УНИБанка промовира понуда за хипотекарни кредити наменета за граѓаните кои планираат инвестирање во недвижности и им е потребен сигурен финансиски партнер.

Според објавените информации, банката нуди фиксна каматна стапка почнувајќи од 4,3 проценти за првите шест години, за клиенти кои имаат редовни месечни приливи. Кредитот овозможува финансирање до 75 проценти од вредноста на имотот, што го прави достапен за поширок круг на корисници.

Дополнително, во рамки на понудата не се наплатува трошок за проценка, освен за првата година, а вклучена е и полиса за ризико осигурување.

Од банката посочуваат дека со оваа кредитна линија сакаат да им го олеснат патот на клиентите до реализација на нивните планови и инвестиции во дом или друг вид недвижност.

ТТК Банка АД Скопје ќе ја зајакне својата капитална позиција преку нова емисија акции во вкупна вредност од 41,9 милиони денари, откако доби одобрение од Комисија за хартии од вредност.

Станува збор за петта емисија долгорочни хартии од вредност, која ќе се реализира по пат на приватна понуда. Банката ќе издаде 41.918 обични акции, со номинална вредност од 1.000 денари по акција.

Со оваа емисија, основната главнина ќе се зголеми за над 681 илјада евра.

Според информациите од регулаторот, дел од добивката остварена во 2025 година ќе биде распределена во форма на дивиденда во акции, пропорционално на постојните акционери на банката.

Стопанска банка АД – Скопје ги информира своите почитувани клиенти дека дека по повод престојниот државен празник Ден на трудот, филијалите на Банката нема да работат на 01.05.2026 (петок).

За време на празникот, на располагање ќе бидат сите i-bank дигитални услуги достапни 24/7 на телефон, компјутер, мобилен и банкомат, вклучувајќи ги мобилното и електронското банкарство (m-banking и e-banking), банкоматите на Стопанска банка, како и широката партнерска мрежа на трговци кои прифаќаат картички издадени од Банката.