Во согласност со Законот за хартии од вредност , а по одржаното Собрание на акционери на Друштвото, КРОАЦИА ОСИГУРУВАЊЕ АД – Друштво за осигурување на живот Скопје преку соопштение на Македонска берза ја информира јавноста дека на г-ѓа Маја Станковска Костова досегашен извршен член на Одборот на директори и престана функцијата поради поднесена оставка заклучно со 01.12.2024 година.

За нов извршен член на Одборот на директори на КРОАЦИА ОСИГУРУВАЊЕ АД – Друштво за осигурување на живот Скопје е именуван г-дин Бобан Томески, почнувајќи од 01.12.2024 година.

„Управувањето со Кроациа осигурување – Живот, друштво кое е лидер на пазарот за осигурување и најстара осигурителна компанија за животно осигурување во Македонија, е голема привилегија, но и одговорност за водечката личност. Во текот на петгодишниот мандат, Маја Станковска Костова даде значаен придонес за развојот на Друштвото, за подобрување на услугите кон клиентите, креирање прилагодени понуди на производи како и зголемување на профитабилноста. Ѝ благодариме за досегашниот ангажман и за сето она што го постигна, и ѝ посакуваме успешна кариера надвор од компанијата. На Бобан Томески му посакуваме многу успех на новата функцијата – извршен член на Одборот на директори и во водењето на друштвото кон нови деловни достигнувања“ – изјави Марио Батарило, претседател на Одборот на директори на Кроациа осигурување – ЖИВОТ АД Скопје.

Новиот состав на Одборот на директори на КРОАЦИА ОСИГУРУВАЊЕ АД – Друштво за осигурување на живот Скопје е:

• Марио Батарило – неизвршен член и Претседател на Одборот на директори;
• Бобан Томески – извршен член на Одборот на директори;
• Иван Залар – неизвршен член на Одборот на директори;
• Владимир Стефановски – независен неизвршен член на Одборот на директори.

Триглав Осигурување Живот АД Скопје и ТТК Банка АД Скопје, на заемно задоволство, ја продолжија заедничката ексклузивна соработка за банкоосигурување со потпишување нов договор за стратешко партнерство.

Благодарение на стратешката соработка што двете компании партнерски ја градат и негуваат од 2019 година, граѓаните имаат можност да добијат кредит со вклучена полиса за осигурување на живот, која обезбедува финансиска сигурност за семејството на кредитобарателот при немил настан. А, како дополнителна придобивка добиваат значително поповолни услови за кредитирање, достапни во која било од 30-те експозитури и филијали на ТТК Банка АД Скопје.

Новиот договор за соработка претставува зацврстување на стратешкото партнерство меѓу ТТК Банка АД Скопје и Триглав Осигурување Живот АД Скопје, како и збогатување на портфолиото финансиски производи на ТТК Банка АД Скопје, којашто ќе им понуди на своите клиенти низа придобивки кои, пред сѐ, обезбедуваат дополнителна финансиска заштита.

Развојот на банкоoсигурувањето претставува стратешка определба за Триглав Осигурување Живот АД Скопје.

„Ни претставува вистинско задоволство што ја продолжуваме успешната и силна соработка со ТТК Банка АД Скопје, соработка што активно ја градевме и ја развиваме како партнери во изминатите 5 години. Соработката со ТТК Банка АД Скопје за нас е од големо значење, а особено бидејќи тоа е Банката што прва ни ја даде својата доверба за партнер во доменот на банкоосигурувањето. Преку развој на иновативни производи и заеднички проекти, ќе продолжиме да ја негуваме соработката и да им нудиме на клиентите финансиски производи што ќе им донесат максимално корисничко задоволство и погодности“, изјави Христина Џамбазовска Анастасов, Генерален директор на Триглав Осигурување Живот АД Скопје.

„Нашето партнерство со Триглав Осигурување Живот АД Скопје обезбедува значајни придобивки за клиентите преку иновативни решенија што ги комбинираат кредитите со полиси за осигурување на живот. Со тоа, нудиме повеќе од финансиски производи –  нудиме сигурност, заштита и поволни услови за сите наши клиенти. Новиот договор е потврда за нашата заедничка визија за унапредување на финансиската стабилност на клиентите и поддршка на најважните животни одлуки. Ќе продолжиме партнерски да создаваме додадена вредност за корисниците и да поставуваме нови стандарди во банкарските и осигурителните услуги, секогаш ставајќи ги клиентите на прво место“, изјави проф. д-р Драгољуб Арсовски, претседател на Управниот одбор на ТТК Банка АД Скопје.

ТТК Банка АД Скопје се издвојува како доверлив партнер на корисниците на кредитни производи коишто вклучуваат животно осигурување, а кои Банката ги нуди со атрактивни фиксни каматни стапки од 5,3% за целиот период на отплата од 10 години за СМАРТ ненаменски потрошувачки кредит, како и 3,7% фиксна каматна стапка во првите 10 години за СУПЕР станбен кредит, односно 4,0% фиксна каматна стапка во првите 3 години за хипотекарен кредит.

Во изминатите години Триглав Осигурување Живот АД Скопје изгради успешна соработки со дури 5 банки во земјата кои имаат лиценца за застапување во осигурување издадена од Агенцијата за застапување во осигурување. Со ова, се издвои на пазарот како осигурителна компанија – лидер во банкоосигурувањето, односно како компанија со најголем број банки соработници и доминантно учество од 45% во вкупната бруто-полисирана премија за осигурување на живот преку банко канал за продажба.

ТТК Банка АД Скопје, со својата широка мрежа од 30 експозитури и над 80 банкомати ширум земјата, е препознатлива како доверлив партнер на граѓаните и деловните субјекти во обезбедување квалитетни финансиски услуги. Преку иновативни производи што ги исполнуваат потребите на клиентите, Банката ја зацврстува својата позиција во банкоосигурувањето, придонесувајќи за поголема достапност на осигурителните производи и на финансиската заштита. И во иднина, ТТК Банка АД Скопје ќе се фокусира на развојот на експертизата во креирање производи коишто директно соодветствуваат на потребите на клиентите и можните ризици, сè со цел да им помогне на клиентите да инвестираат во сопствената иднина.

Раст на финансискиот пазар и диверзификација на понудата се клучните придобивки од зголеменото преземање на нефункционалните пласмани во земјава. Во развој на овој сегмент од финансискиот пазар клучна улога има усогласувањето на регулативата со новата директива на Европската унија за нефункционалните пласмани. Како резултат на солидната експертиза од повеќе европски пазари, ЕОС Матрикс во 2023 и во текот на 2024 година инвестираше 5 милиони евра и е лидер во овој сегмент на финансискиот пазар.

„Зајакнување на финансиската солвентност и подобрување на конкурентноста на реалниот сектор е клучен фактор за поттикнување на економскиот раст. Иако нашата земја сѐ уште не е членка на Европската унија, нашата компанија која е дел од Групацијата ЕОС веќе работи според директивата за нефункционални пласмани. Моменталните анализи покажуваат дека на ниво на индустрија најмногу треба да работиме на намалување на изложеноста на променливите каматни стапки, кои покажуваат ризик, намалување на стапката на нефункционални кредити и намалување на ризиците на изложеноста на комерцијалните недвижности. Покрај детектираните слабости, домашниот пазар има и голем потенцијал за раст, а унапредувањето на регулативата не само што ќе го овозможи овој раст, туку и ќе го забрза“, истакна д-р Катерина Бошевска, генерална директорка на ЕОС Матрикс во Македонија и Косово.

Според податоците на компанијата, износот на ненаплатени побарувања во последните 7 години изнесува околу 350 милиони евра. Оваа бројка јасно укажува на неискористениот финансиски потенцијал на секундарниот финансиски пазар во земјава.

Групацијата ЕОС во своето портфолио има инвестиции од околу 510 милиони евра во нефункционални кредити, а со своите активности групацијата е присутна на повеќе од 20 пазари. Големото искуство и експертиза што го поседува групацијата го применува и ЕОС Матрикс Македонија, а како резултат на тоа компанијата во континуитет инвестира во нефункционални пласмани на домашниот финансиски пазар.

Во насока на континуиран развој на нови финансиски инструменти и збогатување на понудата на продукти на пазарот, ЕОС Матрикс Македонија покрај тоа што работи согласно регулативите на ЕУ, инвестира и во развој на нови технологии кои нудат висока безбедност на податоците, како што е алатката “ogGPT” за генеративна вештачка интелигенција,. ЕОС Матрикс Македонија е единствена компанија во финансискиот сектор која го имплементираше меѓународниот стандард ISO 27701:2019 и работи согласно високите принципи на заштита што ги гарантира овој стандард, а кој исто така овозможува и проценка на ризиците и поголема контрола.