КБ Прво пензиско друштво го доби престижното признание за „Најдобро пасивно управување со инвестиции“ на престижната церемонија на Европските награди за пензиски фондови, која се одржа на 03.12.2024 година во Прага, организирана од IPE (Investment & Pensions Europe).

“Ова признание го одразува нашиот ангажман за мудро и иновативно управување со инвестициите, кое истовремено обезбедува финансиска сигурност за нашите членови и е во согласност со глобалните стандарди за одржливост.” – велат од Друштвото.

„Внимателна имплементација на стратегијата за пасивни инвестиции заедно со силната инкорпорација на ESG, користејќи го пристапот на таргетирање“ – гласи изјавата на судиите, со посебно потенцирање на:

• Висок раст во фазата на акумулација, приспособен за релативно млада структура на членови
• Зголемување на ESG рејтинот за 20% кај инвестициите во странски ETFи, истовремено со поголем принос
• Одржливост и иновации преку инвестиции во ETFи кои се фокусираат на вештачка интелигенција

“Оваа награда не е само доказ за посветеноста и стручноста на нашиот тим – тоа е исто така признание за растечката сила на пензискиот систем на нашата земја на европската сцена.

Изразуваме срдечна благодарност до нашите посветени вработени и лојални членови што го овозможија ова достигнување. Благодарение на нив, оваа награда е не само наш успех, туку и гордост за пензискиот систем во нашата земја.

Заедно, градиме иднина на безбедност, одржливост и иновации. Заедно градиме иднина, денес.” – додаваат од КБ Прво.

Дознајте повеќе за наградата на веб-страницата на IPE.

IPE (Investment & Pensions Europe) е водечка европска публикација за институционални инвеститори и пензиски фондови чии податоци и информации ја даваат најавторитетната слика за пензиските средства ширум континентот.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/32 24 229

Вчера, на 5 ноември, со отмен настан во хотелот DoubleTree by Hilton во Скопје, НЛБ Фондови успешно го прослави своето ребрендирање од Generali Investments во НЛБ Фондови АД Скопје и приклучувајќи се како нов член на НЛБ Групацијата и како дел од семејството на друштвото за управување NLB Skladi. Овој значаен момент беше прославен со пријатна атмосфера и бројни гости, кои имаа прилика да присуствуваат на настанот и да се запознаат со новите можности што ова ребрендирање ги носи.

До присутните се обратија извршниот директор на НЛБ Фондови, м-р Лазе Камчев, и претседателот на Управниот одбор на НЛБ Фондови АД Скопје, Лука Подлогар. Нивните говори беа посветени на растот и успешноста на НЛБ Склади како лидер на словенечкиот пазар и на важноста на новата фаза во развојот на НЛБ Фондови, која ќе донесе уште поголема поддршка за клиентите и нови можности на македонскиот пазар.

„Ова преименување претставува значаен чекор кон зајакнување на нашата позиција на пазарот. Како НЛБ Фондови Скопје, ќе продолжиме да обезбедуваме врвни услуги за управување со средства, потпирајќи се на богатото искуство и експертиза на нашиот тим. Наша цел е да им понудиме на клиентите, иновативни и инвестициски производи кои одговараат на нивните финансиски потреби и цели“, истакна по повод ребрендирањето на компанијата, Лазе Камчев, Главниот извршен директор на НЛБ Фондови Скопје.

Новиот сопственик на компанијата, NLB Skladi, управување со средства, д.о.о. започна со работа на 1 јануари 2004 година. Таа е во 100% сопственост на Нова Љубљанска банка д.д. Љубљана. Денес, NLB Skladi е најголемата компанија за управување со фондови во Словенија, како и најголема компанија за управување со средства според вкупните средства под управување. Долги години компанијата ја одржува својата водечка позиција на пазарот на инвестициски фондови (40,2% пазарен удел на последниот ден од септември) и постојано остварува најголем удел од приливите, а воедно е и компанија на која и веруваат голем број Словенци.

„Сега и официјално започнува нова приказна и ново поглавје за нашата компанија, обединувајќи два тима со заеднички вредности и длабока посветеност на финансискиот успех на нашите клиенти. Нашата експертиза и иновативен пристап ќе ни овозможат да испорачаме врвна услуга, да создадеме трајна вредност за нашите инвеститори и да им помогнеме да ги остварат своите финансиски цели“, изјави Лука Подлогар на настанот по повод ребрендирањето.

Со ова ребрендирање, НЛБ Фондови добива поддршка од регионален финансиски гигант, што ќе ја зголеми нивната конкурентност и ќе им овозможи уште повеќе можности за своите клиенти.

НЛБ Фондови АД Скопје е третото по големина друштво за управување со инвестициски фондови на македонскиот пазар, со пазарен удел од 18%. Компанијата управува со приближно 48 милиони евра средства на своите клиенти, преку четири различни инвестициски фондови, вклучувајќи два акциски, еден паричен и еден комбиниран фонд. Ова ребрендирање не само што ја зајакнува позицијата на НЛБ Фондови на македонскиот пазар, туку и ја отвора вратата за нови можности во регионот и за дополнителен раст на инвестициите.

Со новото име и поддршка од НЛБ Групацијата, НЛБ Фондови имаат цел да продолжат со понудата на висококвалитетни инвестицииски решенија кои ќе ги задоволат потребите на различните категории инвеститори и ќе го продолжат трендот на успех и доверба што компанијата го ужива на македонскиот пазар.

Кампањата „Засади желба за одржлива иднина“ ја продолжува својата влијателна мисија со денешната посета на Правниот факултет во Скопје, каде трите пензиски друштва Сава пензиско друштво АД Скопје, КБ Прво пензиско друштво АД Скопје и Триглав пензиско друштво АД Скопје ги здружија силите со студентите за да го засадат тринаесеттиот пензиски парк.

Оваа иницијатива е дел од четвртата фаза на кампањата, која покрај создавањето нови зелени површини, на студентите им обезбедува и основна финансиска едукација. Преку дигитални и директни активности, кампањата ги нагласува придобивките од учеството во задолжителните и доброволните пензиски фондови на Македонија, опремувајќи ги младите со знаењето што им е потребно за да ја обезбедат својата финансиска иднина.

На денешниот настан, пензиските друштва споделија информации за тоа како градењето силни навики за штедење и правењето мудри финансиски избори може да доведат до постабилна иднина. Тие ги поврзаа овие концепти со поширокиот контекст на правното образование, каде стратешкото долгорочно планирање е основно за успех и во личните финансии и во професионалниот живот.

Тие нагласија дека новозасадените дрвја се наменети не само да го збогатат дворот на кампусот, туку и да послужат како моќен симбол на растот. Како и дрвјата, финансиската благосостојба бара негување, а одлуките донесени денес ќе влијаат на можностите на утрешниот ден.

„Ретко која активност е така благородна и има такво симболично, а од друга страна и реално влијание на околината како едноставното садење и на само едно дрвце.

Слично на ова, едноставната одлука да станете дел од некој пензиски фонд, да одвојувате на почеток и симболични износи, на долг рок значајно ќе влијае на вашата подобра иднина исто како што тоа ќе го направи и ова дрвце кога за 30-40 години ќе биде во својата полна сила и убавина.

Меѓутоа, за да дојдеме до тој момент, мора да се грижиме за тоа дрвце, да го одржуваме и чуваме, за да ја постигне својата вистинската големина и ефект на околината. Исто така, низ годините и вие ќе треба да се грижите за вашата пензиска заштеда, постепено да ја градите, секако заедно со стручните тимови на пензиските друштва.

Една позната изрека од финансискиот свет вели: Финансискиот мир не е стекнување работи. Тоа е учење да живеете со помалку отколку што заработувате, за да можете да вратите пари и да имате пари за инвестирање. Не можете да победите додека не го направите ова, вели Дејв Ремзи. Почнете навреме да живеете со помалку од што заработувате, одвојте дел од тоа за идната пензиска заштеда, а другиот дел инвестирајте го во други финансиски продукти, за да си обезбедите поубав живот и помирна старост“ – изјави д-р Петар Талески – Член на Управен одбор на Сава пензиско друштво АД Скопје, кој се обрати пред присутните од името на трите пензиски друштва. 

За време на настанот, проф. д-р Сашо Георгиевски, декан на Правниот факултет, ги сподели своите размислувања, нагласувајќи ја важноста од финансиската писменост за студентите.

„Ова е една од моите најубави задачи како декан, бидејќи се работи за една навистина прекрасна и благородна кампања поттикната од трите пензиски друштва, со поддршка од Агенцијата за супервизија на капитално финансирано пензиско осигурување МАПАС. Кампања која дури и во својот назив има симболика – Засади желба, а животот го водат токму желбите и амбицијата. Тие се силите што нѐ тераат да почнеме од некаде, знаејќи каде одиме за да ги постигнеме целите кои сме ги зацртале. Во овој случај наша цел е да ја унапредиме животната средина, за да го збогатиме нашето живеење, нашето работење, практично целата атмосфера во која функционираме“ – истакна професорот Георгиевски.

По кратката едукација, студентите и претставниците од пензиските друштва заеднички го засадија Пензискиот парк, што претставува симболичен чекор кон поодржлива и финансиски посигурна иднина за студентите.

Сите информации и активности поврзани со кампањата „Засади желба за одржлива иднина“ се достапни на веб страницата www.penzija.mk