Connect with us

Банки

Подгответе се за вселување: Станбен кредит од Халкбанк за дом од соништата

Објавено

на

Вселувањето во нов дом е возбудливо поглавје во сечиј живот, но може да биде и застрашувачко искуство, доколку не биде испланиран секој детал од селидбата. Токму затоа, од суштинско значење е да им се даде приоритет на најважните и неопходните задачи за да си го олесните процесот на преселување и да обезбедите непречено и удобно сместување во вашиот нов дом од соништата. Имајте на ум дека преселбата треба да ја правите постепено, односно да не чекате се до последниот ден, бидејќи подготовката и доброто планирање ќе ви помогнат да си го распределите времето на многу порелаксиран начин.

Подредете ги вашите работи и расчистете ги пред да се пакувате. Донирајте или отфрлете ги предметите што повеќе не ви се потребни за да ги намалите трошоците во текот на селидбата и нередот во вашиот нов дом. Приоритет на распакување треба да им се даде на основните предмети како што се прибор, постелнина, тоалетен прибор и неколку промени на облеката. Ова ќе ви помогне да се чувствувате удобно и уште од самиот почеток како дома. Покрај тоа, доколку е можно закажете детално чистење на станот пред да се вселите, за да обезбедите свеж и хигиенски простор за живеење.

Домот од соништата може да стане реалност и секој може да го добие своето идеално место за живеење со лесно достапен и атрактивен станбен кредит. За да одговори на зголемените барања на граѓаните за обезбедување сопствен дом или паметно вложување на своите средства, Халкбанк нуди соодветен производ – Станбен кредит со животно осигурување што нуди поволни услови за клиентите – фиксна каматна стапка од 3,5% за првите 5 години или 3,85% фиксна каматна стапка за првите 10 години.

Кредитот може да се искористи за купување на стан, купување на куќа, викендичка и купување на деловен простор како и рефинансирање на кредитните изложености на клиентите во други банки по основ на станбен кредит. Станбениот кредит со животно осигурување е обезбеден со полиса за животно осигурување издадена од Триглав Осигурување – Живот АД Скопје, со можност за еднократна уплата на премија и годишна уплата на премија за животно осигурување. Со полисата за животно осигурување се овозможува заштита на имотот од последица на несреќен случај, сигурност во отплатата и заштита на целото семејство.

Покрај фиксна каматна стапка за првите 10 години и временскиот рок на отплата до 30 години (360 месеци), дополнителна поволност за клиентите кои се заинтересирани за овој кредитен производ кој го нуди Халкбанк АД е ниска стапка на вкупни трошоци на кредитот, односно 450 денари за проверка во Кредитно биро (надоместот се наплаќа пред исплата на кредитите и не се наплатува за одбиени и откажани барања), 150 денари за апликација за кредит и БЕЗ трошоци за предвремена ликвидација од сопствени средства како и големи олеснувања во обезбедувањето.

Максималниот износ за станбениот кредит со животно осигурување е 300.000 евра, а клиентите добиваат можност и за грејс период од 12 месеци.

Огромни поволности за клиентите, затоа што за Халкбанк – Важни се луѓето!

Банки

Стани дел од ХалкЕЗ заедницата и стигни до EXIT 2024

Објавено

на

Денеска стартува наградната игра „Стани дел од ХалкЕЗ заедницата и стигни до EXIT 2024” во организација на Халкбанк АД Скопје, која ќе трае до 4 јули.

Во наградната игра право на учество имаат сите физички лица на возраст од 18 до 24 години кои ќе станат корисници на пакетот за млади Halk EZ (Halk Easy), а со тоа ќе имаат подигнато VisaPayWave дебитна платежна картичка која е во рамките на пакетот.  Право на учество имаат и постоечките корисници на студентскиот пакет на Халкбанк кои имаат активна Visa PayWave дебитна платежна картичка чиј пакет се преименува во пакет за млади.

Како потврда за учество во наградната игра ќе се смета пополнетата изјава за согласност за учество во наградната игра електронски пополнета на веб-страницата на банката. Во извлекувањето на 5 јули ќе бидат земени во предвид сите корисници на пакетот за млади,  на возраст од 18 до навршени 24 години, кои имаат активна дебитна платежна картичка  на денот на извлекувањето и кои дале согласност за учество во наградната игра.

Ќе бидат извлечени вкупно пет награди – ВИП пакети за EXIT искуство за двајца, со карти за EXIT, авионски превоз, хотелско сместување и VIP третман во рамки на фестивалот. Секој добитник на ВИП пакет со себе може да избере придружба од едно лице.

Пакетот за млади Halk EZ (Halk Easy) претставува посебен и иновативен банкарски
пакет кој нуди голем број поволности и динамични содржини за сите корисници на
возраст од 16 до 24 години. Пакетот нуди бесплатно мобилно и електронско
банкарство, Visa PayWave дебитна платежна картичка без надоместок за годишна
членарина, со која може да се повлекува  готовина без надомест на сите банкомати во
земјата и во странство, платежна сметка без трошоци за водење на истата, и низа
иновативни услуги како GarminPaySmartSend и SmartCash.

Продолжи со читање

Банки

Оглас за вработување во Шпаркасе Банка АД Скопје

Објавено

на

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици, имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка те охрабрува да се придружиш на нивното семејство и заедно со нив секојдневно да ги живееш нивните корпоративни вредности!

Што ќе биде твојата улога?

  • Одговорност за ефикасно обезбедување, инсталација/конфигурација, операционализација и одржување на системскиот хардвер и софтвер и за соодветната инфраструктура;
  • Одговорност за серверски (оперативни) системи, системи за складирање на податоци, серверски апликации, системи за бекапирање, телефонски системи, (мобилна и фиксна телефонија), системи за заштита на податоци и останати ИТ системи;
  • Одговорност за извршување на дневен мониторинг на системот и потврда на интегритетот и достапноста на целиот хардвер, серверски ресурси, системски и клучни процеси, преглед на системските и апликациските технички записи и потврдување на извршувањето на закажаните постапки како што е бекапот;
  • Одговорност за извршување на редовен безбедносен мониторинг со цел идентификација на евентуални упади;
  • Одговорност за извршување на дневни бекап операции, осигурувајќи дека сите потребни системски фајлови и системски податоци се успешно копирани на соодветен резервен медиум и доставени;
  • Инсталација на нов / доградба на постоечките сервери и конфигурација на хардверот;
  • Инсталација и конфигурирање на системи кои се дел од инфраструктурни апликации.

Кои квалификации се потребни?

  • ВСС, Акредитирани високо образовни институции во РСМ,
  • Најмалку 3 години работно искуство во областа на информационата технологија ќе се смета за предност;
  • Познавање на методи и техники за администрација, управување со проекти и администрација, познавање на банкарско работење и релевантни информациони технологии и Microsoft сертификати ќе се сметаат за предност;
  • Англиски – солидно познавање, читање и пишување.

Шпаркасе Банка те охрабрува да ја искористиш оваа можност и да аплицираш на отворената позиција со испраќање на CV и мотивационо писмо на: kariera@sparkasse.mk, заклучно со 17.06.2024 со назнака „Апликација за САМОСТОЕН СОРАБОТНИК – СИСТЕМ АДМИНИСТРАТОР “.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе Банка ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА!

Продолжи со читање

Банки

Бранко Грегановиќ се повлече од функцијата Претседател на Управен одбор на НЛБ Банка АД Скопје

Објавено

на

Врз основа на член 33 од Правилата за котација на Македонска берза за хартии од вредност АД Скопје, НЛБ Банка АД Скопје известува дека на ден 07.06.2024 година, Г-дин Бранко Грегановиќ, поднесе оставка од функцијата Претседател на Управниот Одбор на НЛБ Банка АД Скопје.

Воедно, НЛБ Банка АД Скопје известува дека Надзорниот одбор на банката со одлука донесена на 131-вата седница, одржана на 10 Јуни 2024 година, го именуваше г- дин Тони Стојановски за нов Претседател на Управниот одбор на банката, која одлука ќе влезе во сила по добивање на согласност од Гувернерот на Народната Банка на Република Северна Македонија.

До добивање на согласност од Гувернерот на Народната Банка на Република Северна Македонија за именувањето на нов Претседател на Управен одбор на Банката, г-дин Бранко Грегановиќ ќе продолжи да ја извршува својата функција како Претседател на Управен Одбор на НЛБ Банка АД Скопје.

Продолжи со читање

Популарно