Алта банка објави оглас за ангажирање едно лице на работното место стручен соработник за работа со физички лица и микро клиенти во експозитура во Велес.

Од кандидатите се бара завршен Економски факултет, најмалку две години работно искуство во банка, положен стручен испит за застапник во осигурување, одлично познавање на англискиот јазик и работа со програмите од пакетот MS Office. Потребна е и возачка дозвола од Б-категорија.

Работните обврски опфаќаат обработка и анализа на кредитни барања, комуникација со клиенти, презентирање банкарски производи, следење на наплатата на пласманите и подготовка и склучување договори за осигурување.

Избраниот кандидат ќе биде ангажиран со полно работно време и договор на определено време од шест месеци. Висината на платата ќе биде утврдена според компетенциите, стручноста и квалитетот на кандидатот.

Заинтересираните треба да испратат мотивациско писмо и кратка биографија на македонски јазик на електронската адреса [email protected], со соодветна назнака во предметот на пораката. Огласот ќе биде отворен до пополнување на работното место.

Централна кооперативна банка АД Скопје вработува кандидат за работнo местo: Соработник за клиентска услуга во Експозитура во СКОПЈЕ.

Работниот однос е на определено време, со можност за продолжување на неопределено време.

Дневно работно време: од 08:00 до 16:00 часот

Неделно работно време: понеделник – петок

Работното место воглавно ги опфаќа следните работни активности:

• Продажба на банкарски производи и услуги;
• Промотивни активности на новите производи;
• Обезбедување на дополнителни информации за производите и услугите;
• Привлекување и комплетна услуга на клиенти кои Банката ќе ги категоризира како ВИП;
• Ажурирање на податоци и досиеја во позадинското работење и фајловите поврзани со трансакциите;
• Прием и постапување или проследување на одредени барања од коминтентите;
• Следење на конкуренцијата;
• Решавање на поплаки на коминтенти и останати комплексни прашања;
• Вршење на благајнички работи, по потреба;
• Претставување на Банката на позитивен и професионален начин, при комуникација со клиенти;

Кандидатите треба да располагаат со следните квалификации и познавања:

• Високо образование;
• Солидно познавање на англиски јазик;
• Одлично познавање на MS Office пакетот и работа со компјутери.

Избраниот кандидат треба да ги поседува следните компетенции и вештини:

• Самоиницијативност и тимска работа во динамично окружување;
• Одлични комуникациски способности;
• Позитивен пристап кон работата;
• Висок степен на прецизност.

За ова работно места е предвидена основна нето плата во зависност од квалификациите и искуството на кандидатот.

Банката нуди одлични услови за работа и можност за стручно усовршување како и напредок и развој во кариерата. Доколку сакате да станете дел од успешниот тим на Централна кооперативна банка, испратете CV и пропратно писмо на: [email protected]. Вашата апликација задолжително треба да го содржи работното место за кое аплицирате.

Огласот ќе биде активен заклучно со 19.07.2026 година.

Ненавремените и некомплетни апликации нема да бидат предмет на разгледување.  Само кандидатите со уредни и навремени апликации, а кои одговараат на условите наведени во огласот, ќе бидат поканети на тестирање, односно интервју кое претставува дел од процесот на селекција на кандидати за вработување во Банката.

Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.

Стопанска банка АД – Скопје објави оглас за вработување на трезорист во Дирекцијата за раководење со готовина и чување хартии од вредност, во рамки на Секторот за административна поддршка.

Од Банката ги повикуваат заинтересираните кандидати кои се апсолвенти или дипломирани економисти и сакаат да ја започнат или развиваат својата кариера во банкарскиот сектор да аплицираат за работната позиција.

Пријавувањето се врши преку страницата за кариера на Стопанска банка, каде што се достапни повеќе информации за условите и процесот на аплицирање.

„Биди дел од нашиот тим и започни го својот професионален пат во банкарството“, порачуваат од Стопанска банка.