НЛБ Банка воведува нова услуга, Visa Direct, дизајнирана да обезбеди брзи, безбедни и поедноставени парични трансфери,со што дополнително се унапредува финансиската флексибилност и секојдневното корисничко искуство на клиентите. Ова современо дигитално решение, достапно преку мобилната апликација NLB Pay, им овозможува на корисниците на платежни картички на НЛБ Банка едноставен трансфер на средства од која било НЛБ платежна картичка, кон сите Visa платежни картички во земјата, како и во над 30 земји во странство.

Со воведувањето на Visa Direct, НЛБ Банка прави значаен чекор кон понатамошна дигитализација на финансиските услуги, нудејќи им на клиентите практично решение за брз пренос на средства во ситуации кога времето, сигурноста и едноставноста се од особено значење.

Со глобална експертиза во движењето на парите, Visa Direct обезбедува поедноставно решение при секојдневите домашни и меѓународни трансфери и управувањето со валути. Услугата дава приоритет на безбедноста, едноставноста и брзината на процесот.

Трансферите се обработуваат во реално време, без разлика дали трансферот се одвива во земјата или во странство, а примателот ги има средствата на својата Visa платежна картичка за помалку од половина час. На тој начин, корисниците добиваат сигурна и ефикасна услуга која одговара на потребите на динамичното секојдневие.

Со оваа услуга, НЛБ Банка уште еднаш ја потврдува својата посветеност на развој на иновативни и достапни решенија што ги следат навиките и потребите на современите клиенти, истовремено обезбедувајќи високо ниво на сигурност и доверба при секоја трансакција.

Повеќе информации за услугата се достапни на веб-страницата на НЛБ Банка, во експозитурите на Банката или во Контакт центарот на 02/15 600.

Halkbank AD Skopje најави привилегии за корисниците на Mastercard World Debit картичката, наменети за полесно и поудобно патување.

Како што информираат од банката, корисниците на картичката добиваат шест бесплатни посети во повеќе од 1.500 Lounge Key аеродромски салони ширум светот, за себе и за својот сопатник.

Покрај тоа, пакетот вклучува и асистенција на пат низ Европа преку Halk Осигурување, како и пристап до мобилната апликација Drive Angel, која нуди поддршка за побезбедно возење, итни повици и помош во случај на несреќа.

Од Халкбанк посочуваат дека со Mastercard World Debit картичката, клиентите добиваат и бесплатно електронско и мобилно банкарство, со цел полесно управување со финансиските трансакции за време на патувањата.

„Повеќе привилегии за патувањата што ги планираш“, порачуваат од банката во промотивната кампања за новата картичка.

Европската банка за обнова и развој соопшти дека го назначила својот долгогодишен извршен директор Гжегож Зјелински за извршен директор за Југоисточна Европа, а функцијата ќе ја преземе од 1 јуни.

Зјелински е долгогодишен кадар на банката и има богато искуство во управувањето со проекти и активности на Европската банка за обнова и развој во регионот.

Назначувањето доаѓа во период кога банката продолжува со инвестициите и финансиската поддршка во земјите од Југоисточна Европа, меѓу кои се Албанија, Босна и Херцеговина, Бугарија, Косово, Северна Македонија, Црна Гора, Романија и Србија.

Веста ја објави регионалниот економски сервис „Си њуз“, кој наведува дека Зјелински официјално ќе стапи на должност на почетокот на следниот месец.

Европската банка за обнова и развој е меѓу најголемите меѓународни инвеститори во регионот и финансира проекти во инфраструктурата, енергетиката, банкарскиот сектор и развојот на приватниот бизнис.