Connect with us

Банки

Потсетување до младите истражувачи: Крајниот рок за пријавување трудови за Годишната награда на Народната банка е 1 февруари

Објавено

на

Народната банка ги потсетува младите истражувачи дека е распишан Конкурсот за Годишната награда за најдобар труд од областа на макроекономијата и банките и банкарските системи. Крајниот рок за доставување на трудовите за Конкурсот за Годишната награда за 2025 година е 1 февруари 2025 година. Сите заинтересирани млади истражувачи можат да поднесат свој труд, во согласност со условите и критериумите на јавниот повик. 

Право на учество имаат сите државјани на земјава на возраст до 35 години, кои не се вработени во Народната банка и не се членови на Советот. Авторите имаат право да конкурираат на Конкурсот за избор на најдобар труд и со труд што веќе бил објавен, но не пред 1 јануари 2023 година. Трудовите се поднесуваат до Народната банка по електронски пат на е-адресата: [email protected] .

Годишната награда на Народната банка за прворангираниот труд изнесува 130.000,00 денари. Но, доколку Одборот за оценување процени дека второрангираниот труд е исто така со квалитет близок до прворангираниот, Народната банка може да додели и втора награда, во износ од 65.000,00 денари. По оцена на Одборот, може да биде доделена и само втора награда или воопшто да не биде доделена Годишната награда, доколку се утврди дека ниеден од трудовите не ги исполнува потребните услови.

Низ годините, Народната банка постојано ја поттикнува научноистражувачката мисла во областа на макроекономијата и банкарството. Покрај Клубот на истражувачите, каде што истражувачите имаат можност да ги презентираат своите трудови, Годишната награда за млади истражувачи е дополнителна алатка на централната банка за мотивирање на младата популација за унапредување и развој на истражувачката и аналитичката работа во областа на економијата.   

Банки

Пад на добивката на УНИ Банка во првото полугодие

Објавено

на

УНИ Банка во првите шест месеци од 2026 година остварила нето-добивка од 114,5 милиони денари, што е значително помалку во однос на 203 милиони денари во истиот период минатата година.

Според податоците објавени на Македонската берза, нето-приходите од камати се намалиле за 1,21 отсто, на 592,6 милиони денари.

Нето-приходите од провизии и надоместоци се намалиле за пет отсто и изнесувале 109,7 милиони денари.

Вкупната актива на банката на крајот од јуни изнесувала 30,5 милијарди денари, што претставува намалување од 2,5 отсто во споредба со крајот на минатата година.

Кредитите и побарувањата од клиенти, без банки, се зголемиле за 3,5 отсто и достигнале 21,5 милијарди денари. Депозитите, пак, се намалиле за 0,8 отсто, на 23,5 милијарди денари.

Акциите на УНИ Банка последен пат се тргувале по цена од 6.526 денари на Македонската берза.

Продолжи со читање

Банки

Стопанска банка ја почнува исплатата на јулските пензии на 31 јули

Објавено

на

Стопанска банка АД – Скопје информира дека исплатата на пензиите за јули ќе започне утре, 31 јули 2026 година.

Корисниците ќе можат да располагаат со средствата преку своите сметки во банката.

Продолжи со читање

Банки

Апликацијата за дигиталното евро ќе има напредни функции за пристапност

Објавено

на

Европската централна банка ги претстави планираните функции за пристапност на апликацијата за дигиталното евро, преку која корисниците ќе можат да ги користат основните услуги поврзани со новата дигитална валута.

Според ЕЦБ, апликацијата ќе биде дизајнирана според највисоките стандарди за пристапност и ќе ги надминува барањата утврдени со Европскиот акт за пристапност.

Предвидени се подобрен визуелен приказ, целосна навигација преку тастатура, поддршка за читачи на екран, предупредувања пред истекување на времето, поедноставен јазик, спречување грешки и можност за намалување на анимациите и движењата на екранот.

Целта е дигиталното евро да биде достапно за сите граѓани, без оглед на нивните потреби, способности или нивото на дигитални вештини.

Членот на Извршниот одбор на ЕЦБ, Пјеро Чиполоне, изјави дека дигиталното евро, слично како готовината, треба да претставува јавно добро достапно за секој Европеец под еднакви услови.

Предлогот е изработен во соработка со потрошувачки организации, експерти за пристапност и националните централни банки.

Апликацијата моментално се развива, а тестирањето на нејзината употребливост и пристапност треба да започне во рамките на пилот-проектот за дигиталното евро во 2027 година.

Корисниците, покрај преку апликацијата на Евросистемот, ќе можат да пристапуваат до услугите за дигиталното евро и преку каналите на своите банки и други даватели на платежни услуги.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange