Connect with us
no baners

Бизнис

Иуте и Екотип донираа прочистувачи за воздух во основното училиште Крум Тошев Трубарево

Објавено

пред 9 месеци

на

Како општествено-одговорни компании со алтруистички дух, изразуваме големо жалење и сочувствуваме со сите граѓани кои се директно и индиректно погодени од неодамнешниот пожар во Трубарево, немил настан кој го наруши секојдневието на жителите и децата, оставајќи ги надвор од училишните клупи. Притоа изразуваме и голема благодарност до сите институции, волонтери, пожарникари, медицински лица и индивидуалци кои беа во првите редови уште од првиот миг.

Како резултат на партнерски договор, вчера беа донираа прочистувачи за воздух во ООУ Крум Тошев Трубарево – Општина Гази Баба, училиште кое се наоѓа во непосредна близина на опожарениот објект, благодарејќи и на отвореноста, брзата реакција и координација со Општина Гази Баба во интерес на добросостојбата на децата и граѓаните, општина со која досега веќе имаме реализирано низа проекти.

Со поставувањето на прочистувачите во ова училиште, ќе може да се овозможи побезбедна средина за учениците, наставниците и сите вработени – со што заеднички се прави важен чекор кон нивното здравје и благосостојба.

“Уште веднаш ја препознавме потребата и веднаш се договоривме да помогнеме. Вообично нашите донации ги реализираме тивко, достоинствено и без јавно експонирање, но овојпат чувствуваме обврска да проговориме – не заради нас, туку заради потребата од колективна свест. Да пратиме апел до целата заедница, секој кој е во можност, на начин кој е соодветен, да даде свој придонес и заеднички да овозможиме враќање на спокојот, нормалното секојдневие и на она што треба да претставува основна грижа на децата – детска радост и соништа. Нивната иднина е одговорност на секој од нас. Опремата која е донирана во училиштето е од врвен германски производител, со hp14 филтер кој е единствен од таков тип на пазарот и како медицински филтер ги исполнува стандардите за чистота на воздухот и во операциони сали. Дишеме заедно со вас и веруваме дека по секој тежок момент доаѓа светол почеток.”- посочија Биљана Мишиќ од Иуте и Ламбро Патче од Екотип. 

“Искажуваме голема благодарност за донацијата, со верба дека учениците ќе се чувствуваат побезбедно за време на наставата во училиштето. Голема благодарност и кон општината Гази Баба и градоначалникот Бобан Стефковски, кои со својата заложба и координација ја овозможија оваа донација во кратко време. Здравјето на децата е на прво место, затоа што децата се нашата иднина”, изјави Александра Димитриевска, директорка на ООУ Крум Тошев.

Иуте и Екотип ќе продолжат да вложуваат во проекти за поддршка на заедницата, а со овој гест уште еднаш се потврдува посветеноста кон најмладите, еднакви можности за нормално детство, како и подобри услови за нивното образование.

На децата од ООУ Крум Тошев им посакуваме среќно и безбедно враќање во училишните клупи.

За нов здив, за нови почетоци, за поубави детски соништа. Заедно и сплотени, секогаш можеме повеќе и подобро.

Слични Теми:

Бизнис

iuteCare нуди помош на пат во државата и во соседните земји

Објавено

пред 4 часа

на

iute Macedonia ја промовира услугата iuteCare, наменета за возачи на кои им е потребна брза помош при непредвидени ситуации на пат.

Како што информираат од компанијата, услугата овозможува помош при дефект на возилото, проблем со гума, акумулатор, изгубени или заклучени клучеви, како и шлепување. Поддршката е достапна во Македонија и во сите соседни земји.

Од iute Macedonia порачуваат дека целта на услугата е возачите да имаат сигурен контакт во моменти кога на патот им е потребна помош, без паника и дополнителна неизвесност.

Услугата iuteCare може да се активира преку апликацијата Myiute, по цена од 1.490 денари годишно

Продолжи со читање

Бизнис

Комерцијална банка ја зголемува кредитната линија за МЗТ Пумпи

Објавено

пред 6 часа

на

Скопскиот производител на пумпи МЗТ Пумпи АД Скопје доби одобрение од акционерите за проширување на постојната кредитна линија со Комерцијална банка АД Скопје.

Според информациите објавени од SeeNews, кредитната линија ќе биде зголемена за 678.600 евра, со што вкупниот износ ќе достигне 4,88 милиони евра.

Со договорот се менува и рокот на кредитната линија. Наместо до 23 септември 2030 година, новиот рок е продолжен до 27 март 2031 година.

Компанијата, како дополнително обезбедување, презела обврска да обезбеди земјишен имот и три бланко меници.

МЗТ Пумпи има револвинг кредитна линија со Комерцијална банка од 2014 година. Почетната вредност на кредитната линија изнесувала 1,15 милиони евра, а во изминатите години таа била зголемувана неколкупати, последно во септември 2025 година.

Акциите на МЗТ Пумпи последен пат се тргувале на Македонската берза на 4 април, по просечна цена од 607 денари.

Продолжи со читање

Бизнис

Oracle отпушти 21.000 вработени за една година, компанијата вели дека причината е воведувањето на вештачка интелигенција

Објавено

пред 2 дена

на

Американскиот технолошки гигант Oracle отпуштил околу 21.000 вработени во изминатите 12 месеци, што претставува намалување од речиси 13 проценти од вкупната работна сила, покажуваат најновите регулаторни документи на компанијата.

Според извештајот, Oracle во мај 2026 година имал 141.000 вработени со полно работно време, додека една година претходно бројката изнесувала 162.000.

Компанијата во поднесокот наведува дека воведувањето и примената на технологии базирани на вештачка интелигенција придонеле за намалување на бројот на работни места и предупредува дека овој тренд може да продолжи и во иднина.

„Усвојувањето и примената на технологии за вештачка интелигенција во нашето работење резултираа, а можат и понатаму да резултираат, со намалување на работната сила“, наведува Oracle.

Во текот на изминатата фискална година компанијата потрошила 1,8 милијарди долари за трошоци поврзани со реструктуирање, вклучително и отпремнини за вработените, што е значително повеќе од 374 милиони долари потрошени една година претходно.

Од Oracle предупредуваат дека ваквите промени можат да предизвикаат намалена продуктивност, недостиг на квалификуван кадар во одредени области, губење на институционално знаење и пад на моралот кај вработените.

Компанијата во март најави нов бран отпуштања додека паралелно инвестира огромни средства во изградба на инфраструктура за вештачка интелигенција. Во јануари Oracle соопшти дека планира да обезбеди 50 милијарди долари преку долг и капитал, додека капиталните инвестиции во последната фискална година пораснале за 162 проценти и достигнале 55,7 милијарди долари.

Oracle е една од повеќето големи технолошки компании кои во последните години ги намалуваат трошоците за работна сила додека агресивно инвестираат во развојот на технологии поврзани со вештачката интелигенција.

Извор: CNBC

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange