Скијачка федерација на Македонија со голема благодарност и почит ја истакнува УНИБанка АД Скопје како свој стратешки партнер, чија поддршка е од исклучително значење за развојот на скијачкиот спорт во нашата земја. Продолжувањето на ова партнерство претставува не само финансиска поддршка, туку и вистински пример за општествено одговорно делување кое остава траен белег врз спортската сцена во Македонија. Нивната поддршка создава оптимални услови за нашите спортисти, овозможувајќи им пристап до подобра инфраструктура, опрема, тренинг-кампови и подготовки, како и учество на меѓународни натпревари каде што ја претставуваат државата. Ова партнерство не само што придонесува кон индивидуалните успеси на скијачите, туку и кон афирмација на македонското скијање на светската сцена, каде што нашите натпреварувачи сѐ повеќе се истакнуваат со своите резултати.

„Благодарение на партнерството со УНИБанка, македонското скијање добива поддршка која е фундаментална за нашиот спортски раст и за успехот на нашите натпреварувачи. Ова спонзорство е уште една потврда дека заедно можеме да ги унапредуваме зимските спортови во Македонија и да создадеме нови шампиони. Искрено ја цениме посветеноста и довербата што УНИБанка ја покажува кон македонското скијање.“ – додаде Дејан Пановски, претседател на Скијачка федерација на Македонија.

Договорот за спонзорство, беше свечено потпишан помеѓу Скијачка федерација на Македонија и УНИБанка, како продолжување на досегашната соработка и заедничката визија за развој на зимските спортови.

Во знак на искрена благодарност за континуираната поддршка и значајниот придонес кон македонското скијање, Скијачка федерација на Македонија ѝ додели посебна благодарница на УНИБанка за време на неодамна одржаниот Шарпланински куп. Ова признание е симбол на успешната соработка и посветеноста на УНИБанка кон спортот и младите таленти, кои преку ова партнерство добиваат подобри услови за напредок и претставување.

УНИБанка АД Скопје докажа дека верува во македонскиот спорт и во потенцијалот на нашите скијачи. Овој ангажман е јасен показател за посветеноста кон спортската заедница и придонесот кон создавање на услови за долгорочен развој и просперитет во зимските спортови.

ПР објава

Во периодот од 8 до 10 април, вкупно 90 претприемачиподелени во три групи ја започнаа својата едукација во рамки на ПроКредит бизнис академијата, едукативна програма наменета за поддршка на микро и малите бизниси во нивниот раст и развој. Ова е првпат да се организира настан од ваков вид во нашата земја, со единствена цел, поддршка на локалната бизнис заедница и создавањеструктуирана платформа за нефинансиска едукација и вмрежување на бизнисите. 

Првиот модул, посветен на темата „Интерно претприемништво“, беше реализиран под менторство наСандра Савановиќ-Стевановиќ – партнер и директор на белградската подружница на консултантската компанијаAlphabet Group, со повеќе од 25 години искуство како бизнис тренер и консултант за деловен развој и стратешко планирање. Таа зад себе има повеќе од 3.500 обучени претприемачи, 1.000 компании и импозантно меѓународно искуство од работа во повеќе од 20 земји на 4 континенти.

„Многу е важно претприемачите да развијат начин на размислување кој постојано бара повеќе можности за подобрување и иновација – не само надворешно, туку и интерно во сопствената организација. Интерното претприемништво е клучна алатка за секој бизнис што сака да расте и да се прилагодува на брзиот пазарен развој“, истакна Сандра Савановиќ-Стевановиќ.

Ова е концепт кој станува сè поважен во современото работење и кој има за цел да поттикне претприемачки начин на размислување како и развој на иновативни идеи внатре во организацијата, не само кај сопствениците на  бизниси, туку и во интерниот тим.

Во текот на овие три дена, преку интерактивни сесии и практични примери, учесниците имаа можност детално да се запознаат со програмата на овој модул и да работат на:

• развивање на претприемачки начин на размислување во компанијата,

• техники за генерирање иновативни идеи за развој на бизнисот,

• препознавање на можности за раст и решенија кои создаваат вредност за клиентите и компанијата,

• стратегии за проценка и управување со ризици кај новите иницијативи,

• подобрување на тимската соработка и динамика.

„Со оваа иницијатива одиме чекор понапред како финансиска институција која нуди многу повеќе од банкарски услуги. Како долгогодишни поддржувачи на храбрите претприемачи, континуирано вложуваме во знаење, развој и долгорочна одржливост на локалната бизнис заедница, бидејќи нашата мисија е да бидеме партнер кој постојано креира вредност и нови можности. Среќни сме што ПроКредит бизнис академијата е препознаена од претприемачите како корисна платформа за едукација, надградување, вмрежување и размена на искуства, каде преку иновативен пристап, интерактивни обуки и програми за развој овозможуваме поддршка во нивниот личен раст и во растот на нивните бизниси“, истакнуваат од ПроКредит Банка.  

Во периодот од април до октомври 2025 година во Управната зграда на ПроКредит Банка во Скопје ќе се одржуваат предавања со различни ментори во вкупно пет различни модули. По завршување на предавањата на учесниците ќе им бидат доделени сертификати.  

„Од октомври 2025 година, деловните банки од земјава ќе можат да се приклучат кон платните системи на Единствената област за плаќања во евра (СЕПА), со што се отвора патот за побрзи, поевтини и поефикасни прекугранични плаќања во евра. Народната банка активно го следи процесот на подготовка на банките за пристап кон СЕПА, којшто опфаќа правна, техничка и оперативна усогласеност со европските стандарди“, посочува вицегувернерката на Народната банка, Емилија Нацевска, во интeрвју за националниот сервис МТВ.

Придобивките за граѓаните и компаниите ќе бидат значајни – намалени трошоци, поедноставени постапки и многу пократко време за трансакциите. Парите испратени од странство, вклучително и оние од иселениците, ќе пристигнуваат во текот на истиот или следниот работен ден, со значително пониски трошоци, а банките ќе треба да им ги пренесат овие придобивки и на клиентите преку пониски надоместоци.

Заради поедноставување на процедурите, Народната банка веќе ги укина обврските за доставување документација за тековните трансакции со странство, меѓу кои и за плаќање одмор или школарина во странство, а ќе се укине и за капиталните трансакции, освен за мал број трансакции за кои постојат експлицитни законски обврски. Ова значително ќе го олесни онлајн и шалтерското банкарство и ќе го поттикне користењето електронски и мобилни платежни услуги. Податоците покажуваат дека електронските плаќања во земјава веќе бележат годишен раст од над 40% во 2024 година.

Исто така, се работи и на олеснување на процедурите за приливните плаќања. Целта е средствата добиени од странство, вклучително и хонорарите, да се ставаат на располагање веднаш или најдоцна следниот ден, без потреба од приложување договор или фактура, освен во специфични случаи каде што тоа е законски обврзано.

Покрај ова, не се предвидуваат ограничувања за износите коишто може да се префрлат на основа на подарок, освен лимитот од 100 илјади евра кај инстант плаќањата, а контролите за спречување перење пари и финансирање тероризам и натаму ќе се применуваат, во согласност со меѓународните стандарди.