Клиентите на возраст од 18 до 29 години кои се корисници на Zipp Mastercard Debit World картичката од Комерцијална банка, со секоја трансакција учествуваат во Наградната игра ZIPP & WIN и добиваат можност да станат добитници на електричен MATE велосипед или 30.000 денари на нивната Zipp сметка.

Во периодот до 10 септември 2026 година, секоја трансакција со Zipp картичката направена во земјата со физичка картичка, преку телефон или смарт часовник, носи по една шанса (еден код) за освојување на една од наградите.

Колку повеќе трансакции, толку повеќе шанси за освојување на една од наградите.

Извлекувањето на добитниците ќе се одржи на 14 септември 2026 година.

Сите детали и правилата за Наградната игра се достапни на следниот линк.

Стопанска банка АД – Скопје во првите шест месеци од 2026 година остварила добивка пред оданочување од 1,412 милијарди денари, што претставува намалување од 30 отсто во споредба со истиот период минатата година.

Според консолидираните неревидирани финансиски извештаи, позитивниот финансиски резултат пред оданочување и резервации изнесувал 1,781 милијарда денари и бил за 31 отсто понизок на годишно ниво.

Од Банката наведуваат дека намалувањето се должи на регулаторните и пазарните услови, пониските каматни стапки и каматни приходи, намалените провизии од платниот промет и меѓународните трансакции, како и на еднократните приходи наплатени во 2025 година од претходно отпишани побарувања.

Во првото полугодие Банката издвоила 368,4 милиони денари за исправка на вредноста на финансиските средства и за посебна резерва за вонбилансна изложеност.

Вкупната актива на Банката на 30 јуни 2026 година изнесувала 159,035 милијарди денари, при што е забележан органски раст.

Консолидираните извештаи ги опфаќаат финансиските резултати на Стопанска банка АД – Скопје и на Стопанска лизинг ДООЕЛ Скопје.

Германскиот банкарски гигант „Commerzbank“ за првпат јавно изрази подготвеност да започне преговори со италијанската „UniCredit“ за евентуално преземање, што претставува значаен пресврт по повеќемесечното противење на ваквата трансакција.

Претседателот на Надзорниот одбор на „Commerzbank“, Јенс Вајдман, изјави дека по промените во сопственичката структура се создадени услови за конструктивен дијалог, со цел да се дефинираат услови кои ќе ги заштитат интересите на вработените, клиентите и акционерите. Тој призна дека банката посакувала поинаков развој на настаните, но дека актуелниот однос на силите меѓу акционерите наметнува нов пристап.

Промената во ставот доаѓа откако „UniCredit“ го зголеми својот удел на речиси 48% од капиталот и близу 50% од гласачките права во „Commerzbank“, со што стана убедливо најголем поединечен акционер. Финализирањето на трансакцијата сè уште зависи од регулаторните одобренија, кои се очекуваат до крајот на годината.

Можната аквизиција предизвикува силен интерес во германската јавност и политичкиот врв. Иако германската влада претходно се спротивставуваше на преземањето, канцеларот Фридрих Мерц неодамна порача дека државата нема да ја блокира трансакцијата, иако остануваат одредени резерви околу начинот на кој „UniCredit““ го зголеми својот сопственички удел.

Според аналитичарите, евентуалното спојување на „UniCredit“ и „Commerzbank“ би претставувало една од најзначајните прекугранични банкарски трансакции во Европа и би можело суштински да го промени балансот на силите во европскиот банкарски сектор.