Врз основа на член 39 став 1 од Статутот на НЛБ Банка АД Скопје, акционерите доставија предлог-Одлука за именување на член на Надзорниот одбор, за седницата на Собранието на акционери на НЛБ Банка АД Скопје закажана на ден 29.11.2024 година.

Со доставениот предлог, акционерите за член на Надзорниот одбор на НЛБ Банка АД Скопје ја предлагаат Хедвика Усеник, со живеалиште во Љубљана, Република Словенија.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Хедвика Усеник на позицијата член на Надзорниот одбор на НЛБ Банка АД Скопје ќе дојде на местото на Блаж Бродњак кој поднесе оставка од функцијата Претседател на Надзорниот Одбор на ден 10.10.2024 година.

Мандатот на Хедвика Усеник како член на Надзорниот одбор ќе трае до 30.08.2025 година, а ќе стапи на сила по добивање на согласност од Гувернерот на Народната Банка на Република Северна Македонија.

ЕСГ известувањето како средство и обврска за долгорочна одржливост на бизнисот беше една од главните теми на Женскиот економски форум – Балкан 2024, кој Комерцијална банка, како општествено одговорна компанија, финансиски го поддржа.

А, д-р Маја Стевкова-Штериева, Главен финансов директор и член на Управниот одбор на Комерцијална банка, беше учесник на овој панел, на кој се дискутираше за потребата од интегрирање на одржливоста во бизнисот преку ЕСГ извештаите.

Со истакнување на можностите што ги нуди ЕСГ известувањето, кое сѐ уште е новитет за македонскиот бизнис, д-р Штериева потсети дека ЕСГ е комплексно прашање и затоа бара сестран придонес за да се остави зелен импакт во сите предвидени области.

„Обезбедувањето зелени финансии и можности за бизнисот веројатно е еден од најголемите предизвици за банките и за македонската економија. Банките веќе се обединија во конзорциум кој ќе бара соодветни решенија. Но, државата треба да го реши проблемот со користење јаглен во производството на електрична енергија, која потоа ја користат компаниите“, порача д-р Штериева.

Таа го истакна придонесот на Комерцијална банка за поддршка на бизнисите со зелени кредитни линии од програма на ЕБОР и на Развојната банка на Македонија, а најави и збогатување на портфолиото со нови кредитни линии.  

Според д-р Штериева, ЕСГ известување значи пристап до можности за финансирање на бизнисот, за што компаниите мора да бидат свесни доколку сакаат да обезбедат кредити.

Таа го посочи значењето и на социјалниот момент во ЕСГ известувањето, каде особено треба да се работи на родовата рамноправност со цел економско зајакнување и унапредување на позицијата на жените во општеството.

Комерцијална банка со својата поддршка на овој настан и водена од мотото дека Полесно е заедно да се следат промените, даден значаен придонес за актуелизирање на едно од најважните прашања за бизнисот, од кое зависи не само иднината на економијата, туку и на планетата Земја.

За нов претседател на Здружението АЦИ Македонија е избрана Весна Трајковска, раководител на Одделението за FX тргување и пазар на пари во Комерцијална банка.

Благодарејќи на долгогодишното искуство во областа на тргувањето со девизни средства и нејзиниот придонес за развој и промовирање на еден од клучните финансиски пазарни сегменти во земјава, Трајковска е избрана за прв човек на АЦИ Македонија од страна на нејзините колеги од сите банки во земјава.

Од Комерцијална банка ѝ го честитаа изборот на колешката Весна и воедно и посакаа да остане посветена на својата активна улога, особено поради динамичните глобални финансиски пазари, како и да придонесе за натамошен развој на Здружението.