Овој период се покажува како сè поатрактивен за инвестирање во Комерцијална банка АД Скопје, што дополнително се потврдува со најновите активности на самите членови на нејзиното раководство.

Имено, според соопштението објавено на Македонска берза, г-н Горан Антевски, генерален менаџер на „Раде Кончар – ТЕП“ и член на Надзорниот одбор на Комерцијална банка АД Скопје, се стекнал со 1.000 обични акции на Банката.

„Комерцијална банка АД Скопје известува дека г-н Горан Антевски, член на Надзорниот одбор на Банката, се стекна со 1.000 обични акции издадени од Комерцијална банка АД Скопје“, се вели во соопштението објавено на Македонска берза.

Според пресметките на Банкарство.мк, а врз основа на податоците од Македонска берза, просечната цена по акција на ден 06.05.2025 година изнесувала 29.398,73 денари, што значи дека вкупната вредност на трансакцијата се проценува на речиси 30 милиони денари, односно приближно 478.000 евра.

Ова не е првпат Антевски да го зголеми својот удел во Комерцијална банка, бидејќи во изминатиот период тој неколку пати купуваше акции, вклучително и неодамнешна трансакција на дополнителни 100 обични акции.

Купувањето на акции од страна на членови на менаџментот е јасен сигнал за силна внатрешна доверба во идниот развој и стабилноста на институцијата. Тоа истовремено упатува порака и до јавноста и до инвеститорите дека Комерцијална банка е позиционирана како солиден и профитабилен избор за вложување.

Комерцијална банка АД Скопје, како една од водечките банки во земјата и понатаму е меѓу најликвидните и највреднуваните хартии од вредност на домашниот пазар на капитал.

Вистински финансиски совети на вистински разбирлив начин токму кога се неопходни – нов забавен формат на пренесување совети од Халкбанк што пари значат

Изминатите недели низ социјалните медиуми циркулира искрено, симпатично и непосредно објаснување за важни животни лекции од Халкбанк, кои секој би сакал да ги знае претходно, односно многу порано пред да донесе некоја значајна финансиска одлука. Во овие кратки инстаграм-видеа, главниот херој, т.н. ФинФлуенсер, на неверојатно прониклив, хумористичен начин и финансиски јазик разбирлив за сите наоѓа формула како да пренесе важни пораки до македонската јавност:

https://www.instagram.com/p/DIBXzG9sHP2

Од совети за совесно размислување при работење со сопствени пари, паметно инвестирање, преку совети за штедење, сè до поуки за препознавање лажни пораки и опасни линкови при е-трансакции, ФинФлуенсерот – кој во серијалот го игра младиот актер Антонио Ташковски, e модерниот лик чии совети го разбиваат митот дека финансиската писменост претпоставува комплициран и долг процес на учење. Овој формат на пренесување совети што се од клучно значење за индивидуалната и семејна финансиска иднина, на краток и сладок начин директно стигнува до поентата што треба да биде пренесена.

https://www.instagram.com/p/DI9S346hBF0

„Лични финансии, планирање трошоци, инвестирање и штедење – големи сложени изрази за навистина едноставни нешта – грижа за иднината и одговорност за себе. Нашето општество, особено младите треба да ја знаат суштината зад финансиската писменост. Иднината е во знаењето – а знаењето е јавно општествено добро што ние во Халкбанк посветено, трпеливо и на креативен начин го споделуваме со секој од вас. Само финансиски писмена заедница е силна заедница“, вели Маја Наумовска Савеска, директорка за маркетинг и корпоративни комуникации во Халкбанк.

Погледнете го серијалот видеа ФинФлуенсер на социјалните медиуми на Халкбанк.

ПроКредит Банка останува единствената банка во Македонија која на годишна основа е оценувана од меѓународната кредитна агенција Fitch Ratings, која е светски лидер во оценување на кредитниот рејтинг на финансиските институции.

Со рејтинг БББ- ПроКредит Банка Македонија и оваа година го потврдува стабилното работење на банката, покажувајќи дека анализираните ризици се соодветно менаџирани и се на ниско ниво споредено со средината во која банката оперира. Анализираните сегменти од работењето на банката се сопственичката структура, пазарното опкружување, управувањето со ризиците, ликвидноста, профитабилноста, капитализацијата и квалитетот на активата на Банката.

ПроКредит Македонија повеќе од 20 години работи под принципот одговорно банкарство и има стратешка важност во ПроКредит Групацијата. Банката низ годините бележи позитивен тренд во зголемување на профитабилноста и унапредување на капиталната структура и квалитетот на сопствените средства.

Што значи Fitch Rating?

Fitch ratings и сличните агенции како неа и помага на јавноста да се информира за финансиската стабилност на банките со цел да донесат добри финансиски одлуки. Се работи за проценка на банките дали се во можност да си ги извршат сите побарувања и дали менаџирањето на ризиците е на соодветно ниво. Стабилниот рејтинг може да биде пресуден во одлуката при избор на банка на нови клиенти како и гаранција за квалитет и потврда за направен добар избор на веќе постоечките клиенти.