Најголемата и најпознатата светска криптовалута Биткоин постигна рекордна вредност од 93.480 долари – пораст од 32% по изборите во САД на 5 ноември на кои победи Доналд Трамп. Растот е поддржан од победата на Доналд Трамп, кој во својата кампања вети дека САД ќе станат глобален центар за криптовалути и дека ќе се инвестира во национални резерви на биткоин.

Биткоинот во средата ја достигна својата највисока вредност од 93.480 долари, но потоа минимално ја намали својата вредност на околу 90.000 американски долари. Во моментов биткоинот се тргува по цена од 90.700 долари за еден биткоин.

Покрај биткоинот, и другите криптовалути бележат значителен пораст на вредноста, етериум порасна за 37%, додека доџ-коинот, поддржан од Илон Маск, кој беше најголем поддржувач на Трамп во кампањата забележа раст од над 150%.

„Клучни области што треба да ги следиме се можните регулаторни промени, зголеменото институционално инвестирање и активности како национална резерва на биткоин и развојот на копање биткоини“, изјави Карл Сантир, управен партнер на „Blockstone Capital“.

Крипто-инвеститорите се надеваат на олеснување на регулативите под претседателство на Трамп, а новиот крипто-бизнис на Трамп, „World Liberty Financial“, може дополнително да ја зајакне крипто-индустријата во САД.

„Многу луѓе веруваат дека неизбежно ќе дојдеме до биткоин со цена од 100 илјади долари“, рече Џеј Џеј Кинахан, извршен директор на ИГ Северна Америка и претседател на брокерството за малопродажба на „Tastytrade“. „Очекувам биткоинот да продолжи да гради импулс, барем до инаугурацијата кога ќе дознаеме кои се вистинските планови да се стигне до таму“, додаде тој.

Цената на биткоинот се искачи над нивото од 79.000 долари за прв пат во една недела во текот на која достигна неколку нови највисоки нивоа откако Доналд Трамп беше избран за нов претседател на САД.

На 10 ноември, најпознатата криптовалута Биткоин (BTC) достигна историски ново највисоко ниво од 79.700 американски долари на берзата за криптовалути „Coinbase“. Иако, интерсеот за криптовалутите и пред се биткоинот расте од ден на ден, сепак, трговците предупредија да не прават никакви импулсивни потези сè уште.

Растот на Биткоин и постигнувањето на новото највисоко ниво може да се припише на неколку фактори:

1. Политички фактори: Изборот на Доналд Трамп за претседател на САД може да ја поттикне побарувачката за криптовалути, како за заштита од инфлација или геополитичка несигурност. Сепак, во случај на нејасност во политиката, криптовалутите често се сметаат за “безбедно прибежиште”.
2. Институционален интерес и растечка прифатеност: Се чини дека интересот на институционалните инвеститори за криптовалутите расте, што влијае на зголемената потрошувачка и поскапувањето на цената.
3. Поддршка од крипто-аналитичарите: Многу експерти го гледаат ова како можност за долгорочни инвестиции, што ја потврдува стратегијата „HODL“ (задржи и не продавај), особено за оние кои веруваат во потенцијалот на криптовалутите во иднина.

Криптоаналитичарот Тур Деместер во објава на социјалната мрежа „X“ напиша дека „не е потребна непромислена акција, HODL ја врши работата за вас“. Тој понатаму изјави:

„79 илјади долари Биткоин, нов ATH. Постојано луѓе, ова е само почеток. Ова е време да се биде во право и да седите цврсто“, објави Деместер на „X“.

Популарниот крипто аналитичар „Invest Answers“ им напиша на своите 227.400 Х следбеници: „Полетуваме“, откако Биткоинот ја проби цената од 79.000 долари.

Најпознатата криптовалута во светот, биткоинот достигна ново историски највисоко ниво во средата, по победата на новоизбраниот претседател Доналд Трамп во претседателската трка во САД. Во текот на ноќта, криптовалутата забележа голем пораст, со зголемен обем на тргување (145 проценти за 24 часа), што се припишува на оптимизмот што инвеститорите го чувствуваат по победата на Трамп, како и на неговото постојано залагање за пофлексибилни регулативи за криптовалутите.

Инвеститорите изгледа ги процениле шансите за поповолна регулаторна клима под претседателство на Трамп, кој изрази поддршка за крипто-секторот на големата конференција за криптовалути во Нешвил и ветуваше да ја направи Америка „крипто центар на светот“, а биткоинот да биде „суперсила“. Неговата администрација се очекува да ги регулира правилата за крипто индустријата, што, според аналитичарите, би можело да ја поттикне дополнителната експанзија на пазарот на криптовалути.

„Со победата на Трамп на претседателските избори, не очекуваме толку многу регулаторни и законодавни главоболки“, вели Адам Блумберг, ко-основач на „Interaxis“, фирма која обезбедува едукација за криптовалути и блокчејн за финансиски советници.

Секако, ова може да се објасни со два аспекта: Прво, Трамп во 2024 година се позиционираше како про-крипто кандидат, а второ, дека победата на Трамп значи помалку регулаторни бариери и помала веројатност за агресивни мерки против крипто-индустријата. Доколку неговата администрација навистина го намали регулирањето на криптовалутите, тоа би можело да поттикне уште поголем раст во индустријата, и во самите цени на криптовалутите, како што е случај со биткоинот.

Новоизбраниот претседател веќе вети дека ќе го отпушти претседателот на Комисијата за хартии од вредност (SEC) Гери Генслер, кој ги предводеше напорите на американската влада за регулирање на крипто индустријата.

Дури и републиканскиот национален комитет вклучи криптовалута во својата официјална партиска платформа пред изборите, тврдејќи дека Трамп ќе го брани правото на рударање на криптовалути и да се погрижи секој Американец да има право на сопствено чување на нивните дигитални средства и да врши трансакции без надзор и конрола од владата.

Ако републиканците ја преземат контролата врз Конгресот на САД како што имаат со Сенатот, донесувањето крипто-пријателски закони станува поверојатно.

„Можеме да претпоставиме дека усвојувањето на крипто-пријателски закони за крипто и стабилни коини во наредните 12 месеци ќе се одвива забрзано“, вели Адам Блумберг.

Лидерите во крипто индустријата се појавија на социјалните мрежи за да ја прослават веста.

„Вечерва крипто-гласачот зборуваше одлучно – преку партиските линии и во клучните трки низ целата земја“, напиша Брајан Армстронг, извршен директор на „Coinbase“, една од најголемите берзи за криптовалути во светот, на социјалната мрежа „X“. „Со нетрпение очекуваме да работиме со новиот Конгрес“, додаде тој.