Кристијан Василевски, раководителот на Експозитурата Ѓорче Петров во НЛБ Банка АД Скопје е пример за успешен баланс меѓу професионалниот и спортскиот живот. Со девет години работно искуство во банкарството, неговата посветеност, професионалност и лидерски способности секојдневно се одразуваат во резултатите што ги постигнува со својот тим.

Освен во банкарството, Кристијан е активен и на спортската сцена. Од најмали години се занимава со ракомет, настапувајќи за клубовите Бутел Скопје, Вардар, Тинекс Пролет, Работнички и Преспа. Како дел од РК Бутел Скопје, тој настапи и на европската сцена во EHF Cup во сезоната 2019/20 и EHF European League во сезоните 2020/21 и 2022/23..

Во спортот, Кристијан се истакнува како пивот и централна точка во одбраната, потврдувајќи ја дисциплината, посветеноста и високите стандарди што ги применува и во професионалниот живот. Меѓу неговите најзначајни успеси се: шампионската титула во младинска категорија со РК Вардар, седум настапи за младинската репрезентација на Македонија, како и изборот за најдобар ракометар на четвртото коло во Супер машката лига 2021, кога се најде пред големи имиња од светската ракометна сцена.

Кристијан е лиценциран ракометен тренер со трета категорија, со искуство како тренер на пионерската екипа и помошник тренер во првиот тим на РК Бутел. Неговиот следен професионален предизвик е да се стекне со реномираната европска лиценца Master Coach.

Од НЛБ Банка го истакнуваат како пример за професионалец кој успешно ги спојува дисциплината и тимската работа, како во спортот, така и во професионалниот живот, инспирирајќи ги своите колеги и младите спортски таленти.

НЛБ Банка АД Скопје го проширува својот тим и ја отвора следната работна позиција за амбициозни и мотивирани професионалци:

Банкарски советник
(Експозитура Кичево)

Работни цели:

• Промовирање, понуда и продажба на банкарски продукти и услуги;
• Континуирана грижа за клиентите и постојано унапредување на продажните процеси;
• Проактивно привлекување нови клиенти и збогатување на клиентската мрежа на Банкатa;
• Спроведување на благајнички и менувачки работи, платен промет, банкомaтско работење, картички, кредитирање;

Потребни квалификации и компетенции:

• Универзитетско образование или студенти на додипломски/ постдипломскки студии;
• Претходно банкарско искуство, или работа со клиенти ќе се смета за предност;
• Развиени комуникациски и продажни вештини, желба и ориентираност за работа со клиенти;
• Агилност, организираност и проактивност во градење добра тимска атмосфера;
• Познавање на основни ИТ алатки, познавање на англиски јазик.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој; менторство од врвни банкарски експерти;
• Позитивна организациска култура и слободни денови за различни пригоди, вклучително и ден за роденден;
• Конкурентен пакет на плата и надоместоци (вклучително приватно здравствено осигурување, трет пензиски фонд)
• Политика за наградување на високи перформанси и позитивен придонес кон тимот и организацијата
• Настани и активности за подобрување на благосостојбата на вработените
• Одбележување на значајни денови и фамилијарни настани
• Платено отсуство за татковство.

Заинтересираните кандидати своите кратки биографии можат да ги достават на: [email protected], најдоцна до 31.01.2026 година.

Само кандидатите кои ги исполнуваат основните критериуми ќе бидат контактирани за интервју.

Заради проширување на тимот, Капитал Банка АД Скопје има потреба од ангажирање на едно лице за позицијата:

Eксперт за картички и ATM

Што може да очекувате:

• Вклученост во процес на дигитализација и трансформација на процесите
• Работа во средина со високи етички вредности, доверба и можност на раст и развој
• Флексибилно работно време
• Поддршка за личен и професионален развој, преку едукација и обука
• Организација која поттикнува соработка во посветен тим, самостојна работа и фер однос кон сите
• Средина во која секој придонесува за успех,а резлутатите се мерливи видливи и препознаени

Главни задачи и одговорности:

Главни задачи:

• Учество во секојдневното оперативно работење поврзано со издавање, администрирање и одржување на платежни картички (дебитни, кредитни и припејд картички).
• Следење и обработка на трансакции извршени преку АТМ-и и ПОС терминали, како и идентификација и евидентирање на неправилности и отстапувања.
• Административна поддршка во процесите на инсталација, конфигурација и одржување на АТМ-и и ПОС терминали во соработка со интерни сектори и надворешни добавувачи.
• Обработка на рекламации и приговори од клиенти поврзани со картично работење, АТМ и ПОС трансакции, согласно интерни процедури и законска регулатива.
• Следење на усогласеноста на картичното работење со правилата на меѓународни картични шеми, интерни политики и безбедносни стандарди.
• Учество во подготовка на извештаи, анализи и статистички податоци поврзани со користење на платежни картички, АТМ и ПОС мрежата.
• Комуникација и координација со други организациски единици (ИТ, ризик, усогласеност, продажба) со цел навремено и квалитетно извршување на работните задачи.
• Учество во имплементација на нови производи, услуги и подобрувања во доменот на картично работење и електронски плаќања.
• Следење на новини и трендови во областа на електронски и безготовински плаќања и предлагање мерки за унапредување на процесите.
• Почитување на прописите за заштита на лични податоци, безбедност на информациските системи и доверливост на податоците.
• Активно учество во проекти поврзани со процесор, картични шеми и надворешни компании поврзани со картично работење.

Одговорности:

• Точно и навремено извршување на доверените работни задачи.
• Одржување високо ниво на професионалност и соработка со клиенти и колеги.
• Почитување на интерните акти, процедури и законските прописи.

Квалификации:

• Високо образование од областа на економија, финансии
• Минимум 2 години релевантно работно искуство
• Искуство во банкарски или финансиски институции ќе се смета за значајна предност
• Напредно познавање на MS Excel и други алатки
• Познавање на јазици   – Напредно Англиски јазик
• Одлични организациски вештини, со фокус на планирање, рокови и квалитет
• Одлични комуникациски  вештини
• Високо ниво на професионален интегритет, одговорност и доверливост.

Банката нуди:

• Динамична и пријатна работна средина;
• Можност за професионален и личен развој;
• Обука и континуирано стручно усовршување;
• Работење во мал, експертски тим, со реално влијание врз клиентското искуство.

Доколку сакате да бидете дел од тимот на Капитал Банка АД Скопје, испратете ја вашата биографија на: [email protected].

Задолжително да се наведе за која позиција се аплицира.

Вашето резиме ќе биде внесено во базата на податоци и ќе биде земено предвид во процесот на селекција. Ќе бидат контактирани само кандидатите со уредни и навремени апликации кои ги исполнуваат условите од огласот.

Изборот на кандидатите ќе се изврши во рок од 10 дена по завршување на огласот, во зависност од бројот на пријави.

Апликацијата ќе биде третирана како доверлива. Со доставување на апликацијата, кандидатот дава согласност неговите лични податоци да се користат исклучиво за потребите на процесот на селекција, во согласност со Законот за заштита на лични податоци.

Повеќе информации можете да најдете во Политиката за приватност на веб-страницата на Банката.