Корисниците на премиум дебитната картичка на Стопанска банка АД – Скопје можат бесплатно да користат повеќе од 1.800 деловни зони на аеродроми низ светот.

Картичката нуди и поврат на средства при купување кај избрани луксузни брендови преку програмата Mastercard Travel Rewards, како и плаќање без провизија во трговската мрежа.

Повеќе информации за условите и поволностите се достапни на интернет-страницата на Стопанска банка.

Народната банка на Република Северна Македонија ги советува граѓаните кои планираат да подигнуваат готовина во странство, пред патувањето да ги проверат условите и провизиите на својата банка.

Како што се наведува во соопштението, трошоците за подигнување пари од банкомат на странска банка зависат од договорите меѓу банките, а во одредени случаи услугата може и да не биде достапна.

Од Народната банка посочуваат дека особено внимание треба да се обрне при користење кредитна картичка, бидејќи провизијата за подигнување готовина може да биде повисока.

Граѓаните се повикуваат навреме да ги проверат сите услови и да го изберат најповолниот начин за користење на своите средства во странство, со цел да избегнат непотребни дополнителни трошоци.

Европската централна банка ја повика јавноста да учествува во изборот на новиот изглед на евро-банкнотите, во рамките на процесот за нивен редизајн.

ЕЦБ претстави десет предлог-дизајни, изработени според две теми – „Европска култура“ и „Реки и птици“. Граѓаните можат да ги разгледаат понудените решенија и да го дадат своето мислење преку јавната анкета.

Резултатите од анкетата ќе бидат земени предвид при изборот на конечниот дизајн на новата серија евро-банкноти.

Анкетата ќе биде отворена до 21 септември 2026 година, а повеќе информации се достапни на официјалната интернет-страница на Европската централна банка.