Капитал банка АД Скопје нуди станбени кредити со услови насочени кон полесно решавање на станбеното прашање за граѓаните.

Според информациите, кредитот вклучува фиксна каматна стапка од 3,75 проценти во првите десет години, што овозможува стабилност и предвидливост на месечните обврски. Рокот на отплата може да достигне до 25 години, додека минималното учество за купување ново живеалиште изнесува 10 проценти.

Од банката посочуваат дека понудата е наменета за клиентите кои бараат сигурност и јасни услови при финансирање на својот дом, во услови на променливи пазарни движења.

Дополнителни информации за кредитните услови се достапни во експозитурите на банката и преку нивните контакт канали.

Во индустријата за вештачка интелигенција се појавија информации за нов напреден модел развиен од компанијата „Anthropic“, кој, според интерни проценки, не е јавно објавен поради потенцијални безбедносни ризици.

Министрите за финансии, гувернерите на централните банки и водечките експерти од финансискиот сектор изразија сериозна загриженост поради новиот напреден и исклучително моќен модел на вештачка интелигенција, за кој стравуваат дека би можел да ја загрози безбедноста на глобалните финансиски системи.

Станува збор за модел познат како „Claude Mythos Preview“, за кој се наведува дека има напредни способности за анализа на софтверски системи и откривање на сериозни безбедносни пропусти, вклучително и таканаречените „zero-day“ ранливости.

Според достапните информации, моделот во тест-фази идентификувал повеќе критични слабости во оперативни системи и интернет прелистувачи, а неговите можности опфаќаат и симулација на потенцијални начини на нивна злоупотреба во контролирани услови.

Ова, според експертите, отвора сериозни прашања за иднината на сајбер-безбедноста, бидејќи ваквите системи истовремено можат да се користат и за заштита и за потенцијални напади во дигиталниот простор.

Поради ризиците, „Anthropic“ одлучила моделот да остане во ограничена внатрешна употреба, со пристап само за одредени партнери и големи технолошки компании, меѓу кои се „Amazon“, „Google“ и „Microsoft“.

Канадскиот министер за финансии Франсоа-Филип Шампањ предупреди дека ваквите технологии отвораат ризици поврзани со „непознати непознаници“ и повика на итно зајакнување на глобалните заштитни механизми.

Иако дел од експертите повикуваат на претпазливост, случајот повторно ја отвора дебатата дали вештачката интелигенција ќе биде најсилна алатка за сајбер-заштита или потенцијално најопасна алатка за дигитални напади.

НЛБ Банка воведува промотивна понуда за орочени депозити, креирана со цел да им овозможи на клиентите поволни приноси, но и сигурност и стабилност на нивните средства. 

Понудата нуди атрактивни каматни стапки за депозити во денари и во евра. Притоа, клиентите кои ќе депонираат средства преку мобилната апликација на Банката, НЛБ мКлик, добиваат повисоки каматни стапки, што го прави он-лајн депозитот не само попрофитабилен, туку и најсоодветниот начин за управување со заштедите – во секое време и од кое било место, брзо и безбедно.

Финансиската стабилност отсекогаш била една од најзначајните животни вредности, а изборот каде ќе се чуваат заштедите, една од најважните одлуки на секој поединец.  Па така, ако сè уште размислувате дали и каде да ги орочите вашите пари, сега е вистинско време да ја искористите промотивната понуда на НЛБ Банка за депозити орочени во периодот од 15 април до 15 мај, годинава.

НЛБ Банка нуди он-лајн депозити преку мобилната апликација НЛБ мКлик, и депозити преку експозитурите на Банката, со фиксни каматни стапки за целото времетраење на депозитот.

Онлајн депозитот овозможува повисоки каматни стапки, 3% за штедење во денари и 2,30% за штедење во евра, а исплатата на приносот е на месечно ниво, обезбедувајќи редовен прилив и финансиска флексибилност за клиентите.

Промотивната каматнa стапкa за депозит преку експозитурите на Банката изнесува 2,80% за штедење во денари и 2,20% за штедење во евра, со можност за исплата со рочност, но и на месечно ниво.

Новата понуда на Банката е сигурност која доаѓа во вистинско време, идеално решение за финансиска стабилност и исплатливост на долг рок.

Нудејќи атрактивни промоции, но и широка палета на штедни и инвестициски решенија за управување со личните финансии, НЛБ Банка ја потврдува својата улога на доверлив партнер на граѓаните за управување со нивните финансии.

Повеќе информации за промоцијата, но и останатите штедни и инвестициски продукти се достапни на веб-страница на НЛБ Банка www.nlb.mk, во Контакт центарот на 02/15 600 и во сите експозитури на Банката.