Connect with us
no baners

Банки

Комерцијална банка повторно е Златен спонзор на трката од 5 км на Скопски маратон

Објавено

на

Комерцијална банка и оваа година со гордост ќе придонесе за поддршка на спортот и здравиот животен стил како Златен спонзор на трката од 5 километри на Скопски маратон 2025.

„Скопскиот маратон е еден од најголемите спортски настани во земјава, кој секоја година обединува илјадници учесници и љубители на трчањето од сите генерации. Трката од 5 км, која ја поддржуваме како банка, претставува достапен и мотивирачки предизвик за сите – млади и постари, рекреативци и професионалци, семејства, пријатели и колеги.

Како општествено одговорна компанија, веруваме во силата на спортот да создаде здрави навики, ентузијазам и заедништво. Затоа со задоволство ја продолжуваме оваа успешна соработка со Скопски маратон.

Ги повикуваме сите вљубеници во трчањето, движењето и позитивната енергија да ни се придружат за заедно да ги обоиме улиците на Скопје во зелено“, велат од Комерцијална банка.

Банки

Халкбанк ја проширува понудата со услуга за инвестирање на странски пазари

Објавено

на

Следејќи ги современите трендови во финансискиот сектор и растечките потреби на клиентите за поголема диверзификација и пристап до глобални инвестициски можности, Халкбанк АД Скопје ја проширува својата понуда со нова услуга, инвестирање во хартии од вредност на странски пазари.

Новата услуга претставува уникатна можност на домашниот пазар, клиентите преку една доверлива институција да добијат интегриран пристап до локални, регионални и глобални пазари на капитал, со поддршка, сигурност и експертиза што ги нуди Халкбанк.

Со воведувањето на оваа услуга, покрај веќе постоечката можност за тргување на Македонска берза, како и останатите банкарски и инвестициски услуги, клиентите ќе можат да инвестираат и во различни видови хартии од вредност на странски пазари, вклучително купопродажба на акции на глобално препознатливи компании, удели во ETFs (Exchange Traded Funds), како и други финансиски инструменти достапни на меѓународните берзи.

Дополнително, клиентите добиваат можност и за инвестирање во должнички хартии од вредност на странски пазари, меѓу кои државни обврзници, корпоративни обврзници и еврообврзници (EUROBONDS), што овозможува креирање на диверзифицирани инвестициски портфолија согласно различните инвестициски профили и стратегии на клиентите.

Тргувањето ќе се одвива на најразвиените светски пазари, вклучувајќи ги САД, Канада, Велика Британија, Германија, Франција, Италија, Швајцарија, Холандија, Белгија, Данска, Ирска, Шведска, Норвешка, Финска, Австрија, Шпанија, Португалија, Полска, Чешка, Унгарија, Романија, Хрватска и Словенија.

Во време кога инвестирањето станува сè поважен дел од личното и корпоративното финансиско планирање, Халкбанк продолжува да гради современ финансиски екосистем, создаден според потребите на клиентите и насочен кон долгорочен раст и финансиска стабилност.

За повеќе информации за услугата, условите и начинот на инвестирање, заинтересираните клиенти можат да се обратат во најблиската филијала на Халкбанк или да ја посетат официјалната веб-страница на банката.

Продолжи со читање

Банки

Плаќањата во евра меѓу Македонија и Србија ќе бидат побрзи и поевтини: Србија се приклучи на СЕПА

Објавено

на

Народната банка информираше дека со приклучувањето на Србија во системот СЕПА (Single Euro Payments Area), отсега е овозможено извршување плаќања во евра од и кон Србија во рамки на оваа европска платежна област.

Од Народната банка оценуваат дека станува збор за значаен чекор за унапредување на регионалната финансиска поврзаност, што ќе донесе директни придобивки за граѓаните, компаниите и дијаспората.

Со новината, прекуграничните плаќања во евра меѓу двете земји ќе бидат побрзи, поефикасни и со пониски трошоци во споредба со традиционалните платежни канали. Истовремено, се очекува поголема сигурност и предвидливост на трансакциите, како и поедноставени процедури за плаќања и приливи.

Од централната банка потсетуваат дека Србија е еден од најзначајните трговски партнери на земјава и се наоѓа меѓу петте најголеми партнери во надворешната трговија, што дополнително го зголемува значењето на интеграцијата во СЕПА.

Новината, како што наведуваат од Народната банка, е особено важна и за дијаспората, како и за економските и семејните врски меѓу двете земји, бидејќи ќе овозможи поевтини и побрзи трансфери на средства.

Народната банка соопшти дека и натаму активно работи на интеграција во европските платни системи и на унапредување на условите за модерни, брзи и достапни плаќања.

Продолжи со читање

Банки

Халкбанк со кредитна линија за поддршка и развој на одржлива земјоделска активност во соработка со Европскиот фонд за Југоисточна Европа (ЕФСЕ)

Објавено

на

Халкбанк АД Скопје, во партнерство со Европскиот фонд за Југоисточна Европа (ЕФСЕ), нуди кредитна линија за поддршка на одржливо земјоделство и поттикнување на сигурен раст наменета за микро, мали и средни претпријатија, трговци поединци и индивидуални земјоделци.

Кредитната линија има за цел да обезбеди финансиска поддршка за работен капитал и инвестиции во одржливи земјоделски активности, со што се поттикнува модернизација на производството и зголемување на конкурентноста на домашните компании.

Услови на кредитната линија:

  • Износ од 5.000 до 250.000 евра
  • Рок на отплата до 5 години
  • Месечни, квартални или полугодишни ануитети
  • Варијабилна каматна стапка од 5,5% (до 36 месеци) и 5,75% (над 36 месеци), поврзана со 6-месечен EURIBOR
  • Надомест за обработка од 1,3% до 1,5%

Дополнителен бенефит на кредитот се обуки, работилници за фармери и грант компонента до 1.000 евра (до исцрпување на средствата).

Со оваа кредитна линија, Халкбанк продолжува да ја реализира својата стратегија за поддршка на зеленото финансирање и зајакнување на локалната економија преку обезбедување пристапни извори на средства за оние кои создаваат реална вредност и поддршка на одржливиот развој на земјоделскиот сектор, создавајќи можности за посилна економија и подобра иднина за домашните производители.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange