Кинеските производители на возила со брз развој на технологијата и силна државна поддршка преку субвенции сè посериозно пенетрираат на европскиот пазар. Според трендовите, во следните пет до десет години, токму кинеските брендови би можеле да ја преземат доминацијата во автомобилската индустрија во Европа.

„Во Кина постојат над сто автомобилски брендови кои се натпреваруваат на домашниот пазар, а сè поголем број од нив веќе настапуваат и во Европа. Европските производители тешко ќе можат да парираат на комбинацијата од квалитет, технологија и цена што ја нудат кинеските брендови,“ изјави Марјан Манчев, директор на Шпаркасе Лизинг и претседател на Асоцијацијата на лизинг друштва во Македонија, за емисијата FinSight на Bankarstvo.mk.

Трендот не го одминува ниту македонскиот пазар – сè повеќе локални застапници внесуваат кинески брендови, чиј удел континуирано расте. Со оглед на динамиката на глобалниот пазар и темпото на иновации во Кина, домашните купувачи во наредните години ќе имаат сè поголем избор на современи и достапни модели од кинеско производство.

Новинар: Наташа Мерсовска

„Поврзано со автомобилските кредити, генерално лизингот како производ е далеку пофлексибилен и побрз,“ вели Марјан Манчев за FinSight. „Тоа го потврдуваат и искуствата од другите земји, каде што лизингот е број еден начин на финансирање автомобили, подвижна опрема и камиони.“

Според него, банките ги имаат структурирано автомобилските кредити така што не можат да понудат иста флексибилност и брзина при одобрување како лизинг компаниите. „Условите, како што се цената и каматната стапка, се слични,“ додава Манчев, „но реална конкуренција на лизингот се потрошувачките кредити кај граѓаните и револвинг кредитите кај компаниите.“

Тој посочува дека кај нас сè уште постои перцепција дека каско осигурувањето е непотребен трошок. „Многу луѓе го гледаат како дополнителен трошок, наместо како заштита на својата инвестиција,“ заклучува Манчев.

Новинар: Наташа Мерсовска

Во третата епизода на FinSight – емисија на Bankarstvo.mk, разговараме со Марјан Манчев, Директор на Шпаркасе Лизинг и Претседател на Асоцијација на лизинг друштва во Македонија.

Во оваа епизода откриваме:
🔹 Колку тежи лизинг индустријата во Македонија во споредба со регионот?
🔹 Какви возила и опрема најчесто се увезуваат преку лизинг?
🔹 За што се користи лизингот и како се менувале цените во изминатиот период?
🔹 И најжешкото прашање: кредит или лизинг – што е подобро?

Не пропуштајте го овој разговор со факти, бројки и практични совети!

Гледајте ја целата епизода:

Новинар: Наташа Мерсовска