Во конкуренција на пет труда стручната комисија го награди истражувачкиот  труд на Кристијан Кожески, асистент на катедра на Економскиот факултет при УКИМ во Скопје.

Трудот разбработува важни сегменти за влијанијата што врз цените на полисите за осигурување имот ги имаат БДП, долгорочните кредити, цените на недвижностите и бројот на издадени дозволи за градење. Оваа награда во вредност од 80.000 денари АСО ја доделува традиционално 14 години по ред, по повод денот на осигурувањето – 1 ноември на кој годинава АСО одбележува и јубилеј 15 години од основањето.

Агенцијата за супервизија на осигурувањето (АСО) додели награда за најдобар истражувачки труд на млад научник на тема од областа на управување со ризици во осигурувањето. Во конкуренција на пет труда од областа на управување со ризици и осигурување стручната комисија годинава наградата ја додели на Кристијан Кожески асистент на катедра на Економскиот факултет при УКИМ во Скопје.

Плакетата за најдобар истражувачки труд на Кожески му ја додели д-р Крсте Шајноски, претседател на Советот на експерти при АСО. За авторот на прворангираниот труд АСО додели награда од 80.000 денари. Оваа награда за стимулација на работата на млади научници истражувачи од областа на управување со ризици во осигурувањето годинава се доделува по 14 пат.

Во своето истражување Кожески утврдува дека макроекономските и финансиските фактори играат значајна улога во одредувањето на премиите за осигурување на имот во Македонија. При тоа трудот насловен „Комплексната интеракција на макроекономските и финансиските детерминанти со премиите за осигурување на имот во Македонија: Динамична краткорочна и долгорочна анализа“ разработува како економскиот раст, цените на недвижнините и дозволите за градба имаат позитивен и значаен ефект, додека долгорочните кредити имаат неочекувано негативно влијание. Авторот исто така укажува на тоа дека овие наоди имаат важни импликации за осигурителните компании и креаторите на економски политики.

Целта на конкурсот што традиционално се распишува е за да послужи како стимулација за развојот на научната мисла и изработка на трудови од областа на управување со ризици и осигурување во Македонија, како и афирмација на млади и стручни кадри.

Под мотото „Солидарноста живот спасува“ крводарители од АСО и од десет осигурителни компании органзираа акција која медицинските лица и претставниците на Црвениот крст ја оценија како многу успешна и една од најмасовните на територија на Град Скопје.

Над 60 единици крв даруваа вработени во АСО и во осигурителните компании во крводарителската акција што по повод Денот на осигурувањето – 1 ноември, за прв пат ја организираше Агенцијата за супервизија на осигурување (АСО).

Медицинскиот персонал на Институт за трасфузиона медицина и на претставниците на Црвениот крст кои ја спроведоа оваа акција ја оценија како исклучително успешна и воедно потенцираа дека е една од најмасовните на територијата на Град Скопје.

Иницијативата на вработените во АСО за дарување крв ја поддржаа и крводарители од осигурителните компании и во неа земаа учество крводарители вработени во „Македонија осигурување ВИГ“, „Еуролинк“, „Кроација осигурување – неживот“, „Сава осигурување“, „Евроинс осигурување“,

„Кроација осигурување – живот“, „Винер Лајф“, „Прва живот“, „Граве“ и „Триглав осигурување – живот“.

Меѓу крводарителите на акција што се одржа вчера во просториите на АСО беа и Крсте Шајноски, претседателот и Злате Симоновски член на Советот на експерти при АСО. Шајноски се заблагодари на сите крводарители за масовниот одзив и истакна дека мотив за оваа акција на АСО бил принципот

на солидарност кој е постулат и водилка на осигурителната дејност. И токму неговото значење го докажале преку масовното дарување крв по повод денот на осигурувањето – 1 ноември.

Во рамки на своите активности по повод Денот на осигурувањето, покрај крводарителската акција, годинава АСО огранизираше едукативни средби со ученици и граѓани, а традиционално додели и награда за најдобар научно-истражувачки труд од областа на ризиците и осигурувањето.

Tриглав Осигурување АД, Скопје заклучно со 30.09.2024 година оствари нето добивка од работењето во износ од 35,4 милиони денари.

Нето приходите од премија за 2024 година изнесуваат 829 милиони денари, кое што претставува зголемување во однос на 2023 година за 1%, односно за 7 милиони денари. Гледано аналитички, причините за растот се:

• Раст на бруто премијата за 121 милиони денари, што делуваше позитивно на нето приходите од премијата;
• Раст на премијата предадена во реосигурување и соосигурување за 46 милиони денари, што делуваше негативно на нето премијата.
• Промената во нето резервите за преносна премија, во споредба со 2023 година, влијаеше негативно за 68 милиони денари.

Приходите од вложувања изнесуваат 49 милиони денари и се за 17% повисоки од 2023 година, генерално поради акумулирањето на средства со повисоки каматни стапки. 90% од овие приходи се однесуваат на камати, а 3% се однесуваат на приходи од наемнини. Останатите приходи од вложувања главно произлегуваат од реализирани добивки при продажба на финансиските вложувања.

Приходи по основ на провизии од реосигурување изнесуваат 88 милиони денари и се повисоки за 18 милиони денари, односно за 26% во однос на 2023 година, во согласност со растот на премија предадена во реосигурување.

Oстанатите осигурителни приходи, заедно со останатите приходи се зголемени за 9% (1,4 милиони денари) поради реализирана добивка од 2,1 милиони денари од продажба на еден недвижен имот.

Во делот на расходите, Друштвото ги оствари следниве резултати:

Нето расходите за штети се во износ од 445 милиони денари и се за 53 милиони денари
(13%) повисоки од минатата година. Гледано аналитички, причините за растот се:

• Раст на бруто ликвидираните штети за 87 милиони денари, што делуваше негативно на нето раходите за штети;
• Раст на бруто ликвидираните штети под реосигурување за 22 милиони денари, што делуваше позитивна на нето расходите за штети;
• Промена во нето резервите за штети во споредба со 2023 година, влијаеше позитивно за 9 милиони денари.

Останатите технички резерви се за 13 милиони денари зголемени поради зголемените резервации за менаџерско осигурување (дел од Класата 1 – Осигурување од незгода).

Трошоците за бонуси и попусти изнесуваат 28 милиони денари и се повисоки за 5 милиони денари во однос на минатата година, во согласност со зголемената премија. Најголем износ на попусти отпаѓа на осигурување на моторни возила (9,3 милиони
денари) и здравствено осигурување (9 милиони денари).

Нето трошоците за спроведување на осигурувањето во деловната 2024 година изнесуваат 373 милиони денари што претставува пад од 1% или 3 милиони денари во
однос на истиот период претходната година. Најголемо влијание за падот имаше
позицијата „трошоци за стекнување“ со пад од 16 милиони денари, генерално поради
позитивните движења во одложените трошоци за стекнување.

Трошоци од вложувања се минимални (износ од 0,4 милиони денари).

Останати осигурително технички трошоци се во износ од 40 милиони денари и ова претставува пад од 12% (5 милиони денари), а најголемо намалување има кај штетите за неосигурени возила од околу 1,8 милион МКД.

Вредносно усогласување на побарувањата е намалено за 3 милиони денари, за разлика од минатата година кога беше забележано намалување на исправката од 10 милиони денари. Кон намалување на исправката придонес имаше уплатата на субвенции за полиси во земјоделието од страна на Агенцијата за финансиска подршка.

Очекувања за претстојниот период

Друштвото очекува умерено макроекономско опкружување во текот на 2024 година, иако неизвесноста предизвикана од геополитичките случувања (руско-украинскиот конфликт, конфликтите во Средниот Исток) како и високото ниво на каматни стапки на глобално ниво, може негативно да влијаат на oчекувањата. И покрај тоа, Триглав Осигурување АД, Скопје во претстојниот период очекува да ја задржи профитабилноста и сигурноста во работењето.

Планираната премија во 2024 година изнесува 1.611 милиони денари, односно раст од околу 4% во однос на 2023 година. Добивката исто така се очекува да се движи во нагорна линија и да достигне 51 милиони денари во 2024 година.

Друштвото ќе ги превземе сите неопходни активности за остварување на зацртаните цели и задачи во рамки на Планот за 2024 година и Стратегијата 2022-2025 година, а притоа ќе биде фокусирано пред сè на дополнителен развој на стратешките осигурителни производи, обезбедувајќи им на клиентите врвна, навремена и доверлива услуга.