Секоја фотографија од годинашниот камп „Остваруваме кампување“ за лица со попреченост нѐ прави горди на нашата поддршка за овој значаен проект на Центарот за младински активизам ЦМА Крик во соработка со Сојузот на извидници на Македонија.

Комерцијална банка со задоволство финансиски ја поддржа оваа иницијатива затоа што веруваме во еднакви можности за сите и среќни сме кога помагаме иницијативи што носат радост, пријателство и безгрижни моменти во природа.

Кампот „Остваруваме кампување“ значи повеќе од забава – тоа е можност за социјална инклузија, јакнење на самодовербата и подобар квалитет на живот на лицата со попреченост.

Голема пофалба за ЦМА Крик и Сојузот на извидници на Македонија за нивниот ентузијазам и посветеност да создадат средина каде секој се чувствува прифатен и вреден. Полесно e заедно дa градиме заедница без граници.

ПР објава

Халкбанк, преку ХалкЕко платформата за грижа кон природата и заедницата, со исклучително креативен пристап потсетува на иницијативата за засадување на 1.000.000 садници низ државата. „Во Сенка“, краткиот филм со кој банката го поддржа овој проект, е одговор на прашањето што сѐ носи една сенка со себе?

„Во Сенка“ преку низа кратки, автентични и искрени моменти опфатени под само едно дрво во текот на само еден сончев ден, ја доловува магијата на сенката како место каде што животот всушност недвосмислено се одвива. Овој проект, кој е креативна соработка помеѓу Халкбанк и Меккен Скопје, на суптилен но моќен начин, во својата основа ја носи вредноста и важноста на дрвото, преку сенката што ја создава.

Во ова кратко, но ефективно љубовно писмо кон природата, користејќи го дрвото како симбол на живот и обнова, Халбанк потсетува на важноста од грижа и свесност кон природата, начело кое е основа на ХалкЕко платформата.

„Со садењето на 1.000.000 садници, Халкбанк директно и недвосмислено дава свој придонес за позелена иднина на оваа земја. Но, со овој проект, ние одиме чекор понатаму, со цел да ја промениме перцепцијата за одговорноста кон природата која изминатиот период претрпе сериозни загуби и да поттикнеме трајна грижа за дрвјата. Филмот „Во сенка“ е креативен повик за акција, потсетување дека секое дрво е важно и дека, со малку грижа, можеме да создадеме едно подобро, позелено и побезбедно утре“, вели Маја Наумовска Савеска, директорка за маркетинг и корпоративни комуникации во Халкбанк.

Погледнете го „Во Сенка“ на YouTube каналот на Халкбанк, или на кој било од профилите на социјалните медиуми на банката.

Халкбанк АД Скопје донесе одлука за намалување на дел од своите тарифи, во согласност со променетиот тарифен модел на Народната банка на Република Северна Македонија. Со оваа одлука значително се намалуваат надоместоците за услугите за граѓаните и компаниите, при што клиентите ќе добиваат уште поповолни услови за извршување на финансиските трансакции.

И досега, Халкбанк во многу сегменти нудеше атрактивни услови во однос на тарифите. Така, проверката на состојбата на било која картичка на банкомат била и е бесплатна, а сите приматели на плата или пензија преку Халкбанк со својата мастеркард дебит картичка можат да подигнуваат готовина на банкомати на било која банка во Македонија без провизија. Бесплатно е и повлекувањето готовина од платежна сметка во девизи.

Со новите промени, електронските интерни налози за физички лица отсега наместо 5 денари, ќе бидат бесплатни. Истовремено, цената на електронски, брзи меѓубанкарски плаќања (МИПС) за физички лица, се намалува од 100 на 50 денари, а кај хартиените МИПС налози преку шалтер на банката, новата цена е 80 денари по налог, односно, во овој дел извршено е намалување за 60% од досегашната тарифа.

И за правните лица цената кај електронските, интерни налози се намалува од 11 на 7 денари, како и кај електронските МИПС плаќања од 100 на 80 денари, во зависност од износот. Направена е измена и кај хартиените МИПС налози за правни лица, каде новата цена сега изнесува 200 денари т.е. направено е намалување за 33% од досегашната цена за овие трансфери.

Овие промени ќе имаат директна корист за сите клиенти, особено за оние кои активно користат дигитални канали и електронски плаќања.

Истовремено, на сила остануваат сите поволности кои досега Банката ги нудеше на своите клиенти.

Халкбанк на клиентите им нуди и посебни пакети во рамките на кои се добиваат низа поволности и намалени тарифи. За младите до 24 години е наменет HalkEzпакетот со кој се добива бесплатна трансакциска сметка, мобилно банкарство, картичка и други поволности. За пензионерите, освен што се врши редовна и навремена исплата на пензијата, креиран е и специјален Пакет за пензионери кој е со бројни бенефиции – достапни услуги, бесплатни трансакции и поддршка при секојдневните банкарски потреби. А за оние кои ја примаат својата платаили пензија преку Халкбанк, наменет е и Смарт пакетот кој претставува комплетно банкарско решение кое ги обединува најчесто користените услуги во еден економичен месечен пакет. Тука се вклучени водењето на трансакциска сметка, дебитна картичка, мобилното и електронско банкарство, електронските налози, месечните известувања и подигнување готовина од сите банкомати во земјата. Апакетот нуди и подарок ORYХ Home Аssistance – без надоместок во промотивниот.

Дополнително, од 7 октомври Халкбанк ќе започне со извршување на прекугранични трансфери кон СЕПА (Single Euro Payments Area) системот. Во СЕПА регионот, кој опфаќа 41 земја членка и повеќе од 4.000 учесници, на сите клиенти – физички и правни лица – ќе им биде овозможено да извршуваат и примаат плаќања во евра под исти услови и со иста ефикасност како во рамките на националните граници.

Со ваквите чекори, Халкбанк уште еднаш ја потврдува својата стратегија да биде банка која ги поддржува граѓаните и компаниите со поповолни услови, современи дигитални решенија и интегрираност во европските платежни стандарди.