Комерцијална банка АД Скопје донираше 60 детски книги за учениците од ОУ „Кочо Рацин“ – Кратово и за малите пациенти на Универзитетска клиника за детски болести – Скопје, поточно на Одделот за кардиологија и ревматологија.

Донацијата е дел од поддршката на иницијативата „Подари книга, подари свет“, реализирана од „Матица македонска“ по повод Меѓународниот ден на дарувањето книги и одбележувањето на 35 години од постоењето на издавачката куќа.

Како општествено одговорна компанија, Комерцијална банка е горда на секој свој придонес кој отвора нови хоризонти, поттикнува љубопитност и создава образовани нови генерации. Во училишната средина, книгите се сојузници на знаењето и на креативноста, а во болничките соби стануваат прозорец кон свет исполнет со авантури, насмевки и надеж.

Комерцијална банка континуирано вложува во иницијативи насочени кон поддршка на образованието и здравјето на најмладите. Пред три години Банката го реализираше и целосното реновирање на Одделот за кардиологија и ревматологија на Детската клиника во Скопје, со цел подобрување на условите за лекување и престој на пациентите и медицинскиот персонал.

Со донацијата на книгите, Банката уште еднаш ја потврдува својата посветеност кон создавање подобри услови за раст, учење и развој на новите генерации.

Во современото општество, унапредувањето на родовата еднаквост и создавањето еднакви можности за сите, претставуваат основа за одржлив економски и социјален развој. Водена од овие вредности, Халкбанк АД Скопје континуирано ја гради својата корпоративна политика врз принципите на инклузивност, одговорност и активна поддршка на жените во нивниот личен и професионален развој. Во тој контекст, Банката со години реализира иницијативи, програми и општествено одговорни активности насочени кон поттикнување родова еднаквост, зајакнување на финансиската независност и поддршка на жените кои се соочуваат со различни предизвици.

Како дел од овие активности, банката деновиве донираше 10.000 евра на Националната мрежа против насилство врз жени и семејно насилство, со што даде директна поддршка на организациите и механизмите кои обезбедуваат помош и заштита на жените жртви на насилство.

Оваа донација е дел од пошироката иницијатива на Халкбанк што произлезе од препознатливата кампања „Фустани со џебови“, со која Банката на креативен и симболичен начин ја отвори темата за финансиската независност и економската моќ на жените. Кампањата прерасна во платформа што ја подигна јавната свест за родовата еднаквост, а средствата собрани преку продажбата и аукцијата на уникатните креации беа наменети за поддршка на Интервентниот женски фонд и за помош на жени жртви на насилство.

Поддршка за женското претприемништво

Како дел од својата стратегија за одржлив развој, банката го разви и Пакетот за жени претприемачи како специјално креирана финансиска понуда за жени сопственици и основачи на микро, мали и средни бизниси. Преку овој пакет, Халкбанк им овозможува на жените претприемачи пристап до поволни кредитни услови, банкарски услуги по повластени тарифи, како и советодавна поддршка за развој и унапредување на нивните деловни активности. На овој начин, заклучно со 2025 година, обезбедена е кредитна поддршка за 634 компании предводени од жени, што претставува конкретен показател за посветеност и доверба во нивниот потенцијал.

Покрај финансиската поддршка, Халкбанк активно учествува и во организирање и поддршка на настани со кои се подига свеста и перцепцијата за родовата еднаквост, за финансиската слободата на жените и за економската важност на женското лидерство. Во тој контекст, Банката организираше регионални едукативно-нетворкинг настани на теми како што се финансиската писменост, дигитализацијата и зелената транзиција. Дополнително, се реализираше и програмата „Од не/вработена до претприемачка“, насочена кон охрабрување и поддршка на жените кои сакаат да започнат сопствен бизнис, како и изработката на Брошура за финансиска писменост на жените, која има за цел да придонесе кон подобро разбирање на финансиските алатки и можности.

Халкбанк беше и покровител на престижната манифестација „Избор на Жена – Претприемач на годината“ и доделувањето на националната награда за женско претприемништво, што традиционално се одржува под институционално покровителство на Министерството за економија.

Во духот на поддршката и заедничкото учење, банката организира и бизнис настани и конференции, како што беше „HalkTalk“, настан кој ги собра жените претприемачи, им овозможи да споделат свои искуства и да се инспирираат меѓусебно, создавајќи мрежа на поддршка и соработка. Банката е и главен поддржувач на Алијансата за родова еднаквост на работното место – GEA, која е дел од глобалната иницијатива на UN Women.

Преку овие активности, Халкбанк придонесува кон создавање силна заедница на жени лидери, менаџери и претприемачи, кои со својата работа и визија го обликуваат современото деловно опкружување.

Посветеност кон еднакви можности

На овој 8 Март, Халкбанк ја потврдува својата цврста посветеност кон родовата еднаквост и економско зајакнување на жените, не само како институција што нуди финансиски услуги, туку и како социјално одговорна организација што ги гради платформите и иницијативите кои создаваат трајни вредности и можности.

„Нашата мисија е да бидеме повеќе од банка, да бидеме партнер што ги поддржува жените во остварување на нивните лични и професионални цели. Веруваме дека економски силните жени значат посилно и поодржливо општество“, велат од Халкбанк.

Банката продолжува да инвестира во иднината на жените претприемачи, да поттикнува инклузивно чувство на заедништво, и да ја поддржува нивната улога како двигатели на иновација, раст и развој на економијата.

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка ве охрабрува да се придружите на нивниот тим и заедно, секојдневно да ги живеете корпоративните вредности!

Шпаркасе Банка АД Скопје има потреба од Специјалист за развој на процеси за население, Служба за развој на процеси за население во Скопје.

Што ќе биде твојата улога?

• Дизајнирање на нови процеси и активно учество во развој, унапредувањe и оптимизација на процесите за работа со население – физички лица;
• Редовно следење на процесите и учество во изработка и ажурирање на интерни процедури и
  инструкции за продажната мрежа;
• Подготовка и спроведување на обуки поврзани со процесите за вработените во експозитурите;
• Учество во проекти, тестирање и имплементација на нови софтверски и дигитални решенија кои ќе го унапредат работењето на банката;
• Следење на законски и регулаторни измени, препораки од интерна ревизија и нивна имплементација во процесите;

Кои квалификации се потребни?

• Минимум ВСС;
• Познавање на процеси во финансиски институции и високо ниво на бизнис свесност;
• Одлични аналитички способности и способности за работа со алатки за моделирање (BPMN, flowcharts, task-tracking софтвери);
• Одлични организациски вештини, способност за одредување приоритети, тимска работа;
• Проактивност и иницијатива;
• Активно познавање на работа со компјутер (MC Office);
• Познавање на англиски јазик (конверзација, разбирање, пишување);

Кои ќе бидат твоите придобивки?

• Континуирана обука и можност за кариерен развој во банкарската групација Erste & Steiermärkische Sparkasse;
• Приватно здравствено осигурување;
• Конкурентна плата и дополнителни надоместоци;
• Мотивирачка организациска култура во која се почитува иницијативноста, анагажманот, но и тимскот дух;
• Настани и активности за добросостојбата на вработените (employee’s wellbeing).

Шпаркасе банка ве охрабрува да ја искористите оваа можност и да аплицирате на отворената позиција со испраќање на CV и мотивациско писмона: [email protected] заклучно со 12.03.2026 година со назнака „Апликација
за Специјалист за развој на процеси за население“.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе банка Ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА! #КариераБезБариера #ВерувајВоИднината