Цената на златото продолжи да расте во последното интрадневно тргување, поддржана од техничкиот образец „двојно дно“, кој го засили позитивниот импулс и му овозможи на металот да го продолжи нагорниот тренд.

Дополнителна поддршка за цената доаѓа од тргувањето над експоненцијалниот подвижен просек, што укажува на продолжување на корективниот раст. Иако индексите на релативна сила почнаа да покажуваат негативни сигнали по достигнувањето на зона на силна прекупеност, тие засега не влијаат значително врз движењето на цената. Тоа, според анализата, ја потврдува силата на актуелниот нагорен тренд и остава простор за нови добивки на краток рок.

Во меѓувреме, валутниот пар евро/долар забележа пад во рамки на корективно движење, при што пазарот се обидува повторно да изгради позитивен импулс за враќање кон раст во следните трговски сесии.

Краткорочната техничка слика за EUR/USD останува позитивна, бидејќи корективниот нагорен бран сè уште е активен, а парот продолжува да се движи над 50-дневниот експоненцијален подвижен просек, кој делува како динамична поддршка.

Индикаторите на релативна сила кај евро/доларот се спуштија во зона на силна препродаденост во споредба со движењето на цената, што укажува на подобрување на моментумот и ја зголемува можноста за закрепнување и нов раст во блиска иднина.

Голем конзорциум во кој се вклучени Visa, Mastercard, Coinbase и повеќе од 140 други компании го претстави проектот Open Standard, чија цел е да ја забрза глобалната употреба на стабилни дигитални валути, познати како стејблкоини.

Во рамки на иницијативата треба да биде лансиран новиот стејблкоин Open USD, чија вредност ќе биде врзана за американскиот долар. Според најавите, неговото пуштање во употреба е планирано до крајот на годинава.

Основачите на проектот наведуваат дека Open Standard треба да ги отстрани пречките со кои компаниите се соочуваат при поширока примена на стејблкоините. На компаниите ќе им биде овозможено без надоместоци и ограничувања да издаваат и откупуваат Open USD, додека приходите од резервите што ја покриваат вредноста на токенот ќе се распределуваат меѓу членките на конзорциумот, по одбивање на трошоците за управување.

Стејблкоините се дигитални токени чија вредност е поврзана со традиционални валути, како американскиот долар или еврото, со цел да се избегнат големите ценовни осцилации карактеристични за дел од криптовалутите. Иако се сметаат за погодни за секојдневни плаќања, во моментов најчесто се користат за тргување со друга криптоимот.

Дополнителен поттик за развојот на оваа област даде и американската регулатива GENIUS Act, која беше потпишана во јули 2025 година и претставува прва федерална рамка во САД за издавање и користење стејблкоини. Со тоа, според аналитичарите, се отвори простор за поширока употреба на дигиталните валути во платниот промет.

Претставниците на Open Standard сметаат дека моделот на заедничко управување и распределба на приходите може да означи нова фаза во развојот на дигиталната имотна класа.

Open Standard не е единствена ваква иницијатива. Уште во 2024 година, повеќе финтек и криптокомпании ја формираа мрежата Global Dollar Network, со цел да развијат глобална инфраструктура за стејблкоини.

Цените на становите во Скопје продолжиле да растат и во вториот квартал од 2026 година, покажуваат податоците на Народната банка.

Според Индексот на цени на станови, кој се однесува единствено на територијата на градот Скопје и се пресметува врз основа на огласени, а не на реализирани цени за продажба, во вториот квартал е забележан квартален раст од 5,5 проценти.

На годишно ниво, цените на недвижностите се зголемени за 13,3 проценти. Сепак, Народната банка посочува дека годишниот раст продолжува да забавува, со оглед на тоа што во претходниот квартал изнесувал 16,6 проценти.

Индексот на цени на станови е еден од показателите што ја следат динамиката на пазарот на недвижности во главниот град, но се базира на огласените цени, а не на цените по кои становите навистина биле продадени.