За непречено и безбедно да продолжите со користење Интернет банка на Комерцијална банка АД Скопје, потребно е во најкус можен рок да ја активирате бесплатната дигитална алатка мТокен на Вашиот мобилен уред преку мобилната апликација мБанка.

Заради усогласување со новата регулатива донесена од Народната банка, која ќе се применува од 01.10.2024 година и важи за сите банки во РСМ, со цел подобра заштита на клиентите, воведуваме метод на засилена автентикација. Овој метод ќе Ви овозможи да ја користите Интернет банка со дополнителни безбедносни мерки.

“За непречено и безбедно да користите Интернет банка, Ве информираме дека е потребно во најкус можен рок да ја активирате бесплатната дигитална алатка мТокен на Вашиот мобилен уред преку мобилната апликација мБанка.” – велат од Комерцијална банка.

Со мТокен лесно и безбедно ќе вршите потврда на својот идентитет, како и финансиски и нефинансиски трансакции преку Интернет банка.

Детални информации за преземање и активирање мТокен може да прочитате на следниот линк.

ПроКредит Банка, во соработка со Европската банка за обнова и развој (ЕБОР), ја проширува својата програма за поддршка на енергетски ефикасни инвестиции преку новата GEFF (Green Economy Financing Facility) кредитна линија во вредност од 4 милиони евра. Оваа иницијатива претставува продолжување на заложбите на банката за промоција на зелени технологии и одржлив развој.

Со новата кредитна линија за поддршка на зелената економија, домаќинствата имаат можност да добијат грант до 20% од вредноста на доделениот кредит за инвестиции во зелени технологии, како што се соларни панели, котли, топлински пумпи, прозорци и изолација.

„Оваа есен, со гордост ја продолжуваме нашата успешна соработка со ЕБОР, поддржувајќи ги домаќинствата кои се стремат кон енергетска ефикасност и зголемување на енергетската независност. Преку новиот договор со ЕБОР и програмата GEFF, нудиме кредити за инвестиции во фотоволтаици, системи за ладење и греење, топлински пумпи, прозорци, врати, како и внатрешна и надворешна изолација. Грантот до 20% од вредноста на кредитот го олеснува пристапот до инвестиции во зелени технологии кои истовремено носат долготочни финансиски бенефити за домаќинствата кои штедат на трошоци за електрична енергија.“, изјави Милан Дамчевски, Член на Управен Одбор на ПроКредит Банка.

„Ни претставува задоволство што продолжуваме да работиме со ПроКредит Банка и што гледаме дека поволно финансирање ќе биде достапно преку ГЕФФ Програмата за домаќинствата во Северна Македонија, за инвестиции во мерки за енергетска ефикасност. Овие инвестиции ќе им овозможат на домаќинствата да ја подобрат удобноста на домовите, и да ги намалат сметките за електрична енергија“, изјави Фатих Туркменоглу, Претставник на ЕБОР за Северна Македонија.

Повеќе информации за новата GEFF кредитна линија на ПроКредит банка може да најдете следниот линк.

Дали знаевте дека постои сигурен, ефикасен и брз начин на плаќање со Mastercard Contactless (бесконтактна) кредитна картичка на Халкбанк?
Со оваа картичка, не е неопходно користење на готовина, доволно e да ја доближите картичката до ПОС терминалот и трансакцијата е завршена.

Халкбанк им овозможува на клиентите кои ќе аплицираат за Mastercard Contactless кредитна картичка и ќе направат трансакција на ПОС терминал или онлајн, да добијат дигитален ваучер од Giftcards.mk во износ од 1.200 денари. Понудата важи за првите 500 корисници што ќе ги исполнат условите.

Клиентите кои ги исполниле условите за добивање на вредносен ваучер, на елекстронската адреса која ја имаат оставено за контакт, ќе добијат линк и порака со упатство за користење на дигиталниот ваучер. По избирање на ваучер за еден од понудените трговци, ќе добијат баркод кој потоа може да се реализира во продажните места со прикажување на истиот преку телефон или друг уред.

Плаќањето со оваа картичка се врши без ПИН авторизација или потпис до лимит од 2.000,00 мкд, одреден од Банката, или до лимитот за бесконтактни трансакции поставен на ПОС терминалот.

Mastercard Contactless кредитните картички немаат ограничување на лимитот во број на плати, а минималниот долг за плаќање изнесува 5%. Корисникот на оваа картичка добива и можност за плаќање до 60 рати без камата кај над 800 партнери на банката.

За корисникот на картичката, Mastercard Contactless кредитната картичка овозможува 10% пониски цени при купување на полиси за доброволно осигурување од Халк Осигурување.

Картичката е меѓународна, поддржува интернет плаќања без провизија за трансакции на домашни и странски интернет страни и за истите добивате мејл известување за секоја направена трансакција.

Сите заинтересирани можат веднаш да аплицираат преку достава на апликација во најблиската филијала/експозитура или преку онлајн апликација, а има можност и за онлајн аплицирање преку електронско банкарство или мобилната апликација. Картичките издадени од Халкбанк А.Д. Скопје ги поседуваат највисоките стандарди за безбедност во интернет плаќањата (3D Secure – Verified by Visa – VbV и MC Secure Code).