Халкбанк АД Скопје информира дека пензиите за јули од денеска, 30 јули 2026 година, се достапни на сметките на корисниците.

Пензионерите можат да располагаат со средствата во сите филијали на банката, на банкоматите, како и преку електронското и мобилното банкарство.

Корисниците кои претходно дале согласност, пензиите можат да ги подигнат и во поштенските единици на Пошта на Северна Македонија, соопштија од Халкбанк.

Рајфајзен банк интернешнл официјално соопшти дека добила прифаќања за 56,16 отсто од акциите на Адико банка опфатени со понудата, со што го надминала минималниот праг потребен за успешно преземање.

До истекот на рокот на 29 јули во 17 часот, понудата на Рајфајзен била прифатена за вкупно 10.831.435 акции. Прагот за успех беше поставен на повеќе од 55 отсто од акциите опфатени со понудата.

Во оваа бројка се вклучени и 1.878.167 акции во сопственост на српската компанија „Алта груп“, што претставува 9,63 отсто од вкупниот број издадени акции на Адико банка.

Од Рајфајзен нагласија дека објавените податоци сè уште не претставуваат конечен официјален резултат согласно австрискиот Закон за преземање. Поради техничката обработка, дополнително може да бидат евидентирани прифаќања или повлекувања доставени пред истекот на рокот.

Сепак, со надминувањето на прагот од 55 отсто, австриската банка практично ја обезбеди успешноста на понудата и ја надмина конкурентската понуда на Нова Љубљанска банка, иако НЛБ понуди значително повисока цена за акција.

Борбата за преземање на Адико започна во април, кога Рајфајзен ја најави својата намера да понуди 23,05 евра за акција. Формалната понуда беше објавена во мај и изнесуваше 26,50 евра за акција.

НЛБ, пак, најпрво понуди 29 евра, а потоа ја зголеми понудата на 33,50 евра и на крајот на 37 евра за акција. Тоа беше за 10,50 евра, односно 39,6 отсто повеќе од понудата на Рајфајзен.

И покрај повисоката цена и поддршката од повеќе меѓународни институционални инвеститори, НЛБ не успеа да обезбеди доволна поддршка од акционерите за достигнување на минималниот праг.

Клучна за успехот на Рајфајзен беше поддршката од „Алта груп“. Двете компании претходно договорија, по успешното преземање, банките на Адико во Србија, Босна и Херцеговина и Црна Гора да бидат издвоени и продадени на српската компанија.

Рајфајзен планира да ја задржи матичната Адико банк АГ, како и банките во Хрватска и Словенија.

Следува објавување на конечните резултати од понудата и спроведување на потребните регулаторни и административни постапки. Продажбата на банките на „Алта груп“ ќе зависи од одобренијата на надлежните регулатори и од исполнувањето на другите услови.

Рајфајзен претходно процени дека преземањето на матичната Адико банка би можело да биде завршено во четвртиот квартал од 2026 година, додека продажбата на банките во Србија, Босна и Херцеговина и Црна Гора се очекува во втората половина на 2027 година.

Извор: Bankar.me

Клиентите на возраст од 18 до 29 години кои се корисници на Zipp Mastercard Debit World картичката од Комерцијална банка, со секоја трансакција учествуваат во Наградната игра ZIPP & WIN и добиваат можност да станат добитници на електричен MATE велосипед или 30.000 денари на нивната Zipp сметка.

Во периодот до 10 септември 2026 година, секоја трансакција со Zipp картичката направена во земјата со физичка картичка, преку телефон или смарт часовник, носи по една шанса (еден код) за освојување на една од наградите.

Колку повеќе трансакции, толку повеќе шанси за освојување на една од наградите.

Извлекувањето на добитниците ќе се одржи на 14 септември 2026 година.

Сите детали и правилата за Наградната игра се достапни на следниот линк.