Македонски Телеком продолжува со успешно работење и во третиот квартал на годината. Продолжува трендот на големи инвестиции во развој и модернизација на мрежата, раст во сите сегменти, зголемување на бројот на корисници и фокус на најдоброто корисничко искуство.

Оперативната добивка пред камати, оданочување и амортизација (EBITDA) е зголемена за 6,1 проценти споредено со минатата година, а нето добивката бележи раст од 14,9 проценти. И приходите од продажба на крајот од првите девет месеци од 2025 година се зголемени за 1,6 проценти.

Како резултат на нашата посветеност на креирање и спроведување паметни решенија зголемени се и приходите од системската ИТ интеграција за дури 28,6 проценти.

Инвестиции и ширење на мрежата

Со стратешко инвестирање продолжуваме да ја шириме и модернизираме мрежата и да воведуваме нови технологии. Вкупните капитални инвестиции (CAPEX) на крајот од третиот квартал од 2025 година изнесуваат 1.614 милиони денари, што е зголемување за 44,9% во споредба со истиот период од минатата година.

Нашата 5G мрежа е достапна за 97 проценти од населението во Македонија со гигабитни брзини во речиси сите градови во државата. Со најголемата оптичка инфраструктура покриваме 60,45 проценти од домаќинствата или 361 илјада пристапи до оптика што е речиси двојно повеќе во споредба со сите останати оператори на пазарот заедно и 6,6 проценти повеќе споредено со истиот период од претходната година.

Супериорно корисничко искуство

Според TRI*M индексот за мерење на задоволството на корисниците, ние сме број 1 телекомуникациски бренд во Македонија. Нашата посветеност на супериорно корисничко искуство донесе зголемување на бројот на корисници и лидерство во сите сегменти.

Бројот на корисници на широкопојасен интернет е зголемен за 3,4 проценти и
изнесува 224 илјади, а вкупниот број на интернет пристапи порасна за 3,3 проценти.

Во мобилните комуникации, се бележи благо зголемување на базата на корисници која изнесува 1,3 милиони. Во фиксната телефонија, ја задржуваме водечката позиција со 62,7 проценти. И на ТВ пазарот остануваме на лидерската позиција со удел од 37,4 проценти. Новата генерација дигитална телевизија – MagentaTV е одлично прифатена што донесе и раст од 6,7 проценти или 165,9 илјади корисници.

Со првата дигитална програма за наградување и поволности за корисниците – Magenta Moments, достигнавме 341 000 корисници.

Позитивните резултати и континуираниот раст во сите сегменти се резултат на нашето стратешко инвестирање во најдобрата мрежа и супериорно корисничко искуство.

ПР објава

По повод 31 октомври – Светскиот ден на штедењето, МИНТ Финтек Групацијата ги отвори вратите на своите главни канцеларии во Битола и организираше посета за најмладите, децата од детската градинка „Пролет“.

Во духот на едукацијата и добрите финансиски навики, децата имаа можност да се запознаат со симболиката на штедењето и да научат како преку мали чекори може да се создадат големи навики. Со нивните насмевки и прашања за тоа „како растат парите“, денот доби најубава смисла.

Секое дете доби специјално дизајнирана Mint касичка – со мотиви од вселената и природата – симбол на љубопитност, раст и одговорност. Покрај тоа, децата изработија и цртежи на тема „штедење“ кои останаа изложени во канцелариите на компанијата како потсетник дека најубавите инвестиции се оние во иднината.

„Во Mint Fintech Group веруваме дека финансиската писменост почнува уште од најрана возраст – преку игра, боја и инспирација. Затоа секоја година на овој ден сакаме да им ја приближиме на децата идејата за штедење како нешто убаво, креативно и значајно“, велат од компанијата.

Настанот беше организиран во соработка со воспитувачите од ЈОУДГ „Естерија О. Мара“ – објект „Пролет“, а ќе продолжи и утре во знак на Денот на осигурувањето, со нови активности посветени на безбедноста и довербата.

Mint Fintech Group продолжува да вложува во развојот на финансиската едукација и општествената одговорност, градејќи култура на штедење и доверба меѓу најмладите генерации.

ПР објава

Финансиската индустрија минува низ најголемата трансформација досега. Дигитализацијата веќе не е избор, туку нужност. Но, во свет каде сè станува автоматизирано, вистинската битка не се води за технологија, туку за доверба.

„Иднината на финансискиот сектор ја гледам во комбинација од дигитализација, персонализирани услуги и ESG стандарди,“ вели Горан Арсов, ко-сопственик на Flex Group, компанија што веќе неколку години се издвојува како пример за тоа како технологијата може да ја засили, а не да ја замени човечката врска.

Кога финтек станува фер-тек

Клиентите денес бараат сè: брзина, сигурност, флексибилност, но и чувство дека компаниите со кои соработуваат делат исти вредности. Flex Group токму таму ја гледа својата предност. „Подготвуваме нови дигитални алатки кои ќе овозможат полесно управување со кредити, целосна транспарентност и мобилни услуги за брзо плаќање,“ вели Арсов.

Платформата Flex Pay веќе е конкретен пример за финтек решенија што носат вистинска вредност за клиентите. Со неа, дигиталните трансакции стануваат побрзи, поедноставни и побезбедни, но не и безлични. „Автоматизацијата никогаш не смее целосно да ги исклучи разбирањето и поддршката што произлегуваат од контакт со човек,“ додава Арсов.

Регулација, транспарентност и фер конкуренција

Според него, пазарот сè повеќе се прочистува од краткорочни играчи без визија, додека институциите создаваат фер услови за оние што градат доверба. „Веќе се донесени редица мерки и правилници со чија примена сериозните компании добиваат простор да растат, а несериозните постепено исчезнуваат од пазарот,“ истакнува тој.

Иднината: технологија со човечко лице

Flex Group го докажува токму тоа — дека модерното и одговорното можат да одат рака под рака. „Верувам дека комбинацијата од технологија, персонализација и одговорност ќе стане нов стандард,“ заклучува Арсов. „Нашата обврска е постојано да бидеме чекор пред времето и да покажеме дека финансиските услуги можат да бидат и модерни, и фер, и општествено одговорни.“

Овој текст е изработен од Флекс Груп. Сите изнесени мислења и информации се соопштени од страна на нарачателот.