Капитал Банка АД Скопје нуди можност за финансирање на набавка на возило преку ЕКО ДРАЈВ кредит, наменет за сите кои сакаат поголема слобода во патувањата и нови дестинации со семејството или пријателите.

Со овој кредитен производ клиентите можат да обезбедат средства за купување возило со поволна фиксна каматна стапка и флексибилни услови за отплата. Каматната стапка изнесува 4,5 проценти фиксно, а рокот на отплата може да достигне до 84 месеци. Максималниот износ на кредитот е до 50.000 евра.

Од банката посочуваат дека ЕКО ДРАЈВ кредитот е наменет за сите кои сакаат своите патувања да ги претворат во нови искуства и спомени.

Повеќе информации граѓаните можат да добијат во најблиската експозитура на Капитал Банка или на телефонскиот број 02/3102-500. Информации се достапни и на веб-страницата на банката.

Народната банка продолжува со активностите околу спроведување на Кодексот за финансирање на жените претприемачи. Кодексот се спроведува согласно Меморандумот за соработка потпишан со ЕБРД, а со вклученост на претставници од јавниот, приватниот и граѓанскиот сектор. Станува збор за иницијатива на светско ниво на регулаторите,  давателите на финансиски услуги и на другите учесници во финансискиот екосистем, насочена кон активности коишто треба да придонесат за полесен пристап до финансии на микро, малите и средните претпријатија во сопственост на жени.

Во рамките на активностите на Кодексот, во октомври 2025 година, Народната банка за првпат објави преглед на податоците за пристапот до кредити на претпријатијата во сопственост на жени (достапен на следнава врска: https://mkddashboard.fsturkey.com/mk ). Воедно, активно се работеше на формирање на Националната коалиција за примена на Кодексот во нашата земја. Покрај Народната банка, како национален координатор и обединител, во Националната коалиција учествуваат 19 институции, меѓу кои 6 банки, 2 штедилници и МБА. Од јавниот сектор, вклучени се Министерството за економија и труд, Министерството за социјална политика, демографија и млади и Агенцијата за иновации, научно-технолошки развој и претприемништво. Институциите коишто се дел од Националната коалиција се организирани во три работни групи посветени на деловното окружување, прибирањето податоци и на финансиските и нефинансиските услуги за претпријатијата во сопственост на жени.

Институциите членки на Националната коалиција неодамна го заокружија списокот со заложби за примена на Кодексот и го објавија на своите веб-страници, а Народната банка го објави интегрирано, во делот од својата веб-страница посветена на Кодексот за финансирање на жените претприемачи (https://www.nbrm.mk/we-finance-code-en.nspx). Објавените списоци упатуваат на цврстата определба за ангажирање во активности за поддршка на женското претприемаштво во нашата земја, што е во прилог на јакнење на потенцијалот на економијата во целина.

Активностите на Народната банка и Националната коалиција во следниот период ќе бидат насочени кон натамошно проширување на Коалицијата со нови потписници, спроведување анкета за оцена на потребите, утврдување на националната дефиниција на претпријатијата во сопственост на жени за потребите на Кодексот, наоѓање системски решенија во доменот на податоците според родовата структура во сферата на финансиите, дефинирање на начинот на известување, како и редовни анализи на податоците.

Министерката за финансии, Гордана Димитриеска-Кочоска, денеска оствари средба со гувернерот на Народната банка, Трајко Славески, на која беа разгледани тековните економски состојби во врска со реализацијата на фискалната и монетарната политика, како и предизвиците со цел зачувувањето на цврстината на финансискиот систем.

На разговорот се потенцираше значењето на континуираната соработка помеѓу фискалната и монетарната власт, како и следењето на надворешните ризици кои може да влијаат врз макроекономските показатели. Министерството за финансии ја нагласи потребата од стабилност во функционирањето на финансискиот систем, додека Народната банка ги презентираше активностите за поддршка на предвидлива и одржлива економска клима.

„На средбата беше потцртана важноста од непрекинатата соработка помеѓу фискалната и монетарната политика. Беше едногласно заклучено дека ситуацијата во домашната економија е стабилна, а институциите продолжуваат будни да ги следат надворешните опасности и нивното можно влијание врз макроекономските показатели“, се наведува во официјалното соопштение.