По повод Денот на пензионерите, 20 септември, НЛБ Банка Скопје ја продолжи поддршката за пензионерската заедница преку учество на настан организиран во Сојузот на здруженијата на пензионери на Македонија.

Во рамки на неодамна потпишаниот Меморандум за соработка со СЗПМ, Банката обезбеди донација за 25 здруженија на пензионери низ земјата. Донацијата опфаќа друштвени и спортски реквизити наменети за заеднички активности, дружење и поквалитетно поминување на времето во пензионерските клубови.

Покрај донацијата, претставници на НЛБ Банка преку разговори и практични совети ги запознаа присутните со можностите што ги нуди Сребрениот пакет, наменет за пензионерите, како и со начините за побезбедно и поедноставно користење на дигиталните банкарски услуги.

Од Банката посочуваат дека финансиската едукација, довербата и достапноста до услугите се важен дел од поголемата сигурност и самостојност на повозрасните граѓани во секојдневието.

Со оваа активност, НЛБ Банка ја продолжува соработката со пензионерската заедница и поддршката на иницијативи насочени кон поактивно, поинформирано и поквалитетно секојдневие на лицата од третото доба.

Од АЛТА банка посочуваат дека партнерството со еден од најпознатите македонски кошаркарски клубови е дел од нивната заложба за поддршка на спортот и вредностите што тој ги промовира.

„Со задоволство ја започнуваме нашата спонзорска соработка со КК МЗТ Скопје Аеродром – клуб со голема традиција, силен идентитет и значајно место во македонската кошарка“, наведуваат од банката.

Оттаму додаваат дека поддршката на спортот ја гледаат како поддршка на посветеноста, тимскиот дух, дисциплината и стремежот кон подобри резултати.

Целта, како што истакнуваат од АЛТА банка, е партнерството да биде повеќе од класично спонзорство и да создава дополнителна вредност за клубот, навивачите, клиентите на банката и пошироката заедница.

„Со заедничка енергија – кон нови успеси“, порачуваат од АЛТА банка по повод почетокот на соработката со МЗТ Скопје Аеродром.

Словенечката банкарска групација Нова Љубљанска Банка (НЛБ) соопшти дека склучила договор за купопродажба на акции со локалниот финансиски холдинг KD Group, со кој ќе стекне дополнителни 29,38% од дематеријализираните акции на Дежелна банка Словенија (DBS).

Со реализацијата на трансакцијата, уделот на НЛБ во DBS ќе се зголеми на околу 55%, со што НЛБ ќе стане мнозински сопственик на банката.